Amɔs 5:21 - Maktub gə́ To gə Kəmee

²¹ Loo naḭje lə sí lé neḛ n’wa gə mee neḛ, N’ə̰ji dee bəḭ-bəḭ ləm, Loo-mbo̰-dɔ-na̰je lə sí lé kara n’askəm taa baḭyee el ləm tɔ.

Amɔs 5:21 ပူးပေါင်းရင်းမြစ်များ

Gḭ-Néje 8:21

Njesigənea̰ taa baḭ né gə́ ə̰də lel ndá yeḛ pa mée’g pana: M’a Man naŋg neelé gə mbata lə dəw lé gogo el ŋga, mbata dəw lé un kudee gə́ kasee ba saar gə́ kédé-kédé lé takə̰ji gə́ mée’g majel ya, tɔɓəi m’a tel tuji néje lai gə́ d’aw kəmba lé to gə́ m’ra kédé lé el ŋga tɔ.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 21:27

Nékinjaməs lə njémeeyèrje to né gə́ mina̰, Nɛ ɓəd ɓəi ɓa see loo gə́ deḛ d’un d’ar Gə takə̰ji lə deḛ gə́ yèr lé ɓəi wa.

Gosota-Kəmkàrje 28:9

Ɓó lé dəw kára un mbia rəw dɔ godndu’g ndá Tamaji ləa kara to né gə́ mina̰ tɔ.

Esai 66:3

Dəw gə́ tɔl bɔ maŋg gə́ nékinjaməs lé Yeḛ tɔl dəw bèe ya ləm, Dəw gə́ inja ŋgon badə gə́ nékinjaməs lé Yeḛ təd gwɔb bisi bèe ya ləm, Dəw gə́ un nékar gə́ to nduji lé Yeḛ saga məs da-bər bèe ya ləma, Dəw gə́ tuu né gə́ ə̰də sululu lé Yeḛ wa magəje mée’g bèe ya ləm tɔ. Deḛ lai neelé d’ɔr kəm rəwje lə dee Mba njaa keneŋ ləm, Meḛ dee lel dee dɔ néje’g lə deḛ gə́ mina̰ ləm tɔ.

Jeremi 14:12

Ɓó lé d’ɔg meḛ dee ɓoo kara n’a koo ndu no̰ lə dee el ləm, əsé lé d’un nékinjanéməsje gə́ ka̰ roo əsé nékarje kara n’a taa el ləm tɔ. Mbata neḛ ndigi tuji dəwje neelé gə kiambas ləm, gə ɓoo-boo ləma, gə yoo-koso ləm tɔ.

Jeremi 6:20

Ubu gə́ ə̰də sululu gə́ d’ḭ ne Seba ləm, Gə kamnaḭje gə́ d’ə̰də lel Gə́ d’ḭ ne dɔ ɓee gə́ əw ləm tɔ lé See m’aw ndòo dee wa. Nékinjaməsje lə sí gə́ ka̰ roo lé Lelm el ləm, Nékinjaməsje lə sí gə́ raŋg kara Taa kəm el ləm tɔ.

Ejekel 23:18

Néra kaiya-dené ləa lé to raga pai-pai, yeḛ ya̰ kudee dum, bèe ɓa mee neḛ tel ndigee el to gə́ mee neḛ tel ndigi ne ŋgokea̰ gə́ dené el lé bèe tɔ.

Ojee 2:11

Gelee gə́ nee ɓa n’a tel taa kó lə neḛ mee ndɔ kḭjá’g ləm, Gə mán-nduú mee naḭyee’g ləma, N’a kɔr kubu lə neḛ gə́ bḭ-maji Gə kubu gə́ d’ṵji gə kúla palégal Gə́ yeḛ o̰ ne kudee lé rəa’g ləm tɔ.

Ojee 5:6

D’a kaw gə badje gə maŋgje lə dee Gə mba ndolè ne goo Njesigənea̰, Nɛ d’a kiŋgá el, Mbata yeḛ sa rəa rəw mbuna dee’g.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Ləbije 26:31

M’a kar ɓee-booje lə sí tel to dɔ nduba ləm, m’a tuji looje lə sí gə́ to gə kəmee ləma, néje lə sí gə́ d’ə̰də sululu lé kara m’a taa baḭ dee el ləm tɔ.

Amɔs 4:4

Awje Betel ndá raje kaiya ɓaà, Awje Gilgal kara raje kaiya unda njé gə́ kédé ɓəi ɓaà, Reeje gə nékinjanéməsje lə sí gə ndɔ rad Gə ndɔje kára-kára lai ləm, Ta néje lə sí gə́ dɔg gə́ unje kára lé kara Ndɔ munda ndá reeje ne gɔl kára kára ya ləm tɔ.

Amɔs 4:5

Ḭjaje nékinjanéməsje lə sí gə́ ka̰ ra oiyo Gə́ əm-tiné to keneŋ ləm, Ilaje mbər nékinjanéməsje gə́ seḭ ḭje ne gə meḛ sí Raje arje ndiil ɓar dɔ’g lé ləm tɔ Mbata yee ɓa gə́ né gə́ seḭ ndigije ya, Seḭ gə́ Israɛlje lé, Mbaidɔmbaije gə́ Njesigənea̰ ɓa pa bèe.

Amɔs 6:8

Mbaidɔmbaije gə́ Njesigənea̰ lé Maa̰ rəa gə ria-yeḛ nja, Njesigənea̰, Ala gə́ njeboo-néje lé ɓa pa bèe pana: Beelé lə Jakob lé to kḛji kəm neḛ’g ləm, Kəi-mbaije ləa kara neḛ n’ə̰ji bəḭ-bəḭ ləm tɔ, Togə́bè ɓa n’a kila ɓee neelé Gə néje lai gə́ to keneŋ lé ji njéba̰je’g lə dee tɔ.

Amɔs 8:10

N’a kar loo-ra-naḭje lə sí tel to gə́ loo-yoo ləm, Pakɔsje lə sí lai a tel to gə́ no̰ yoo ləm, N’a kar sí ulaje kubu-kwa-ndòo reŋ sí’g lai ləma, N’a kar dɔ sí lai àr ŋgori-ŋgori ləm tɔ. N’a kar ɓee neelé wa ndòo To gə́ d’wa ne ndòo lə ŋgon kára lə kea̰ bèe Ndá rudee a to kasəna gə ndɔ meekad mbag-mbag bèe.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

Njé gə́ Pilibə 4:18

Ma m’iŋga néje lai m’isi danee bèdèg ya. Némajije gə́ seḭ ulaje ne Epaproditə areeje am lé m’iŋga dee m’ar dee taa rɔm pəl-pəl ya. Néje neelé to asəna gə né gə́ ə̰də sululu ləm, asəna gə nékinjaməs gə́ baḭyee ə̰də lel Ala lé gə́ taa ne kəmee rəgm tɔ.