Amɔs 5:15 - Maktub gə́ To gə Kəmee

¹⁵ Maji kar sí ə̰jije néra gə́ majel bəḭ-bəḭ, Nɛ undaje néra gə́ maji ɓa dan kəm sí’g, Maji kar sí gaŋgje rəwta gə́ gə dɔ najee tarəwkɔg’d lé ɓa, Banelə Njesigənea̰, Ala gə́ njeboo-néje lé A koo kəmtondoo lə ges ŋgaka Jisəb gə́ nai lé ɓəi.

Amɔs 5:15 ပူးပေါင်းရင်းမြစ်များ

2 Samel 16:12

Banelə Njesigənea̰ a koo kəmtondoo ləm gə mba ra səm meemaji tor ndɔlje gə́ d’ila dɔm’g ɓogənè ɓəi.

1 Mbaije 20:31

Kuraje ləa d’ulá pana: Aa oo, jeḛ j’oo to gə́ mbaije lə Israɛlje lé to mbaije gə́ njémeekoso ləmséje. Bèe ndá j’a tɔ kubu-kwa-ndòo reŋ sí’g ləm, j’a tɔ dɔ sí gə kúla ləm tɔ ndá j’a teḛ kaw rɔ mbai lə Israɛlje’g, banelə yeḛ a kya̰’i kəmba.

2 Mbaije 13:7

Ɓai dəwje lə Joakas gə́ Njesigənea̰ ya̰ dee aree ɓa nee: Njérɔ gə kundaje rɔ-mi ba, gə pusu-rɔje dɔg, gə dəwje gə́ to goŋ-rɔje tɔl-dɔg-loo-dɔg (10.000) tɔ, mbata mbai gə́ Siri tuji dee ar dee to d’asəna gə babur gə́ deḛ tuba naŋg gə gɔl dee bèe ya.

2 Mbaije 15:29

Mee ndəa’g lə Péka, mbai gə́ Israɛl lé Tiglat-Pileser, mbai gə́ Asiri ree taa Ijo̰ ləm, gə Abel-Bet-Maaka ləm, gə Janoa ləm, gə Kedes ləm, gə Asɔr ləm, gə Galaad ləm, gə Galile ləma, gə ɓeeje lai gə́ Neptali ləm tɔ ndá yeḛ wa dəwje gə́ keneŋ gə́ ɓər aw sə dee Asiri.

2 Mbaije 19:4

Banelə Njesigənea̰, Ala ləi a koo taje lai gə́ Rabsake pa gə́ ɓéeje gə́ to mbai gə́ Asiri ulá aree pa ula ne sul dɔ Ala gə́ Njesikəmba’g lé ya, banelə Njesigənea̰, Ala ləi a kar bo̰ nérea ɔs təa’g mbata taje lai gə́ yeḛ oo lé. Bèe ndá maji kari ra tamaji mbata ges dəwje ləa gə́ nai lé ya.

Pakɔsje 119:104

Gə goo ndukunje ləi lé ɓa m’tel ne njegosonégər, Bèe ɓa rəw taŋgɔmje lai lé m’ə̰ji dee bəḭ-bəḭ.

Pakɔsje 34:14

Maji kari ɔg ndɔḭ dɔ ta gə́ majel’g ləm. Maji kari ɔg tai dɔ taje gə́ ka̰ su kəm loo’g lé ləm tɔ.

Pakɔsje 36:4

Taje gə́ teḛ təa’g to taŋgɔm ləm, gə ta sukəmloo ləm tɔ, Yeḛ mbad ra né gə kəmkàr ləm, gə néra gə́ maji lé ləm tɔ.

Pakɔsje 37:27

Maji kari unda rɔi ɓad dɔ néra gə́ majel’g ndá Ra né gə́ maji, Bèe ɓa i a kiŋga ne loo-sii saar gə no̰.

Pakɔsje 80:1

Pakɔs lə Asap gə́ ar bao-pa mba karee ɔs sə dee lé. D’ɔs gə ndu gwɔs pa gə́ pana: Pudu ndujaje.

Pakɔsje 97:10

Seḭ gə́ undaje Njesigənea̰ dan kəm sí’g lé Ǝ̰jije né gə́ majel bəḭ-bəḭ ya. Yeḛ tɔs kəmee bao-bao dɔ majikojije’g ləa Ɔr dee ne ji njémeeyèrje’g.

Teḛ-Raga 32:30

Bèlè loo-karee ndá Moyis ula dəwje pana: Seḭje lé seḭ raje kaiya gə́ boo, ɓasinè m’a tuga loo kaw rɔ Njesigənea̰’g: banelə m’a kiŋga meekoso lemsé mbata lə kaiya lə sí ɓəi.

Jeremi 18:8

Nɛ ɓó lé ginkoji dəwje neelé gə́ ma m’pata m’wɔji ne dɔ dee lé d’ya̰ goo meeyèr lə dee ndá ma tel gə ndum dɔ majel gə́ m’wɔji mba ra sə dee lé tɔ.

Jeremi 22:3

Njesigənea̰ pa togə́bè pana: Gaŋje rəwta néra gə́ gə dɔ najee gə goo rəbee ləm, taaje dɔ deḛ gə́ d’ula kəm dee ndòo ji njékula kəm loo ndooje’g ləma, ulaje kəm dəw-dɔ-ɓee gə ŋgonal gə njekəisiŋga ndòo el ləm tɔ. Raje néra gə́ kərm-kərm el ləm, ilaje məs yeḛ gə́ ta wa dəa el naŋg mee loo gə́ nee el ləm tɔ.

Jeremi 31:7

Mbata Njesigənea̰ pa togə́bè pana: Raje né wəl gə ndu rɔlel dɔ Jakob’g ləm, Arje boo-rɔkal lə sí nduba rəa gə́ raga Dɔ yeḛ gə́ to doŋgɔr Le ginkoji dəwje gə raŋg ləm tɔ. Ɔrje ndu sí gə́ tar ɔsje ne pa Pideeje paje ne pana: Njesigənea̰, maji kari taa Dɔ koso-dəwje ləi, Ges Israɛlje gə́ nai lé!

Ejekel 45:9

Mbaidɔmbaije gə́ Njesigənea̰ pa togə́bè pana: As ŋga, seḭ mbaije gə́ njéɓeeje gə́ Israɛl! Ǝwje rɔ sí néra gə́ kərm-kərm ləm, gə taa né gə ɓogo ləm tɔ, raje né gə́ danasur gə né gə́ gə dɔ najee ləm, əwje rɔ sí taa néje lə koso-dəwje lə neḛ dɔ buguru’g ləm tɔ, Mbaidɔmbaije gə́ Njesigənea̰ ɓa pa bèe.

Loo gə́ killa rea kəm Daniel’g 2:49

Daniel lé ra ndòo rɔ mbai’g mba karee ɔm kula kaa dɔ dəb ɓeeko̰ gə́ Babilɔn lé ji Sadrak, gə Mesak, gə Abed-Nego’g. Nɛ Daniel ndá nai gə́ njekwɔjimbai ta kəmkàr tɔ.

Joɛl 2:14

See na̰ gər wa. Banelə yeḛ a tel ree gə mba tel gə ndia Kar mée oso lemsé dɔ sí’g Tɔr ne ndia dɔ sí’g Esé a kya̰ ne loo kar sí areeje ne nékar gə́ to nduji Esé nékar gə́ ka̰ tər naŋg kar Ala lə sí gə́ Njesigənea̰ lé.

Amɔs 5:10

Dəw gə́ ndaŋg dee tarəwkɔg’d lé D’wá gə meḛ dee ləm, Yeḛ gə́ ɔr ta gə́ tɔgərɔ kara Deḛ d’ə̰jee bəḭ-bəḭ ləm tɔ.

Amɔs 5:24

Nɛ maji kar néra gə́ danasur to asəna gə kəm-rəw-mán bèe ləm, Arje néra gə́ gə dɔ najee kara to asəna gə mán gə́ kəm-rəw-mán gə́ yi tə el ləm tɔ.

Amɔs 5:6

Saŋje Njesigənea̰ ndá Seḭ a síje ne kəmba ya. Ɓəlje nà banelə yeḛ a roo ŋgaka Jisəb to gə́ pər bèe, To gə́ pər gə́ roo ar dəw nai Betel Kára kara gə mba tɔlee el.

Amɔs 6:12

See kundaje d’aiŋgwɔd dɔ biri mbal’g wa. Esé see deḛ ndɔ-ndɔ keneŋ gə bɔ maŋgje Ɓa seḭ telje néra gə́ danasur areeje to gə́ kuma̰ yoo ləm, Kandə meekarabasur lé Seḭ teleeje gə́ kandə né gə́ adə ləm tɔ lé wa.

Amɔs 7:3

Njesigənea̰ tel gə ndia pana: Né neelé a teḛ el ŋga.

Junas 1:6

Njekwa-ŋgao bato lé ree pər gə́ rəa’g dəjee pana: See ban ɓa i toɓi bèe wa. Uba naŋg ḭ tar ɓar magə ləi oo ɓa banelə yeḛ ə̰ji dɔ sí’g ndá j’a kudu ne el.

Junas 3:9

See na̰ ɓa gər wa. Banelə Ala a tel gə ndia kar goo takə̰ji ləa yɔr ləm, a kuba oŋg ləa kya̰ lal kar sí n’tujije ne ləm tɔ.

Misee 2:12

Ǝi Jakobje! M’a mbo̰ sí dɔ na̰’d gə gin sí lai ya. M’a mbo̰ ges Israɛlje dɔ na̰’d To gə́ mbo̰ ne badje loo-kaar dee’g bèe ləm, To gə́ koso-nékulje loo-ko̰-mu’g lə dee bèe ləm tɔ, Bèe ɓa ndu dəwje a ɓar wəl-wəl keneŋ.

Misee 3:2

Seḭ ə̰jije néra gə́ maji lé bəḭ-bəḭ Ndá né gə́ majel ɓa seḭ ndigije, Seḭ tusuje ndar dəwje ləm, Seḭ tɔrje dakasrɔ dee dɔ siŋga dee’g ləm tɔ.

Misee 5:3

Yeḛ a kḭ ta ndá A kul badə-kosoje ləa gə siŋgamoŋ lə Njesigənea̰ ləm, Gə rɔnduba lə ri Njesigənea̰, Ala ləa ləm tɔ! D’a kiŋga loo-si dee gə́ d’a si ne gə meekulɔm, Mbata d’a kula rɔnduba dəa’g saar kɔr rudu naŋg nee njal.

Soponi 2:3

Seḭ njékula dɔ síje lai gə́ dɔ naŋg neelé Maji kar sí saŋgje Njesigənea̰, Seḭ lai gə́ raje né gə́ ndukunje ləa wɔji lé! Maji kar sí ndolèje goo meekarabasur ləm, Gə saŋgje loo kula dɔ sí ləm tɔ. Banelə Njesigənea̰ a kya̰ sí ndɔ oŋg’d ləa.

Malasi 3:18

Ndá seḭ a tel kooje loo to ɓəd lə njemeekarabasur gə njemeeyèr ləm, gə loo to ɓəd lə dəw gə́ njera né kar Ala gə yeḛ gə́ ra né aree el ləm tɔ.

Njé gə́ Rɔmə 12:9

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

Njé gə́ Rɔmə 7:22

Mbata məəm gə́ kəi lé m’ra rɔlel dɔ godndu Ala’g ya

Njé gə́ Rɔmə 8:7

Yeḛ gə́ wa goo rəa dɔ darɔ’g ndá yeḛ wa ba̰ gə Ala, mbata darɔ lé oso kul dɔ godndu Ala’g lé el mbata asəna̰’d aree el.

3 Ja̰ 1:11

I gə́ m’undai dan kəm’g lé néra gə́ maji ɓa maji kari ndoo ra ɓó i a ndoo néra gə́ majel el. Mbata yeḛ gə́ ra maji lé yeḛ to ka̰ Ala ya. Nɛ yeḛ gə́ njeramajel lé oo Ala nda̰ el ɓəi tɔ.