Amɔs 6:3 - Maktub gə́ To gə Kəmee

³ Seḭ ə̰jije meḛ sí’g Mba kɔs ndɔ némeeko̰ neelé Karee nai gə kuree ɓəi ləm, Seḭ arje néra gə́ kərm-kərm taa sí loo ləm tɔ.

Amɔs 6:3 ပူးပေါင်းရင်းမြစ်များ

Pakɔsje 94:20

See njémeeyèrje gə́ d’wɔji-kwɔji néra gə́ kori-kori meḛ dee’g d’al ne ta ta godndu’g lé See d’a kari si dɔ kalimbai’g lə dee lé ya wa.

Njekillamber 8:11

Mbata ta gə́ gaŋg dɔ néraje gə́ majel’d Gə́ d’aree aw ne lée’g béréré Dɔ dee’g kalaŋ el lé Ɓa ar dəwje d’wɔji ne néra gə́ majel Meḛ dee’g ra gə́ kédé-kédé.

Esai 47:7

Seḭ paje pana: Seḭ a toje mbai dɔ ɓeeko̰je ya saar-saar! Seḭ ə̰jije meḛ sí’g to gə́ néje neelé Rudu dee a kun ɗiao bèe el ya saar.

Esai 56:12

Gə́ reeje, m’a kaw saŋg mán-nduú Ndá jeḛ j’a kaije nékai gə́ mḭ! Bèlè kara j’a ra togə́bè ya ɓəi ləm, J’a kaije yaa̰ karee ur dɔ yeḛ gə́ nee ya ɓəi ləm tɔ!

Nɔ̰-ndôo gə́ wɔji dɔ Jerusalem 4:5

Dəwje gə́ kédé to njékusɔ néje Gə́ maji-maji lé kara D’wəi mburug-mburug dan rəw’g ləm, Deḛ gə́ kédé to njékula kubu Gə́ bḭ-maji gə́ ndul piro-piroje lé kara Deḛ rogo naŋg dan siḭ néje’g ləm tɔ.

Ejekel 12:22

Ma ŋgon-dəw lé see gosota gə́ seḭ paje mee ɓee gə́ Israɛl pajena: Ndɔje dəs gə goo na̰ goo na̰ nɛ némḭdije lé né kára kara teḛ el lé see ban ɓa paje bèe wa.

Ejekel 12:27

Ma ŋgon-dəw lé aa oo, gel-bɔje lə Israɛl pana: Némḭdije gə́ ma m’oo lé kàr kar dee d’aw lée’g béréré nai dəb el. Ma m’tegginta m’wɔji ne dɔ ndɔje gə́ nai əw ɓəi.

Ejekel 23:42

Ndu koso-dəwje gə́ bula digi-digi ɓar gə rɔlel, mbuna koso-dəwje’g neelé deḛ d’ar Sabaje d’ḭ dɔdilaloo’g ree, to deḛ gə́ d’ula niŋgaje ji ŋgako̰ na̰je gə́ dené gə́ joo lé ləm, gə dɔgugu gə́ maji dum dɔ dee’g ləm tɔ.

Amɔs 3:10

Njesigənea̰ ɓa pa togə́bè pana: Deḛ gər loo ra né gə́ danasur el ləm, Deḛ taa néje lə mar deeje gə siŋgamoŋ lə dee dɔ buguru’g Daa ne néje neelé mee kəi-mbaije’g lə dee ləm tɔ.

Amɔs 3:9

Ɔrje ndu sí gə́ tar wəl mee kəi-mbaije gə́ Asdod ləm, Gə mee kəi-mbaije gə́ mee ɓee gə́ Ejiptə ləm tɔ. Seḭ a pajena: Maji kar sí mbo̰je dɔ na̰ dɔ mbal’g Samari Ooje kaw dɔ na̰’d pum-pum mee ɓee’g neelé ləm, Gə néraje gə́ kərm-kərm gə́ deḛ ra keneŋ lé ləm tɔ.

Amɔs 5:12

Mbata neḛ n’gər gao, Kaiyaje lə sí bula yaa̰ ləm, Néra majelje lə sí kara ḭ dɔ maree’g ləm, Seḭ ulaje njéra nédanaje ndubu ləm, Seḭ taaje néndogo-gel dəwje ləma, Seḭ ɔgje njéndooje né Gə́ kəm kar dee d’iŋga lé ləm tɔ.

Amɔs 5:18

Meeko̰ a koso dɔ deḛ gə́ ndiŋga ndɔ lə Njesigənea̰. See ɗi ɓa meḛ sí to yel gə mba kiŋga mee ndɔ’g lə Njesigənea̰ lé wa. Ndɔ neelé loo a ndul kɔl-kɔl keneŋ ɓó lookàr a to el.

Amɔs 6:12

See kundaje d’aiŋgwɔd dɔ biri mbal’g wa. Esé see deḛ ndɔ-ndɔ keneŋ gə bɔ maŋgje Ɓa seḭ telje néra gə́ danasur areeje to gə́ kuma̰ yoo ləm, Kandə meekarabasur lé Seḭ teleeje gə́ kandə né gə́ adə ləm tɔ lé wa.

Amɔs 9:10

Njékaiyaje lai mbuna koso-dəwje’g lə neḛ lé D’a kwəi yoo-kiambas, Deḛ gə́ pa pana: Némajel a tibi mbɔr neḛje el ləm, A teḛ dɔ neḛje’g el ləm tɔ lé.

Misee 6:12

Baoje gə́ mee ɓee’g neelé néra gə́ kərm-kərm ɓa taa rɔ dee pəl-pəl ləm, Dəw-mee-ɓeeje lé taŋgɔm ɓa oji na̰ ta dee’g ləma, Ndo̰ dee teḛ gə ta sukəmloo ləm tɔ.

Matiyo 24:48

Nɛ ɓó lé kura neelé to njeyèr gə́ ə̰ji ta mée’g pana: Mbai lə neḛ a ree dəb el ɓəi,

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.

2 Piɛrə 3:4

pana: Ndia gə́ yeḛ un gə́ pana: N’a ree ne lé see to banwa, kwəi gə́ ka síje d’wəi ləw ba saar lé néje lai to gə loo tée gə́ tum ne gin naŋg nee ləw ba saar ɓasinè.

Loo gə́ killa rea kəm Ja̰’g 18:17

Njékwa ŋgaw-batoje lai ləm, gə deḛ lai gə́ d’aw gə rəw gə́ mán gə́ par gə́ nee, gə njébatoje ləma, gə deḛ gə́ saŋg nékiŋgaje dan baa-boo-kad’g neelé ləm tɔ lé deḛ d’unda rɔ dee ŋgərəŋ,