Amɔs 5:2 - Maktub gə́ To gə Kəmee

² Israɛl gə́ to asəna gə ŋgoma̰də lé wəi mba̰ Ndá yeḛ a tel kḭta gogo el. Yeḛ to naŋg Ndá dəw kára kara gə́ njekunee kuree tar godo.

Amɔs 5:2 ပူးပေါင်းရင်းမြစ်များ

2 Mbaije 15:29

Mee ndəa’g lə Péka, mbai gə́ Israɛl lé Tiglat-Pileser, mbai gə́ Asiri ree taa Ijo̰ ləm, gə Abel-Bet-Maaka ləm, gə Janoa ləm, gə Kedes ləm, gə Asɔr ləm, gə Galaad ləm, gə Galile ləma, gə ɓeeje lai gə́ Neptali ləm tɔ ndá yeḛ wa dəwje gə́ keneŋ gə́ ɓər aw sə dee Asiri.

2 Mbaije 17:16

Deḛ d’uba ndukunje lə Njesigənea̰, Ala lə deḛ lai d’ya̰ ləm, dee léḛ larndul ndaji ne ŋgan maŋgje joo mbata lə dee ləm, dee ra magəje gə́ ri dee lə Astarte ləm, dee d’unda barmba dəb kəm dee naŋg no̰ boo-néje’g lai gə́ dara ləma, dee ra né d’ar magə-Baal ləm tɔ.

Esai 14:21

Waje dɔ gɔl loo-tɔl-ŋganje Mbata néra gə́ yèr lə bɔ deeje lé! Maji kar dee d’ḭ gə mba dum dɔ naŋg nee el ləm, Gə mba kar njéba̰je taa dɔ naŋg nee pəl-pəl el ləm tɔ!

Esai 24:20

Dɔ naŋg ləŋg təji-təji To gə́ dəw gə́ kido tɔlee bèe ləm, Yee ləŋg to gə́ kəi-ləw bèe ləm tɔ, Kaiya ləa wɔi dəa’g Ndá yee oso nɛ tel ḭ tar gogo el.

Esai 3:8

Njé gə́ Jerusalem ləŋg ləm, Njé gə́ Juda kara d’unda naŋg rəb ləm tɔ Mbata tapa dee gə néra dee ɔs ta lə Njesigənea̰ rəw ləm Deḛ d’ɔs boo-ronduba ləa rəw ləm tɔ.

Esai 37:22

Aa oo, ta gə́ Njesigənea̰ pa wɔji ne dəa ɓa nee: Ŋgoma̰də gə́ to ŋgon dené gə́ Sio̰ Ǝ̰jii bəḭ-bəḭ ləm, yeḛ kogo dɔi’g ləm tɔ, Ŋgon dené gə́ Jerusalem Tuga dəa jəgm-jəgm gooi’g kən tɔ.

Esai 43:17

Yeḛ gə́ ar dee d’aw gə pusu-rɔje, gə kundaje, Gə boo-nérɔje, gə bao-rɔje gə mba kɔr rɔ kaw rɔ ne Nɛ léegəneeya deḛ toso naŋg lal kḭ tar ləm, Deḛ tuji pugudu-pugudu d’wəi misi To gə́ kúla pər gə́ o̰ jḛ̀ bèe ləm tɔ lé Yeḛ nja pa togə́bè pana:

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Jeremi 18:13

Gelee gə́ nee ɓa Njesigənea̰ pa ne pana: Dəjije ginkoji dəwje gə raŋg ooje! See na̰ ɓa oo ta néje gə́ togə́bè lé gɔl kára wa. Israɛlje to d’asəna gə ŋgoma̰də gə́ ra né gə́ mina̰ gə́ to kḛji.

Jeremi 2:27

Deḛ d’ula kag pana: I to bɔ síje! Deḛ d’ula mbal pana: I ɓa ar sí j’isi kəmba! Mbata deḛ turu gir dee d’ila d’am ləm, D’aa loo gə́ rɔm’g el ləm tɔ Ndá loo gə́ nékəmndoo teḛ dɔ dee’g ɓa D’ulam pana: Ḭta aji sí!

Jeremi 31:4

M’a tel gɔl sí gogo ndá Seḭ a kaarje njaŋg, Seḭ Israɛlje gə́ toje asəna gə ŋgoma̰də Gə́ gər ŋgaw el! Seḭ a teḛje gə mbarèje lə sí Ndamje ne gə rɔlel gə njéboa-ndamje lə sí.

Jeremi 4:20

D’ila mber tuji gə́ dɔ na̰’d dɔ na̰’d Mbata ɓeeje lai tuji pugudu-pugudu, Deḛ tuji kəi-kubuje ləm pugudu-pugudu Gə́ léegəneeya ləm, Ndil-kula-dɔje ləm gə́ m’la kara Unda naŋg rab gə́ lé gən ya ləm tɔ.

Jeremi 50:32

Njebeelé a kunda ndolé Ndá a kɔr koso, Dəw gə́ njekwá kundá tar a godo. M’a tula pər dɔ ɓee-booje’g ləa Ndá a roo looje lai gə́ gugu dɔ dee sub lé dula-dula.

Jeremi 51:64

ndá i a pa ne togə́bè pana: Babilɔn a ndii mán togə́bè ləm, némeekonje gə́ Njesigənea̰ a kar dee ree dəa’g lé d’a kɔr dəa’g el ləm tɔ, deḛ d’a koso naŋg kunda ndolé. Yee nee ɓa to rudu taje lə Jeremi.

Jeremi 8:4

Maji kari ula dee pana: Njesigənea̰ ɓa dəji sí ta nee pana: See dəw oso ndá a lal kuba naŋg kḭ tar wa! Esé see dəw ɔs rəw-kabee lal ndá A tel ree keneŋ gogo el wa.

Jeremi 9:21

Jeremi, maji kari ula dee pana: Njesigənea̰ pa togə́bè pana: Nin dəwje d’a to naŋg To gə́ siḭ néje to ne mee ndɔje’g bèe ləm, To gə́ dɔ koje nai ne goo njekinjako’d Gə́ dəw odo dee el bèe ləm tɔ.

Jeremi 9:9

Ma m’ndigi no̰ ndòo Tuma̰ ŋgururu-ŋgururu dɔ mbalje gə́ tar ləm, M’a kun pa no̰ ndòo ndag-loo gə́ to dɔdilaloo’g lé ləm tɔ, Mbata pər roo loo ləm, Dəw kára kara dəs keneŋ el ləma, D’oo ndu no̰ lə nékulje keneŋ el ləm tɔ, Yelje gə́ pə̰ dara’g, gə daje lai d’aḭ sané na̰ kad-kad.

Nɔ̰-ndôo gə́ wɔji dɔ Jerusalem 2:13

See ta ɗi ɓa m’a pa kari tɔɓəi wa. See ɗi ɓa m’a kwa kwɔjii ne wa, I ŋgoma̰də gə́ Jerusalem lé. See na̰ ɓa to asəna səi wa. See ta ɗi ɓa m’a gɔl ne məəi, I ŋgon dené gə́ Sio̰ lé wa. Mbata doo ləi lé to tad rəg-rəg Asəna gə baa-boo-kad bèe: See na̰ ɓa a kaskəm karee ər kəmsə wa.

Ojee 14:1

Bo̰ néra Samarije a kɔs ta dee’g Mbata deḛ d’ḭ d’ɔs ta lə Ala lə dee rəw. D’a kwəi yoo-kiambas ləm, D’a twa ŋgan deeje kunda dee naŋg vaga-vaga tɔl dee ləma, Denéje lə dee gə́ d’aw gə kèm lé D’a riba meḛ dee ŋgərərə-ŋgərərə ləm tɔ.

Ojee 6:2

As ndɔ joo ba ya Yeḛ a kar sí n’tel j’isije kəmba, Ndɔ gə́ njekɔm’g munda ndá Yeḛ a k’un sí kur sí tar, Bèe ɓa j’a si ne kəmba nea̰’g ya.

Amɔs 8:14

Deḛ gə́ d’ubu rɔ dee dɔ kaiya’g lə Samari lé, Deḛ gə́ pana: Dan, maji kar magə ləi si gə ləbee-ləbee gə no̰, Maji kar rəw lə Beer-Seba to gə no̰ lé D’a t’oso nɛ d’a kḭ tar el tɔ.

Amɔs 9:11

Mee ndəa’g neelé n’a kun ɓeeko̰ lə Dabid Gə́ to asəna gə kəi gə́ oso lé Kuree tar lée’g gogo ləm, N’a gɔl kəmee gə́ ta̰ ləm, N’a gɔl néje gə́ tuji keneŋ Kunda dee tar lée’g ɗaŋg ləma, N’a rəa sigi to gə́ to ne keneŋ ləw lé ləm tɔ.