Amɔs 6:2 - Maktub gə́ To gə Kəmee

² Dəsje awje ɓee gə́ Kalne ooje ləm, Ḭje keneŋ awje saar teḛje Amat Gə́ to ɓee-boo lə Pilistije ləma, Awje Gat, ɓee lə Pilistije ləm tɔ. See ɓee-booje gə́ neelé To maji d’ur dɔ ɓeeko̰je’g lə sí gə́ joo nee wa. Esé see dɔ naŋg lə dee tad yaa̰ unda ka̰ sí-seḭ wa.

Amɔs 6:2 ပူးပေါင်းရင်းမြစ်များ

Gḭ-Néje 10:10

Yeḛ o̰ ɓee kédé dɔ ɓeeje gə́ Babel gə Erek gə Akad gə Kalne gə́ to dɔ naŋg gə́ Sineyar.

2 Samel 8:9

Tɔi, mbai gə́ Amat oo to gə́ Dabid dum dɔ njérɔje lə Adadéjer ndá

1 Mbaije 8:65

Mee ndəa gən lé Salomo̰ gə koso-dəwje gə́ Israɛl lai səa na̰’d ra naḭ keneŋ. Koso-dəwje gə́ dum tura d’ḭ looje gə́ gugu gir Amat, saar teḛ kəm-rəw-mán gə́ Ejiptə, ree mbo̰ dɔ na̰ no̰ Njesigənea̰ Ala’g lə sí ra ndɔ siri, tɔɓəi ndɔje gə́ raŋg siri ɓəi to aree as ndɔ dɔg-giree-sɔ.

2 Mbaije 17:24

Mbai gə́ Asiri ar dəwje gə́ Babilɔn, gə Kuta, gə Aba, gə Amat, gə Separbayim ree d’isi mee ɓee-booje gə́ Samari tor Israɛlje’g lé. Deḛ taa Samari gə́ ka̰ dee ndá dee d’isi mee ɓee-booje’g ləa.

2 Mbaije 17:30

Dəwje gə́ Babilɔn ra néndaji magə gə́ ria lə Sukot-Benot ləm, njé gə́ Kut ra néndaji magə gə́ ria lə Nergal ləm, njé gə́ Amat ra néndaji magə gə́ ria lə Asima ləm,

2 Mbaije 18:34

See magəje lə Amat gə Arpad d’əd ra wa. See magəje lə Separbayim gə Hena gə Iba d’əd ra wa. See deḛ lé taa Samari ji neḛ’g wa.

2 Mbaije 19:13

Mbai gə́ Amat, gə mbai gə́ Arpad, gə mbai lə ɓee-boo gə́ Separbayim, gə mbai gə́ Hena, gə Iba lé see d’əd ra wa.

2 Sôrta Gḭka Israɛlje 26:6

Yeḛ rɔ gə Pilistije ndá yeḛ təd ndògo-bɔrɔ gə́ Gat ləm, gə ndògo-bɔrɔ gə́ Jabne ləma, gə ndògo-bɔrɔ gə́ Asdod ləm tɔ, tɔɓəi yeḛ unda ɓee-booje dɔ naŋg’d gə́ Asdod ləm, gə mbuna Pilistije’g ləm tɔ.

Jeremi 49:23

Ta gə́ wɔji dɔ njé gə́ Damas. Deḛ gə́ d’isi ɓee-booje Gə́ Amat gə Arpad lé D’isi gə rɔkul, Mbata deḛ d’oo sorta gə́ majel ndá Deḛ d’unda bala, To asəna gə baa-boo-kad Gə́ turu tuma̰-tuma̰ Gə́ askəm tel to ndiŋ el bèe.

Nahum 3:8

I ɓee gə́ Ninibə lé see i to maji ur dɔ ɓee gə́ No-Amo̰ Gə́ to mbuna baa-booje’g dana bab ləm, Ar manje d’aḭ dəa sub ləma, Ar baa-boo-kad ɓa gə́ loo-kɔn-rɔ ləa gə ndògo ləa ləm tɔ lé wa.

1 Samel 17:23

Loo gə́ yeḛ aar wɔji sə dee ta bèe-bèe ndá aa oo, Pilisti kára gə́ to dəw gə́ Gat gə́ ria lə Goliat lé ḭ dan Pilistije’g teḛ aar mbuna kudu-njérɔje gə́ gel joo’g lé. Yeḛ pata ləa to gə́ kédé lé ya ɓəi ndá Dabid oo ta lé tɔ.

1 Samel 17:4

Yen ŋga bao-rɔ kára unda loo mee loo-si Pilistije’g teḛ aar dan kudu-njérɔje gə́ joo’g lé. Débee neelé ria lə Goliat, yeḛ to dəw gə́ Gat, tɔɓəi yeḛ ŋgal as kəmkil dəw misa̰ gə gesee gə́ as tad lə pə̰ ko̰ ji dəw gə ŋgon jia gə́ rudu lé.

1 Samel 5:10

Yen ŋga deḛ d’ula gə sa̰duk-manrɔ lə Ala ɓee-boo gə́ Ekro̰. Loo gə́ sa̰duk-manrɔ lə Ala teḛ Ekro̰ ndá njé gə́ Ekro̰ d’ila ndu dee naŋg wəl pana: Deḛ ree gə sa̰duk-manrɔ lə Ala lə Israɛlje mba kar sí j’wəije ne, jeḛ ləm gə dəwje lə sí ləm tɔ.

1 Samel 5:8

Deḛ d’ula kula ɓar mbaije lə Pilistije d’ar dee ree mbo̰ dɔ na̰ rɔ dee’g ndá deḛ dəji dee pana: See ɗi ɓa j’a ra gə sa̰duk-manrɔ lə Ala lə Israɛlje lé wa. Mbaije lé tel d’ila dee keneŋ pana: Maji kar dee d’un sa̰duk-manrɔ lé d’aw ne Gat. Deḛ d’un sa̰duk-manrɔ lə Ala lə Israɛlje lé d’aw ne keneŋ ya tɔ.