Amɔs 5:5 - Maktub gə́ To gə Kəmee

⁵ Maji kar sí saŋgmje Betel el ləm, Awje Gilgal el ləma, Dəsje awje Beer-Seba el ləm tɔ. Mbata njé gə́ Gilgal lé d’a kwa dee ɓər ləm, Betel kara a tuji pugudu-pugudu ləm tɔ.

Amɔs 5:5 ပူးပေါင်းရင်းမြစ်များ

Gḭ-Néje 21:31

Gelee gə́ nee ɓa d’unda ri loo neelé lə Beer-Seba. Mbata lé neelé ɓa deḛ d’un ndu dee d’ar na̰ keneŋ joo bɔr.

Gḭ-Néje 21:33

Abrakam maan kagje gə́ ɓar dee tamarisje Beer-Seba. Lée neelé ɓa yeḛ pidi Njesigənea̰, Ala gə́ Njesi gə ləbee-ləbee gə nea̰ keneŋ.

Gḭ-Néje 26:23

Yeḛ ḭ loo gə́ nee’g aw Beer-Seba.

Gḭ-Néje 26:33

Ndá yeḛ unda ria lə siba. Gelee gə́ nee ɓa deḛ d’unda ne ri ɓee-boo neelé lə Beer-Seba saar teḛ ɓogənè gə mbəa.

1 Mbaije 12:28

Gée’g gogo loo gə́ mbai ə̰ji ta mée’g togə́bè mba̰ ndá yeḛ léḛ larlɔr ar deḛ ndaji ne ŋgan maŋgje joo. Tɔɓəi yeḛ ula koso-dəwje pana: Kaw gə́ seḭ awje Jerusalem lé as bèe ŋga. Seḭ Israɛlje, aa ooje, Ala lə sí gə́ ar sí undaje loo mee ɓee gə́ Ejiptə teḛje lé ɓa to nee ya.

1 Mbaije 12:29

Yeḛ unda néndaji ŋgon maŋg kára lé mee ɓee gə́ Betel ləm, yeḛ unda yeḛ gə́ raŋg mee ɓee gə́ Dan ləm tɔ.

2 Mbaije 23:8

Yeḛ ar njékinjanéməsje lai d’ḭ ɓee-booje gə́ Juda ree Jerusalem, yeḛ ar dɔ looje gə́ ndəw gə́ njékinjanéməsje d’aw roo néje gə́ ə̰də sululu keneŋ lé tel to né gə́ to kḛji un kudee Geba saar teḛ Beer-Seba, yeḛ tɔs dɔ looje gə́ ndəw gə́ to tarəwje’g tila dee ləm, gə yee gə́ to loo-Kandə-tarəw ɓee-boo’g lə Juje, mbai dɔ ɓee-boo tila ləma, gə yee gə́ to gə́ dɔgel lə tarəw ɓee-boo ləm tɔ.

Maktub gə́ wɔji dɔ Jɔb 8:22

Njéba̰je ləi d’a si gə rɔkul ləm, Njémeeyèrje d’a sané kad-kad ləm tɔ.

Pakɔsje 33:10

Néje gə́ ginkoji dəwje gə raŋg d’wɔji meḛ dee’g gə mba ra lé Njesigənea̰ wá telee wagəsa ləm, Néje gə́ koso-dəwje d’wɔji-kwɔji ra lé Yeḛ aree udu bo̰ ləm tɔ.

Esai 29:20

Mbata njéra né kərm-kərmje gə njékula sul dɔ loo’gje lé D’a godo ləm, Deḛ gə́ d’isi kəmba dɔ néra gə́ majel’g lé kara D’a kar dee d’udu guduru ləm tɔ.

Esai 8:10

Ɔmje ta lə sí na̰’d dɔ né gə́ seḭ wɔjije-kwɔji ra Ndá né neelé a teḛkɔr el, Unje ndu sí ar deeje Ndá a tel to né gə́ kari ba Mbata Ala si sə síjeḛ.

Jeremi 48:13

Rɔ Moabje a kul dɔ magə’d lə dee gə́ ria lə Kemos, to gə́ rɔ gel-bɔje lə Israɛl kul ne dɔ Betel gə́ to nékunda-mee-yel dɔ’g lə dee bèe.

Ojee 10:8

Dɔ looje gə́ ndəw gə́ Bet-Aben Loo gə́ Israɛlje ra kaiya keneŋ lé D’a tuji pugudu, Kunje gə kun-pɔrɔrɔje D’a kuba loo-pole-magje’g lə dee. D’a kula mbalje pana: Juraje dɔ sí’g! D’a kula dɔdərlooje pana: Ɓuguje dɔ sí’g!

Ojee 12:11

Ma m’ula njéteggintaje taje ləm ləm, M’ar némḭdije d’ɔs goo na̰ goo na̰ ləma, M’ula dee gosotaje gə ndu njéteggintaje ləm tɔ.

Ojee 4:15

Ǝi seḭ Israɛlje, ɓó lé seḭ ubaje Ala lə sí yá̰je ndá Maji kar Judaje d’ar taree wa dɔ dee-deḛ el. Maji kar sí awje loo gə́ to gə kəmee’d gə́ to Gilgal el ləm, Awje Bet-Aben el ləma, Ubuje rɔ sí pajena: Njesigənea̰ si kəmba bèe el ləm tɔ.

Ojee 9:15

Mee ɓee gə́ Gilgal lé Néra gə́ yèr lə dee to raga pai-pai ya, Lée neelé ɓa ma m’ə̰ji dee ne bəḭ-bəḭ. Gə goo néra gə́ yèr lə dee lé Ndá m’a tuba dee mee kəi’g ləm ləm, M’a kunda dee dan kəm’g el ŋga ləm tɔ. Mbaije lə deḛ lai to njékaltaje.

Amɔs 1:5

N’a təd pəgərə-larje tarəw ɓee-boo gə́ Damas ləm, N’a tuji njéɓeeje gə́ Bikat-Aben pugudu-pugudu ləma, Gə yeḛ gə́ wa kag-mbai jia’g mee ɓee gə́ Bet-Edḛ ləm tɔ. D’a kwa dəwje gə́ Siri gə́ ɓərje Kaw sə dee mee ɓee gə́ Kir, Njesigənea̰ ɓa pa bèe.

Amɔs 3:14

Mee ndəa gə́ n’a kar bo̰ néra gə́ majel lə Israɛlje ɔs ta dee’g lé Ndá n’a təd loo-nékinjanéməsje gə́ Betel. Dɔ kum loo-nékinjanéməsje gə́ ḭta neelé D’a təd njigi-njigi kɔm naŋg ya.

Amɔs 4:4

Awje Betel ndá raje kaiya ɓaà, Awje Gilgal kara raje kaiya unda njé gə́ kédé ɓəi ɓaà, Reeje gə nékinjanéməsje lə sí gə ndɔ rad Gə ndɔje kára-kára lai ləm, Ta néje lə sí gə́ dɔg gə́ unje kára lé kara Ndɔ munda ndá reeje ne gɔl kára kára ya ləm tɔ.

Amɔs 7:10

Yen ŋga Amasia, njekinjanéməs gə́ Betel lé ar dee d’ula Jeroboam, mbai gə́ Israɛl lé pana: Amɔs lé ula njuma̰ meḛ gel-bɔje’g lə Israɛl gə goo ŋgəḭ gə mba kɔsi ne rəw. Ɓee neelé askəm taa taje lai neelé el.

Amɔs 7:13

Nɛ maji kari tegginta Betel el ŋga mbata to kəi gə́ to gə kəmee lə mbai ləm, to kəi-mbai lə mbai ləm tɔ.

Amɔs 7:17

Gelee gə́ nee ɓa, aa oo, ta gə́ Njesigənea̰ pa ɓa nee: Dené ləi a tel to gə́ kaiya-dené mee ɓee’g ləm, Ŋganije gə́ diŋgam gə njé gə́ dené lé D’a kwəi yoo-kiambas ləma, D’a kai ndɔ ləi gə kúla-kwɔji-né Kar njé gə́ raŋg ləm tɔ. I ya kara a kwəi dɔ naŋg gə́ mina̰’g Ndá d’a kwa Israɛlje dɔ naŋg’d lə dee Kaw sə dee gə́ ɓər Dɔ ɓee gə́ raŋg’d gə́ əw ya tɔ.

Amɔs 7:9

Dɔ looje lə ŋgaka Isaakje gə́ ndəw lé D’a tɔs tila ləm, Kəi gə́ to gə kəmee lə Israɛlje lé kara D’a tuji pugudu-pugudu ləm tɔ Ndá n’a kḭ kur dɔ ɓeeko̰’g lə Jeroboam gə kiambas tɔ.

Amɔs 8:14

Deḛ gə́ d’ubu rɔ dee dɔ kaiya’g lə Samari lé, Deḛ gə́ pana: Dan, maji kar magə ləi si gə ləbee-ləbee gə no̰, Maji kar rəw lə Beer-Seba to gə no̰ lé D’a t’oso nɛ d’a kḭ tar el tɔ.

1 Njé gə́ Kɔrḭtə 1:28

Ala mbər néje gə́ sḭ gə́ dəwje d’oo gə́ né el mba roo ne néje gə́ deḛ d’oo gə́ né tɔ

1 Njé gə́ Kɔrḭtə 2:6

Ta gə́ jeḛ ndoo dəwje gə́ tɔg gə́ d’as ne loo lé to gə́ ta kəmkàr ya, nɛ to kəmkàr gə́ ka̰ dəwje gə́ dɔ naŋg nee əsé ka̰ mbaije gə́ dɔ naŋg nee ɓasinè el mbata deḛje neelé d’a kudu bo̰.

Tel tura Godndu 28:41

Seḭ a kojije ŋganje gə́ diŋgam gə njé gə́ dené ya, nɛ d’a to ka̰ sí el mbata d’a kwa dee kaw sə dee ɓee-ɓər’g.

Jujé 5:9

Njesigənea̰ ula Juje pana: Ɓogənè m’ɔr ta rɔkul gə́ Ejiptə dɔ sí’g mba̰. Gelee gə́ nee ɓa d’unda ne ri loo neelé lə Gilgal un kudee mee ndəa gən saar teḛ ne ɓogənè tɔ.

Loo gə́ killa rea kəm Ja̰’g 18:17

Njékwa ŋgaw-batoje lai ləm, gə deḛ lai gə́ d’aw gə rəw gə́ mán gə́ par gə́ nee, gə njébatoje ləma, gə deḛ gə́ saŋg nékiŋgaje dan baa-boo-kad’g neelé ləm tɔ lé deḛ d’unda rɔ dee ŋgərəŋ,

1 Samel 11:14

Samel ula koso-dəwje lé pana: Gə́ reeje ar sí j’awje Gilgal mba gɔl rəw ko̰ɓee lé karee to njaŋg ŋga.

1 Samel 7:16

Gə ləbje kára-kára lai lé yeḛ aw njaa gugu dɔ loo teḛ Betel ləm, gə Gilgal ləma, gə Mispa ləm tɔ ndá yeḛ gaŋg rəwta lə Israɛlje mee looje’g neelé lai tɔ.

1 Samel 8:2

Ŋgondəree ria lə Joɛl ləm, njekɔm’g joo ria lə Abija ləm tɔ. Deḛ to njégaŋ-rəwtaje mee ɓee-boo gə́ Beer-Seba.