Amɔs 7:11 - Maktub gə́ To gə Kəmee

¹¹ Mbata aa ooje, ta gə́ Amɔs pa ɓa nee: Jeroboam lé a kwəi yoo-kiambas ləm, D’a kwa Israɛlje dɔ naŋg’d lə dee kaw sə dee gə́ ɓər Dɔ ɓee gə́ raŋg gə́ əw ya ləm tɔ.

Amɔs 7:11 ပူးပေါင်းရင်းမြစ်များ

2 Mbaije 17:6

Loo gə́ ləb ko̰ɓee lə Ojee as jinaikara ndá mbai gə́ Asiri taa ɓee gə́ Samari, tɔɓəi yeḛ wa Israɛlje ɓər aw sə dee Asiri. Yeḛ ar dee d’isi Halah ləm, gə mbɔr Habor, baa gə́ Gosan’g ləma, gə mee ɓee-booje’g lə Medəje ləm tɔ.

Pakɔsje 56:5

Ma m’nduba rɔm ka gin Ala’g lé ləm, Gə́ ma m’pidi tapea lé ləm, Ma m’ɔm məəm dɔ Ala’g lé M’ɓəl ne né kára bèe el ləm tɔ, See ɗi ɓa dəwje d’askəm ra səm ɓəi wa.

Jeremi 26:9

Gə mba ɗi ɓa i tegginta gə ri Njesigənea̰ pa ne pana: Kəi gə́ nee a to kasəna gə Silo bèe ləm, ɓee-boo gə́ nee a tuji kar dəw godo keneŋ ləm tɔ wa. Koso-dəwje lai ɓugu na̰ dɔ Jeremi’g mee kəi’g lə Njesigənea̰.

Jeremi 36:16

Loo gə́ dee d’oo taje lai gə́ yeḛ tura lé ndá deḛ d’aa kəm na̰ kɔbərɔ-kɔbərɔ gə ɓəl, tɔɓəi d’ula Baruk pana: Jeḛ lé j’a ndajije taje nee lai kar mbai lé oo.

Amɔs 1:1

Taje lə Amɔs gə́ to yeḛ gə́ kára mbuna njékulbadje’d gə́ Tekoa lé. Némḭdije gə́ yeḛ oo wɔji dɔ Israɛl mee ndəa gə́ Ojias to ne mbai gə́ Juda ləm, Jeroboam, ŋgolə Joas to ne mbai gə́ Israɛl ləm tɔ lé ləb joo ɓad ɓa kar naŋg yə ɓəi lé.

Amɔs 7:10

Yen ŋga Amasia, njekinjanéməs gə́ Betel lé ar dee d’ula Jeroboam, mbai gə́ Israɛl lé pana: Amɔs lé ula njuma̰ meḛ gel-bɔje’g lə Israɛl gə goo ŋgəḭ gə mba kɔsi ne rəw. Ɓee neelé askəm taa taje lai neelé el.

Amɔs 7:12

Tɔɓəi Amasia ula Amɔs pana: I njekoo né gə́ mḭdi lé uba naŋg ḭ aḭ aw ɓee lə Juda. Lée neelé ɓa i a sɔ né keneŋ ləm, i a tegginta keneŋ ya ləm tɔ.

Amɔs 7:9

Dɔ looje lə ŋgaka Isaakje gə́ ndəw lé D’a tɔs tila ləm, Kəi gə́ to gə kəmee lə Israɛlje lé kara D’a tuji pugudu-pugudu ləm tɔ Ndá n’a kḭ kur dɔ ɓeeko̰’g lə Jeroboam gə kiambas tɔ.

Misee 1:16

Maji kar sí ndisaje dɔ sí ŋgori-ŋgori. Mbata lə ŋgan síje gə́ seḭ unda deeje dan kəm sí’g! Ndisaje dɔ sí ŋgori-ŋgori Areeje to asəna gə́ dɔ malje bèe Mbata d’isi d’aw sə dee gə́ ɓee-ɓər’d gə́ əw.

Matiyo 26:61

Dəw neelé ula dee pana: N’a tuji kəi-Ala pugudu ndá as ndɔ munda ba ya n’a tel karee to lée’g gogo.

Néra Njékaḭkulaje 6:14

mbata jeḛ j’oo ta gə́ təa’g gə́ pana: Jeju gə́ Najaret a gə tuji loo neelé pugudu ləm, néjiɓee gə́ Moyis ar sí kara a tel kunda ɓəd ləm tɔ.