Amɔs 5:8 - Maktub gə́ To gə Kəmee

⁸ Yeḛ lé ra kéréméje Gə́ ɓar dee Ŋgama̰dje-gə́-siri gə Bisi-tɔb-talje ləm, Yeḛ ar loo gə́ ndul njudu-njudu lé Tel to loo gə́ a gə kàr ləm, Yeḛ ar lookàr lé kara tel to loondul ləma, Yeḛ ɓar manje mee baa-boo-kad’g Ar dee d’ər dɔ naŋg nee ləm tɔ lé Ria lə Njesigənea̰ ya.

Amɔs 5:8 ပူးပေါင်းရင်းမြစ်များ

Maktub gə́ wɔji dɔ Jɔb 12:22

Né gə́ iya rəa loondul’g lé yeḛ riba dəa pərəg gə́ raga ləm, Yeḛ ar ndil yoo gə́ dəb rigim lé to raga ndəgəsə ləm tɔ.

Maktub gə́ wɔji dɔ Jɔb 37:13

To asəna gə ɗuguru-kag gə́ yeḛ unda ne naŋg ləa bèe ləm, Esé to asəna gə nékɔr gin meenoji ləa gə́ yeḛ aree teḛ kəm dee’g bèe ləm tɔ.

Maktub gə́ wɔji dɔ Jɔb 38:34

See i ɔr ndui gə́ tar saar teḛ ne loo-kil-lə-ndi’g Ɓar ne kəm-rəw-manje gə́ rɔi’g wa.

Maktub gə́ wɔji dɔ Jɔb 9:9

Yeḛ nja unda kéréméje gə́ ɓar dee Ŋgawgel gə Bisi-tɔb-talje gə Ŋgama̰dje gə́ siri ləm, Gə kéréméje gə́ par gə́ dɔkɔl ləm tɔ.

Pakɔsje 104:20

I ar loo dəb rigim tel loondul Ndá daje lai gə́ mee wala’d lé d’aw ne dɔ na̰’d wur-wur tɔ.

Pakɔsje 105:28

Yeḛ ula gə loo gə́ to bigim Ar loondul gə́ ndul kɔl-kɔl dəb dɔ dee’g Ndá deḛ d’ɔs ta ləa rəw el.

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 59:10

Jeḛ mamje loo to gə́ njékəmtɔje Gə́ mam loo kaar ndògo’g bèe ləm, Jeḛ mamje loo to gə́ dəwje gə́ kəm dee godo bèe ləm tɔ, Loo gə́ kàr aar daŋdɔ lé Jeḛ n’tosoje godə loo’g asəna gə dəw gə́ aw loondul’g bèe ləm, Dan nékiŋgaje gə́ bèdèg lé Jeḛ n’toje j’asəna gə yoo-dəwje keneŋ ləm tɔ.

Jeremi 16:21

Gelee gə́ nee ɓa Ma m’ar dee gər ɓasinè ləm, M’ar dee gər siŋgamoŋ ləm Gə roŋgəŋ ləm ləm tɔ. Yen ɓa d’a gər to gə́ rim To Njesigənea̰.

Jeremi 33:2

Njesigənea̰ gə́ ra néje neelé ləm, Njesigənea̰ gə́ wɔji néje nee aree aw lée’g béréré ləma, yeḛ gə́ ria lə Njesigənea̰ ləm tɔ lé pa togə́bè pana:

Amɔs 4:13

Mbata aa ooje, yeḛ gə́ to njera mbalje ləm, Gə njekunda lel ləm, Yeḛ gə́ riba dɔ takə̰ji ləa ar dəw gər ləm, Yeḛ gə́ ar loo gə́ kàr uba lé Tel to loondul ləma, Yeḛ gə́ njaa sém looje’d gə́ tar lə naŋg nee ləm tɔ lé Ria ɓa to Njesigənea̰, Ala gə́ njeboo-néje ya.

Amɔs 8:9

Mbaidɔmbaije gə́ Njesigənea̰ pa pana: Mee ndəa’g neelé n’a kar kàr Gə́ aar daŋdɔ bèe ya andə ləm, Dan kàrá kara n’a kar dɔ naŋg ndul ndiŋ-ndiŋ ləm tɔ.

Amɔs 9:6

Yeḛ ra loo-siée mee dara’g ndá Yeḛ tum ginee aree ree njal uru naŋg jigi, Yeḛ ɓar manje mee baa-boo-kad’g Ar dee d’ər dɔ naŋg nee ya tɔ. Njesigənea̰ ɓa gə́ ria.

Matiyo 4:16

Dəwje neelé gə́ d’isi dan loondul’g lé Deḛ nja d’oo loo gə́ ndogó wər-wər ləm, Deḛ neelé gə́ ndil yoo dəb dɔ dee’g bigim lé Loo un kudu ndogó dɔ dee’g ləm tɔ.

Lugu 1:79

Mba ndogó dɔ dəwje gə́ d’isi loo gə́ ndul njudu-njudu’g Gə d’isi loo gə́ ndil yoo dəb dɔ dee’g bigim ləm, Mba kar sí j’oo loo kila gɔl sí rəw meekulɔm’g lé ləm tɔ.