Amɔs 6:4 - Maktub gə́ To gə Kəmee

⁴ Deḛ d’wa rɔ dee dɔ tiraje’g Gə́ ra gə ŋgaŋ kər ləm, Deḛ naji rɔ dee loo-to dee’g ləm tɔ, Deḛ d’usɔ ŋgan badje mbuna koso-badje’g ləm, Gə bɔ maŋgje gə́ d’aar kəi-kul dee’g ləm tɔ.

Amɔs 6:4 ပူးပေါင်းရင်းမြစ်များ

Gḭ-Néje 37:25

Gée gə́ gogo ndá deḛ d’isi naŋg mba sɔ né. Loo gə́ d’un kəm dee gə́ tar ndá d’oo Ismaelje gə́ d’ḭ Galaad. Deḛ d’ɔm kuma̰je gə́ ə̰də sululu ləm, gə no̰ kagje ləma, gə ubu timbá ləm tɔ dɔ jambalje’g lə dee d’isi d’aw ne Ejiptə.

Este 1:6

Kubuje gə́ ndá ləm, gə to bədələ ləma, gə ndul ɗigi ləm tɔ lé deḛ tɔ dee tar gə kúla palégal ləm, gə kúla gə́ ndul piro-piro ləm tɔ ta ŋgamaje gə́ ra dee gə larnda ləm, gə ta mbalje gə́ tɔl dee gə́ gajije ləm tɔ. Tiraje gə́ ra dee gə larlɔr gə larnda lé d’unda dee loo-kuba’d gə́ ra gə mbalje gə́ kas njir-njir ləm, gə ndá kələw-kələw ləma, gə kɔr mbalje gə́ ndul ləm tɔ.

Pakɔsje 73:7

Néra gə́ kori-kori ḭ meḛ dee’g teḛ raga ləm, Takə̰jije lə deḛ gə́ dɔɓəŋgərə dee’g kara kinja to ne raga ndəgəsə ya ləm tɔ.

Esai 22:13

Nɛ aa ooje, boo-rɔkal gə rɔlel to keneŋ! Deḛ tɔl maŋgje gə badje ləm, Deḛ d’usɔ da gə d’ai mán-nduú ləm tɔ Pa ne pana: Ar sí j’usɔje gə j’aije Mbata bèlè j’a gə kwəije!

Esai 28:1

Meeko̰ a koso dɔ ɓee-boo gə́ Samari Gə́ to dɔgugu-beelé lə Eprayimje Gə́ to njéra ɓər lə kidoje lé ləm, Gə pudu gə́ to néɗɔi-rɔ dɔ wəl-loo gə́ aar kó’g Gə́ wɔji dɔ deḛ gə́ d’ar kido tɔs dee ndəgərə naŋg lé ləm tɔ.

Jeremi 16:8

Andə mee kəi-ra-naḭ’g kara gə mba si sə dee gə mba sɔ gə kai sə dee el tɔ.

Ejekel 16:49

Aa ooje, kaiya ra Sɔdɔm, ŋgokɔḭ gə́ dené lé ɓa nee: Yeḛ to njeti rəa ləm, yeḛ gə ŋganeeje gə́ dené d’isi dan némajije’g bèdèg ləm, d’isi gə́ majee lal kḛji ta dɔ’g ləm tɔ nɛ deḛ gəd deḛ gə́ d’isi dan nékəmndoo’g gə njé gə́ né lal dee lé el.

Ejekel 23:41

I si dɔ tira gə́ maji péd-péd’g no̰ loo gə́ tabul to keneŋ ndá dɔ tabul’g neelé i unda né lə neḛ gə́ ə̰də sululu gə ubu lə neḛ keneŋ.

Amɔs 3:12

Njesigənea̰ ɓa pa togə́bè pana: Loo gə́ toboḭ wa nékul ndá Njékulbadje tɔr gɔl nékul gə́ joo Esé dɔ mbia gə́ kára ta toboḭ’g bèe lé Togə́bè Israɛlje gə́ d’isi Samari Gə́ to dɔ tira’g əsé d’isi dɔ kubu kila naŋg’d gə́ Damas lé kara Njesigənea̰ a kaji dee togə́bè ya tɔ.

Amɔs 8:3

Mee ndəa gə́ neelé ndu pa gə́ mee kəi’g lə mbai lé A tel to gə́ ndu no̰ gə kii, Mbaidɔmbaije gə́ Njesigənea̰ ɓa pa bèe, D’a kodo nin dəwje bula yaa̰ Kɔm gə looje lai, Kar kaa mbi loo pa doi-doi.

Misee 6:12

Baoje gə́ mee ɓee’g neelé néra gə́ kərm-kərm ɓa taa rɔ dee pəl-pəl ləm, Dəw-mee-ɓeeje lé taŋgɔm ɓa oji na̰ ta dee’g ləma, Ndo̰ dee teḛ gə ta sukəmloo ləm tɔ.

Lugu 16:19

Dəw kára gə́ to bao lé ula kubu gə́ ndul piro-piro gə́ bḭ maji rəa’g ləm, si dan maji’g gə dan rɔlel’g gə ndəa-ndəa ləm tɔ.

Maktub gə́ Jak ula ne ar ngan-Allaje 5:5

Seḭ sije ga̰daŋ dɔ naŋg nee dan nérɔlel gə́ wɔji dɔ darɔ sí-seḭ ləm, seḭ sije gə meendan ndɔ ndum mburug-mburug lə dəwje ya ləm tɔ.