Amɔs 5:6 - Maktub gə́ To gə Kəmee

⁶ Saŋje Njesigənea̰ ndá Seḭ a síje ne kəmba ya. Ɓəlje nà banelə yeḛ a roo ŋgaka Jisəb to gə́ pər bèe, To gə́ pər gə́ roo ar dəw nai Betel Kára kara gə mba tɔlee el.

Amɔs 5:6 ပူးပေါင်းရင်းမြစ်များ

2 Samel 19:20

Tɔɓəi yeḛ ula mbai lé pana: Maji kar mbai ləm tura goo néra kori-korije ləm ɔm dɔm’g el ləm, maji kar mee mbai ləm wəi dɔ meekɔsgel gə́ kura ləi ɔs ne səi gel mee ndəa gə́ mbai ləm unda ne loo mee ɓee gə́ Jerusalem teḛ ləma, maji kar mbai ə̰ji gée el ləm tɔ.

1 Mbaije 11:28

Jeroboam lé to njesiŋgamoŋ gə́ rəa to kɔgərɔ-kɔgərɔ ɓəi, bèe ɓa Salomo̰ oo basa neelé loo kula rəa’g ndá yeḛ ɔree undá gə́ njekaa dɔ dəwje lai gə́ to njéra-kula-gə́-raje gə́ to ŋgaka Jisəb lé.

2 Sôrta Gḭka Israɛlje 34:25

Mbata deḛ d’ubam d’ya̰m d’aw tuu néje gə́ ə̰də sululu d’ar magəje, d’ar oŋg ḭ ne səm pu dɔ néje lai gə́ deḛ ra dee gə ji dee lé ndá oŋg ləm gə́ m’ɔm dɔ loo’g neelé a kwəi nda̰ el.

Pakɔsje 27:8

M’ə̰ji goo ta gə́ i pa pana: Maji kar sí n’saŋgje loo koo kəmi lé ndá Ǝi Njesigənea̰, m’saŋg loo koo kəmi ya to!

Pakɔsje 69:33

Njénékəmndooje lé d’oo ndá d’al ne rɔ dee ya. Seḭ gə́ saŋgje Ala Maji kar meḛ sí to kəmba ya!

Teḛ-Raga 22:6

Ɓó lé dəw ar maree lar əsé néje gə́ raŋg mba karee ŋgəm aree ɓa njeɓogo ɓogo néje neelé mee kəi’g ləa nɛ ɓó lé d’wa njeɓogo neelé ndá yeḛ a kɔm maree dɔ’g gɔl joo kuga ne ya.

Esai 1:31

Dəw gə́ njesiŋgamoŋ a tel kasəna gə bḭ kúla bèe ləm, Kula rəa a to kasəna gə ndao-pər bèe ləm tɔ, Deḛ joo bɔr d’a roo dula-dula Ndá dəw gə́ njetɔl pəree a godo.

Esai 55:3

Urje mbi sí gèŋ, Ndá gə́ reeje rɔm’g, Ooje ta ndá A síje ne kəmba. M’a kun ndum kar sí Gə ndu manrɔ gə́ to gə no̰ Gə mba kar némeemaji gə́ m’ra gə Dabid lé To ne njaŋg.

Esai 55:6

Saŋje Njesigənea̰ loo gə́ kəm kiŋgá’g, Ɓareje loo gə́ yeḛ sí ne mbɔr sí’g dəb.

Jeremi 38:20

Jeremi tel ilá keneŋ pana: D’a kilai ji dee’g el. Maji kari oo ndu Njesigənea̰ dan ta gə́ ma m’ulai’g, i a si ne gə́ majee ləm, i a si ne kəmba ləm tɔ.

Jeremi 4:4

Seḭ Judaje gə seḭ gə́ síje Jerusalem lé Ar deeje d’inja tamɔd sí D’unda sí ne gə kəmee d’ar Njesigənea̰, To kinja tamɔd gə́ wɔji dɔ dɔɓəŋgərə sí, Nà oŋg ləm a kḭ nduba to gə́ pər bèe ləm, A mbudu ko̰ ndá dəw kára kara Gə́ a kaskəm tɔlee lé godo gə mbata néra meeyèr lə sí.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Ejekel 21:3

M’a kula kag-kɔr gə́ dɔkɔl pana: Maji kari oo ta lə Njesigənea̰! Mbaidɔmbaije gə́ Njesigənea̰ pa togə́bè pana: N’a gə kila pər dɔi’g ndá a roo kagje lai gə́ to təb gə kagje lai gə́ tudu tɔ. Kṵji pər gə́ teḛ bilim-bilim lé a kwəi nda̰ el ləm, kəm dee-deḛ lai gə́ dɔkɔl saar teḛ dɔgel lé a nəd kurum-kurum ləm tɔ.

Ejekel 33:11

Maji kam m’ula dee m’pana: Neḛ n’to njesikəmba! Mbaidɔmbaije gə́ Njesigənea̰ ɓa pa bèe, né gə́ wa mee neḛ lé to mba kar njemeeyèr wəi ɓa el nɛ karee un panjaa gə́ sigi si ne kəmba ɓa wa mee neḛ. Ɔsje badm telje, ubaje goo rəw néra gə́ majel lə sí ya̰je, see a kwəije mba ɗi tɔɓəi wa, seḭ gel-bɔje lə Israɛl.

Ejekel 37:19

Ndá a kila dee keneŋ pana: Mbaidɔmbaije gə́ Njesigənea̰ pa togə́bè pana: Aa ooje, n’a taa bəgərə kag lə Jisepje gə́ to ji Eprayimje’g ləm, gə ginkoji Israɛlje gə́ d’ɔm sə dee na̰’d lé ləm tɔ ndá n’a korè dee gə bəgərə kag lə Judaje na̰’d ndá n’a kar dee to bəgərə kag gə́ kára ba d’a to bəgərə kag gə́ kára ba ji neḛ’g.

Amɔs 3:14

Mee ndəa gə́ n’a kar bo̰ néra gə́ majel lə Israɛlje ɔs ta dee’g lé Ndá n’a təd loo-nékinjanéməsje gə́ Betel. Dɔ kum loo-nékinjanéməsje gə́ ḭta neelé D’a təd njigi-njigi kɔm naŋg ya.

Amɔs 5:14

Maji kar sí saŋgje né gə́ maji ɓó né gə́ majel el, Yee ɓa seḭ a síje ne kəmba ya. Bèe ɓa Njesigənea̰, Ala gə́ njeboo-néje lé a nai sə sí To gə́ seḭ paje ne lé tɔ.

Amɔs 5:4

Mbata Njesigənea̰ ula ginkoji Israɛlje togə́bè pana: Maji kar sí saŋgmje ndá Seḭ a síje ne kəmba ya.

Amɔs 6:6

Deḛ d’ai mán-nduú mee baije gə́ boi-boi ləm, Deḛ d’wa rɔ dee gə ubu Gə́ maji ur dɔ mareeje’g ləm tɔ Nɛ meḛ dee o̰ dee Dɔ tuji gə́ oso dɔ ginkoji’g lə Jisəb lé el.

Soponi 2:3

Seḭ njékula dɔ síje lai gə́ dɔ naŋg neelé Maji kar sí saŋgje Njesigənea̰, Seḭ lai gə́ raje né gə́ ndukunje ləa wɔji lé! Maji kar sí ndolèje goo meekarabasur ləm, Gə saŋgje loo kula dɔ sí ləm tɔ. Banelə Njesigənea̰ a kya̰ sí ndɔ oŋg’d ləa.

Jakari 10:6

N’a kar siŋga Judaje ḭ dɔ maree’d gə́ kédé-kédé ləm, N’a taa dɔ njé’g lə Jisəb ləm tɔ, N’a tel ree sə dee Mbata mee neḛ aw taḭ-taḭ mbata lə dee, Ndá d’a to kasəna gə dəwje gə́ n’uba dee n’ya̰ dee kédé el lé bèe, Mbata neḛ n’to Njesigənea̰, Ala lə dee Ndá n’a koo ta lə dee ya.

Tel tura Godndu 32:22

Mbata pər oŋg ləm mbudu o̰ ndá A ko̰ saar teḛ rudu loo-si njé gə́ d’wəi’g A roo naŋg nee gə kandə néje gə́ d’uba keneŋ ləm, A kaw saar teḛ gel mbalje’g naŋg ləm tɔ.

Tel tura Godndu 4:24

Mbata Ala lə sí gə́ Njesigənea̰ lé to pər gə́ roo loo ləm, to Ala gə́ kəmee əḭ mba njé’g ləa ləm tɔ.

Jujé 18:5

D’a kaiyee dana loo siri, Judaje lé ŋgaŋ loo-si lə dee a to par gə́ dɔkɔl ləm, gel-bɔje lə Jisəb d’a si par gə́ dɔgel ləm tɔ.