Amɔs 6:1 - Maktub gə́ To gə Kəmee

¹ Meeko̰ a koso dɔ deḛ gə́ d’isi lɔm mee ɓee’g Sio̰ ləm, Gə deḛ gə́ d’isi gə́ majee dɔ mbal’g Samari Lal ɓəl ləm tɔ. Mbata deḛ gə́ to mbaije gə́ boo lə ginkoji dəwje Gə́ d’uru dɔ mar deeje’g lé Ɓa Israɛlje d’aw rɔ dee’g!

Amɔs 6:1 ပူးပေါင်းရင်းမြစ်များ

1 Mbaije 16:24

yeḛ ndogo gə Semer dɔ mbal gə́ Samari kəm larnda tɔl-dɔg-loo-misa̰ (6.000), yeḛ unda ɓee-boo dɔ mbal’g ləm, unda ri Samari ɓa dɔ ɓee-boo’g neelé gə goo ri Semer gə́ to mbai dɔ mbal’g neelé ləm tɔ.

Pakɔsje 123:4

Lul-kogo lə njébeeleje ləm, Gə kḛji bəḭ-bəḭ lə njékəstaje ləm tɔ lé As sí nag-nag ya tɔ.

Gosota-Kəmkàrje 1:32

Mbata kɔs ta rəw lə njégərnéelje lé Tɔl dee ya ləm, Jɔg-rɔ el lə mbəje lé Tuji dee ya ləm tɔ.

Esai 33:14

Njékaiyaje lé deḛ ɓəl mee ɓee gə́ Sio̰’g, Njéra né kori-korije lé d’unda bala tigi-tigi. See na̰ ɓa mbuna sí’g askəm si mbɔr pər gə́ roo loo’g wa. Esé na̰ ɓa mbuna sí’g askəm si mbɔr ndo̰ pərje gə́ to saar-saar gə no̰ lé wa.

Jeremi 2:3

Israɛlje lé to gə kəmee Mbata lə Njesigənea̰ ləm, Deḛ to kandə néje ləa gə́ doŋgɔr ləm tɔ. Deḛ lai gə́ d’usɔ kandə néje neelé D’ar taree wa dɔ dee ləm, Nékəmndoo oso ne dɔ dee’g ləm tɔ, Njesigənea̰ ɓa pa bèe.

Jeremi 48:11

Ɓee gə́ Moab lé un kudee gə basee ba ya Aw yururu asəna gə mán-nduú Gə́ toso ɗəḭ-ɗəḭ dɔ gwɔiyee’g Ɓó dəw unee mbélee mee jo gə́ raŋg’d el ləm, D’aw səa ɓee-ɓər’g el ləm tɔ. Yee ɓa lel ləa ɔr ne el ləm, Baḭyee tel ə̰də ne ɓəd el ləm tɔ.

Jeremi 49:31

Ḭje tar aw rɔje gə ginkoji dəwje Gə́ d’isi lɔm ləm, Gə d’isi gə́ majee ləm tɔ lé. Njesigənea̰ ɓa pa bèe. Tarəwkɔg lə dee godo ləm, Pəgərə tarəw lə dee godo ləma, Deḛ d’isi gə kar dee ba ləm tɔ.

Jeremi 5:5

M’a kaw rɔ dəwje gə́ boo-boo’g Ndá m’a kula dee ta, Mbata deḛ lé gər rəw lə Njesigənea̰ ləm, Gə torndu Ala lə dee ləm tɔ. Nɛ deḛ lai kara təd néməməna̰ gwɔs dee’g ləm, Deḛ gaŋg kúla rɔ dee’g ləm tɔ.

Jeremi 7:4

Undaje meḛ sí yel dɔ ta sukəmlooje gə́ pana: Loo neelé to kəi lə Njesigənea̰, to kəi lə Njesigənea̰ ya bèe el.

Nɔ̰-ndôo gə́ wɔji dɔ Jerusalem 1:1

Ɗi togə́bè wa. Ɓee-boo gə́ kédé dəwje taa loo keneŋ pəl-pəl lé Tel to dɔ nduba wa. Yee tel to asəna gə njekəisiŋga bèe! Kédé yee ur dɔ ɓeeje lə ginkoji dəwje gə raŋg lai ləm, Ria ɓar yaa̰ mbuna ɓeeko̰je’g lai ləm tɔ Nɛ yee tel to asəna gə njera kula kari ba ŋga!

Amɔs 3:2

Ma mbər sí-seḭ ya kára ba Mbuna ginkoji dəwje’g lai-lai gə́ dɔ naŋg nee: Gelee gə́ nee ɓa m’a kar bo̰ néra majel lə sí lai ɔs ta sí’g ya.

Amɔs 3:9

Ɔrje ndu sí gə́ tar wəl mee kəi-mbaije gə́ Asdod ləm, Gə mee kəi-mbaije gə́ mee ɓee gə́ Ejiptə ləm tɔ. Seḭ a pajena: Maji kar sí mbo̰je dɔ na̰ dɔ mbal’g Samari Ooje kaw dɔ na̰’d pum-pum mee ɓee’g neelé ləm, Gə néraje gə́ kərm-kərm gə́ deḛ ra keneŋ lé ləm tɔ.

Amɔs 4:1

Urje mbi sí ooje ta neelé, Seḭ denéje gə́ Samari gə́ toje baoje Gə́ toje asəna gə ko̰ maŋgje gə́ Basan lé Seḭ gə́ ulaje njéndooje ndubu ləm, Seḭ tubaje deḛ gə́ néje bula lal dee Naŋg mbajila-mbajila ləm tɔ lé Tɔɓəi seḭ ulaje ŋgaw síje pajena: Reeje gə nékai ar sí j’aije.

Amɔs 5:27

Bèe ndá n’a kwa sí kɔm sí ɓee-ɓər’g gir loo gə́ Damas, Njesigənea̰ ɓa pa bèe, Yeḛ gə́ ria lə Ala gə́ njeboo-néje lé ya.

Amɔs 8:14

Deḛ gə́ d’ubu rɔ dee dɔ kaiya’g lə Samari lé, Deḛ gə́ pana: Dan, maji kar magə ləi si gə ləbee-ləbee gə no̰, Maji kar rəw lə Beer-Seba to gə no̰ lé D’a t’oso nɛ d’a kḭ tar el tɔ.

Amɔs 9:10

Njékaiyaje lai mbuna koso-dəwje’g lə neḛ lé D’a kwəi yoo-kiambas, Deḛ gə́ pa pana: Némajel a tibi mbɔr neḛje el ləm, A teḛ dɔ neḛje’g el ləm tɔ lé.

Misee 3:1

Ma m’pana: Ooje ta nee, seḭ mbai dɔ ŋgaka Jakobje lé Seḭ njéko̰ɓeeje gə́ Israɛl! See to ta lə sí-seḭ ya Gə mba kar sí gərje né gə́ gə dɔ najee lé el wa.

Soponi 1:12

Mee ndəa’g neelé n’a tən loo mee ɓee gə́ Jerusalem soo-soo gə pərndɔje lə neḛ ləm, Dəwje gə́ d’isi lɔm to gə́ ɓi mán-nduú gə́ oso gelee’g bèe Gə́ pa meḛ dee’g pana: Njesigənea̰ lé ra né gə́ maji əsé né gə́ majel bèe el lé N’a kar bo̰ néra dee ɔs ta dee’g ləm tɔ.

Maktub gə́ Jak ula ne ar ngan-Allaje 1:18

Yeḛ nja oji sí to gə́ mée ndigi, kankəmta ɓa yeḛ ɔr sí ne mba kar sí n’toje ne kó dəwje ləa.

Maktub gə́ Jak ula ne ar ngan-Allaje 5:5

Seḭ sije ga̰daŋ dɔ naŋg nee dan nérɔlel gə́ wɔji dɔ darɔ sí-seḭ ləm, seḭ sije gə meendan ndɔ ndum mburug-mburug lə dəwje ya ləm tɔ.

1 Piɛrə 5:7

Néje lai gə́ pélé meḛ sí wəs-wəs lé odoje ɓuguje dəa’g mbata yeḛ nja to njekaa dɔ sí kər-kər.

Njéga̰g-Rəwtaje 18:7

Dəwje gə́ mi neelé d’ɔd d’aw ndá deḛ teḛ Layis. Deḛ d’oo dəwje gə́ d’isi gə́ majee to gə́ Sido̰je gə́ d’isi ne lɔm lal meekaarkərm bèe. Mee ɓee’g neelé dəw kára kara gə́ njera né gə́ kədərə gə́ tḛ́ bèe ɓa o̰ ne dɔ dee lé godo. Deḛ d’isi əw gə Sido̰je ləm, d’ɔm na̰’d gə dəwje gə́ raŋg el ləm tɔ.