Amɔs 6:11 - Maktub gə́ To gə Kəmee

¹¹ Mbata aa ooje, né gə́ Njesigənea̰ un ndia dɔ’g lé ɓa nee: Yeḛ a kar kəi gə́ boo lé təd kuyum-kuyum ləm, Ŋgon kəi gə́ lam kara a kiri budu-budu ləm tɔ.

Amɔs 6:11 ပူးပေါင်းရင်းမြစ်များ

2 Mbaije 25:9

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

Pakɔsje 105:16

Yeḛ ɓar ɓoo-boo ila dɔ ɓee’g neelé ləm, Koje lə dee gə́ d’unda kul lé kara Yeḛ tuga sané kad-kad ya ləm tɔ.

Pakɔsje 105:31

Yeḛ pata ndá kəm mbàje teḛ ne dèm-dèm ləm, Ndisaje kara taa loo d’aw dèm-dèm dɔ naŋg ɓeeje’g lə dee lai-lai ya ləm tɔ.

Pakɔsje 105:34

Yeḛ pata ndá beedéje teḛ To beedé gə́ dum tura ya.

Njekillamber 10:18

Loo gə́ ji dəw unda ndolè ndá kag-dɔkəi ndida ləm, loo gə́ ji dəw kul kwɔji-kwɔji ndá kəi ndəi ɓèd-ɓèd ləm tɔ.

Esai 13:3

Ma m’un ndum m’ar koso-dəwje ləm Gə́ m’unda dee gə kəmee, Ma m’ɓar bao-rɔje, Deḛ gə́ d’al rɔ dee dɔ riɓar’g ləm Gə mba kar dee riba dɔ oŋg ləm pərəg lé.

Esai 55:11

Togə́bè ɓa taje gə́ teḛ tam’g lé D’a tel ree rɔm’g Lal kar née teḛ el ləm, Lal ra né gə́ məəm ndigi el ləma, Lal ra torndum kar néje gə́ m’wɔji lé d’aw lée’g béréré el ləm tɔ.

Amɔs 3:15

Kəije gə́ naḭ kuli gə kəije gə́ naḭ kàrá kara N’a kunda dee naŋg rab-rab, Kəi-mbaije gə́ ra gə ŋgaŋ kər lé d’a tuji ləm, Boo-kəije gə́ boi-boi kara d’a sané kad-kad ya tɔ. Njesigənea̰ ɓa pa bèe.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Amɔs 6:8

Mbaidɔmbaije gə́ Njesigənea̰ lé Maa̰ rəa gə ria-yeḛ nja, Njesigənea̰, Ala gə́ njeboo-néje lé ɓa pa bèe pana: Beelé lə Jakob lé to kḛji kəm neḛ’g ləm, Kəi-mbaije ləa kara neḛ n’ə̰ji bəḭ-bəḭ ləm tɔ, Togə́bè ɓa n’a kila ɓee neelé Gə néje lai gə́ to keneŋ lé ji njéba̰je’g lə dee tɔ.

Amɔs 9:1

Ma m’oo Mbaidɔmbaije gə́ aar tar mbɔr loo-nékinjaməs’g. Yeḛ pana: Maji kar dee kunda mburṵ dɔ gaji kagje gə́ tar kar no̰ tarəwkəije yə ləm, Maji kar dee təd dee dɔ dəwje’g lai ləm tɔ. N’a tuji ges deḛ gə́ nai gə kiambas. Dəw kára kara mbuna dee’g a kaskəm kaḭ kaji rəa el ləm, Dəw kára kara mbuna dee’g a teḛ kaḭ taa rəa el ləm tɔ.

Amɔs 9:9

Mbata aa ooje, n’a kun ndu neḛ ndá D’a yə gel-bɔje lə Israɛl mbuna ginkoji dəwje gə raŋg’g lai, To gə́ deḛ gɔl ne né gə san bèe Lal kar guburee kára kara oso naŋg.

Nahum 1:14

Aa ooje, né gə́ Njesigənea̰ un ne ndia wɔji ne dɔ sí-seḭ gə́ Ninibə ɓa nee: Seḭ a kiŋgaje ŋgaka síje gə́ ri sí a ɓar ne dɔ dee’g nda̰ el, N’a tɔr néndajije gə́ seḭ tɔl deeje ləm, gə lḛ̀je ləm tɔ Mee kəi-magə’d lə sí, N’a gɔl bwa-dubu sí mbata seḭ toje dəwje gə́ gə mḭdé ba.

Jakari 14:2

Ma mbo̰ ginkoji dəwje gə raŋg lai Gə mba kar dee rɔ gə Jerusalem, D’a taa ɓee-boo ləm, d’a buu mee kəije buu-buu ləm, D’a kur dɔ denéje’g ləm tɔ, Ges dəwje gə́ mee ɓee-boo’g lé D’a kaw ɓər, Nɛ ges koso-dəwje gə́ nai lé D’a tuji deḛ lai mee ɓee-boo’g el.

Malasi 1:4

Ɓó lé Edɔmje pana: Jeḛ lé ɓeeje lə sí tuji mba̰ nɛ j’a tel gɔl dee gogo ɓəi. Ndá Njesigənea̰ gə́ njeboo-néje lé pa togə́bè pana: Ɓó lé deḛ tel gɔl kara m’a kunda naŋg rab-rab ya. Ndá d’a ɓar dee dɔ naŋg gə́ némeeyèrje taa loo keneŋ pəl-pəl ləm, gə koso-dəwje gə́ mee Njesigənea̰ ḭ səa pu dɔ dee’g gə no̰ ləm tɔ.

Lugu 19:44

D’a kya̰ mbal kára dɔ maree’g gə mba kari el mbata ree gə́ deḛ ree d’ooi ndəa gən lé i gər dee keneŋ el lé.