Amɔs 5:24 - Maktub gə́ To gə Kəmee

²⁴ Nɛ maji kar néra gə́ danasur to asəna gə kəm-rəw-mán bèe ləm, Arje néra gə́ gə dɔ najee kara to asəna gə mán gə́ kəm-rəw-mán gə́ yi tə el ləm tɔ.

Amɔs 5:24 ပူးပေါင်းရင်းမြစ်များ

Gosota-Kəmkàrje 21:3

Ra né gə́ gə dɔ najee ləm gə né gə́ danasur ləm tɔ lé Yee ɓa Njesigənea̰ oo gə́ né gə́ maji unda nékinjanéməsje ya.

Esai 48:18

Ǝi! ɓó lé seḭ urje mbi sí gèŋ dɔ torndum’g ndá Si maji lə sí a to to gə́ mán baa bèe ləm, Rɔlel lə sí a to kasəna gə paŋgəm mán baa-boo bèe ləm tɔ,

Jeremi 22:3

Njesigənea̰ pa togə́bè pana: Gaŋje rəwta néra gə́ gə dɔ najee gə goo rəbee ləm, taaje dɔ deḛ gə́ d’ula kəm dee ndòo ji njékula kəm loo ndooje’g ləma, ulaje kəm dəw-dɔ-ɓee gə ŋgonal gə njekəisiŋga ndòo el ləm tɔ. Raje néra gə́ kərm-kərm el ləm, ilaje məs yeḛ gə́ ta wa dəa el naŋg mee loo gə́ nee el ləm tɔ.

Ejekel 45:9

Mbaidɔmbaije gə́ Njesigənea̰ pa togə́bè pana: As ŋga, seḭ mbaije gə́ njéɓeeje gə́ Israɛl! Ǝwje rɔ sí néra gə́ kərm-kərm ləm, gə taa né gə ɓogo ləm tɔ, raje né gə́ danasur gə né gə́ gə dɔ najee ləm, əwje rɔ sí taa néje lə koso-dəwje lə neḛ dɔ buguru’g ləm tɔ, Mbaidɔmbaije gə́ Njesigənea̰ ɓa pa bèe.

Ojee 6:6

Mbata meekɔrjol ɓa taa kəm ɓó nékinjanéməsje ba el. Gər ndaa Ala kara maji unda nékinjanéməsje gə́ roo lé tɔ.

Amɔs 5:23

Ndu paje lə sí lé Ɔdje ne rɔ neḛ’g gə́ raŋg ləm, Kṵduje lə sí gə́ ɓar lé kara Neḛ n’un mbi neḛ dɔ’g ndogo ne lel ləm tɔ.

Amɔs 5:7

Seḭ gə́ arje ta gə́ gə dɔ najee Tel to né gə́ adə mbag-mbag ləm, Né gə́ dana sur lé kara seḭ mbɔḭje naŋg ləm tɔ!

Misee 6:8

I dəw lé d’ulai né gə́ maji gə́ wɔji dɔi Gə né gə́ Njesigənea̰ ndigi kiŋga rɔi’g to: To mba kari ra né gə́ to gə dɔ najee ləm, Gə unda meekɔrjol dan kəmi’g ləma, Gə njaa gə Ala ləi gə ŋgonkoji ləm tɔ.