Amɔs 5:18 - Maktub gə́ To gə Kəmee

¹⁸ Meeko̰ a koso dɔ deḛ gə́ ndiŋga ndɔ lə Njesigənea̰. See ɗi ɓa meḛ sí to yel gə mba kiŋga mee ndɔ’g lə Njesigənea̰ lé wa. Ndɔ neelé loo a ndul kɔl-kɔl keneŋ ɓó lookàr a to el.

Amɔs 5:18 ပူးပေါင်းရင်းမြစ်များ

Esai 13:6

Maji kar sí no̰je, siije mbigi-mbigi Mbata ndɔ lə Njesigənea̰ si aw gə́ nee dəb, Yeḛ ree asəna gə nétuji Gə́ ḭ rɔ Bao-siŋgamoŋ’d bèe.

Esai 24:18

Yeḛ gə́ aḭ no̰ kaa ɓəl-boo’g neelé ndá Oso mee bwa’g. Yeḛ gə́ unda loo mee bwa’g teḛ ndá Oso gum’g tɔ, Mbata kəm dara ɔr wuyum gə mán ləm, Gel naŋg nee yə ɓugu-ɓugu ləm tɔ.

Esai 5:19

Deḛ gə́ pana: Maji karee ɔs rəa ɓad Gə mba ra kula ləa kalaŋ kar sí j’ooje! Né gə́ Njemeenda lə Israɛlje wɔji-kwɔji ra lé Maji karee teḛ ra née Gə mba kar sí n’gəree!

Esai 5:30

Mee ndəa’g neelé ndu a ɓar mbɔree’g koma̰ ne səa To gə́ ndi gə́ ree gə lel-boo dan baa-boo’g bèe, Loo gə́ dəw aa dɔ naŋg ndá A koo loo lai ndul njudu-njudu Kar néurti gə némeekundayel ɓa D’a taa tor na̰ Ndá mum gə́ ndul njudu-njudu ɓa A taa loo mee dara’g pəl-pəl ya.

Esai 58:2

Ndɔje kára-kára lai deḛ saŋgəm, Deḛ ndigi gər rəwje ləm, Asəna gə ginkoji dəwje gə́ ra né gə́ gə dɔ najee Gə́ d’uba godndu Ala lə dee d’ya̰ el ləm, Deḛ dəjim gə mba karm m’ar dee ndukun Gə́ ka̰ gaŋgta gə́ gə dɔ najee ləma, Deḛ d’wɔji mba kar Ala rəm pər gə́ rɔ dee’g ləm tɔ.

Esai 8:22

Tɔɓəi d’a tel kəm dee kaa ne loo gə́ naŋg Ndá aa ooje, nékəmndoo, gə loondul, gə néurti gə́ al dɔ loo sula d’a to keneŋ Bèe ɓa néje neelé d’a kɔs dee kar dee d’isi dan loo gə́ ndul njudu-njudu’g.

Esai 9:19

Dəw nar nésɔ gə́ to dɔ jikɔlee’g Nɛ si gə ɓó ya ɓəi, Dəw gaŋg nésɔ gə́ to jigelee’g Nɛ asee el ya ɓəi tɔ, Nana kara dakas jia-yeḛ ya ɓa sɔ.

Jeremi 13:16

Ulaje rɔnduba dɔ Njesigənea̰, Ala’g lə sí Kédé ɓa gə mba karee ar loondul teḛ ɓəi ləm, Kédé ɓa gə mba kar sí tugaje gɔl sí mbalje gə́ loondul dəb dɔ dee’g ləm tɔ, Seḭ ŋginaje lookàr, Nɛ yeḛ telee gə́ loondul ləm, Yeḛ aree tel to loondul gə́ ndul njudu-njudu ləm tɔ.

Jeremi 17:15

Aa oo, deḛ dəjim pana: See ta lə Njesigənea̰ ɓa ra wa. Maji karee aw lée’g béréré ar sí j’oo ŋga.

Jeremi 30:7

Meeko̰ gə́ ban ɓa bèe wa! Mbata ndɔ neelé to ndɔ gə́ boo! Ndɔ gə́ raŋg gə́ as səa kédé lé godo. To kàr néɓəŋgərəti mbata lə Jakob, Nɛ yeḛ a teḛ ta’g gə majee ya.

Ejekel 12:22

Ma ŋgon-dəw lé see gosota gə́ seḭ paje mee ɓee gə́ Israɛl pajena: Ndɔje dəs gə goo na̰ goo na̰ nɛ némḭdije lé né kára kara teḛ el lé see ban ɓa paje bèe wa.

Ejekel 12:27

Ma ŋgon-dəw lé aa oo, gel-bɔje lə Israɛl pana: Némḭdije gə́ ma m’oo lé kàr kar dee d’aw lée’g béréré nai dəb el. Ma m’tegginta m’wɔji ne dɔ ndɔje gə́ nai əw ɓəi.

Joɛl 1:15

Ai, ndɔ nee a to ndɔ gə́ ban wa! Mbata ndɔ lə Njesigənea̰ nai dəb ba. Yee a ree asəna gə nétuji gə́ ḭ rɔ Bao-siŋgamoŋ’d.

Joɛl 2:10

Naŋg yə ɓugu-ɓugu no̰ dee’g ləm, Dara kara yə ləm, Kàr gə naḭ tel ndul njudu-njudu ləma, Kéréméje kara rɔndɔḭ lə dee godo ləm tɔ.

Joɛl 2:11

Njesigənea̰ pata ar dee d’oo ndia no̰ bao-rɔje’g ləa, Mbata loo-siée un loo lad-lad, Njekar ta ləa aw lée’g béréré lé To Njesiŋgamoŋ, Mbata ndɔ lə Njesigənea̰ lé To ndɔ gə́ boo ləm, to ɓəl kədm-kədm ləm tɔ, See na̰ ɓa a kaskəm kaar dɔ gɔlee’g njaŋg wa.

Abdias 1:15

Mbata ndɔ lə Mbaidɔmbaije lé nai dəb mbata ginkoji dəwje gə raŋg lai, Ndá gə goo néra sí lé ɓa D’a tel ra ne sə sí-seḭ bèe ya tɔ. Bèe ndá bo̰ néra síje d’a kɔs ta sí’g bɔsɔrɔ. Israɛlje d’a dal ba̰ dɔ Edɔmje’g.

Tel tura Godndu 32:24

Ɓó a tudu dee kurum-kurum ləm, Rɔko̰ rɔnuŋga gə rɔko̰je gə́ to ɓəl kədm-kədm D’a kula kəm dee ndòo ləm tɔ. M’a kula gə daje gə́ majel Gə́ mee wala’g ləm, Gə mas lije ləm tɔ dɔ dee’g.

2 Piɛrə 3:10

Ndɔ lə Mbaidɔmbaije lé a teḛ asəna gə njeɓogo, ndəa lé néje gə́ pən dara’g d’a kaw dɔ na̰’g wur-wur ləm, néje gə́ keneŋ d’a ndiri bura ya njigi-njigi kar pər o̰ deḛ lai ləma, naŋg nee gə kula reaje lai gə́ to keneŋ lé kara d’a roo dula-dula ləm tɔ.

2 Piɛrə 3:4

pana: Ndia gə́ yeḛ un gə́ pana: N’a ree ne lé see to banwa, kwəi gə́ ka síje d’wəi ləw ba saar lé néje lai to gə loo tée gə́ tum ne gin naŋg nee ləw ba saar ɓasinè.