Amɔs 5:12 - Maktub gə́ To gə Kəmee

¹² Mbata neḛ n’gər gao, Kaiyaje lə sí bula yaa̰ ləm, Néra majelje lə sí kara ḭ dɔ maree’g ləm, Seḭ ulaje njéra nédanaje ndubu ləm, Seḭ taaje néndogo-gel dəwje ləma, Seḭ ɔgje njéndooje né Gə́ kəm kar dee d’iŋga lé ləm tɔ.

Amɔs 5:12 ပူးပေါင်းရင်းမြစ်များ

Maktub gə́ wɔji dɔ Jɔb 20:19

Mbata yeḛ ra kədərə gə njéndooje ya̰ dee dan nékəmndoo’g ləm, Yeḛ taa kəije gə́ yeḛ ra el gə siŋgamoŋ ləm tɔ.

Maktub gə́ wɔji dɔ Jɔb 31:21

Ɓó lé m’un jim m’ɔs ne ŋgonal rəw Mbata ma m’oo to gə́ njégaŋ-rəwtaje d’a gədm keneŋ ndá

Pakɔsje 127:5

Rɔlel nai gə dəw gə́ ar kandə ɓandaŋg neelé rusu kuée. Loo gə́ yeḛ a kwɔji ta gə njéba̰je ləa takəi’g ndá Kəm sɔḭ a kwa kəmee el.

Teḛ-Raga 23:3

Njendoo lé seḭ a kɔrje kəm ta ləa maji loo gaŋgta’g mbata to gə́ yeḛ to njendoo lé ɓa el.

Teḛ-Raga 23:6

Né gə́ kəm kar njendoo iŋga loo-gaŋg-rəwta’g lé seḭ a bugureje dɔ’g el.

Gosota-Kəmkàrje 17:8

Né gə́ dəw un ndogo ne maree lé To asəna gə jər gə́ gadee ur kugu kəm deḛ gə́ njékiŋgaje’g Néje lai gə́ yeḛ ra lé ndá a teḛkɔr ya.

Gosota-Kəmkàrje 22:22

Wa njendoo né ləa təa mbata to gə́ yeḛ to njendoo el ləm, Buguru njekəmndoo tarəwkɔg’d el ləm tɔ.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Esai 10:2

Yee ɓa deḛ mbad gaŋg ne rəwta Le njéndooje gə goo rəbee ləm, Né gə́ kəm kar deḛ gə́ kəm dee to ndòo Mbuna dəwje’g ləm d’iŋga lé Deḛ nar sə dee ləm, Deḛ taa nékiŋgaje lə njékəisiŋgaje ləma, D’unda ŋganalje gə́ néɓogo lə dee ləm tɔ.

Esai 29:21

To deḛ gə́ d’ila ta dɔ njé gə́ raŋg’d loo-gaŋg-rəwta’g ləm, D’iya gum no̰ yeḛ gə́ njetaa dəa tarəwkɔg’d ləma, Dəw gə́ ta wa dəa el lé deḛ gaŋgta gə́ ŋgɔm dəa’g ləm tɔ.

Esai 33:15

Yeḛ gə́ njaa dan néra gə́ gə dɔ najee’g ləm, Gə pata gə goo néra gə́ danasur ləm, Yeḛ gə́ ə̰ji néndogo-gel bəḭ-bəḭ ləm, Yeḛ gə́ yə jia ɔs ne néndogo-gel rəw ləm, Yeḛ gə́ udu mbia dɔ sorta kila məs’g ləma, Yeḛ gə́ libi kəmee jib-jib gə mba koo ne né gə́ majel lé el ləm tɔ.

Esai 47:9

Néje joo neelé d’a teḛ dɔ sí’g wai Gə́ mee ndəa gə́ kára ba ya Kar ŋganje lal sí ləm, Kar sí síje gə́ njékəisiŋgaje ləm tɔ. Lée némbeḛje lə sí gə́ bula əsé Nésukəmlooje lə sí gə́ bula yaa̰ kara Néje joo neelé d’a teḛ dɔ sí’g Mee ndɔ gə́ kára ba ya.

Esai 5:23

Dɔ deḛ gə́ d’ɔr ta dɔ yeḛ gə́ ta wa dəa’g Gə mbata lə néndogo-gel ləma, Gə deḛ gə́ ta wa dɔ dee el kara D’ɔg dee né gə́ wɔji dɔ dee ləm tɔ.

Esai 66:18

Ma m’gər kula ra dee gə takə̰jije lə dee tɔ. Ndɔ mbo̰ ginkoji dəwje gə raŋg lai gə takɔji dəwje lai dɔ na̰’d teḛ mba̰ ndá d’a ree koo rɔnduba ləm,

Jeremi 29:23

Né neelé a teḛ dɔ dee’g mbata deḛ ra nérɔkul mbuna Israɛlje’g d’ya̰ ne rɔ dee dan ndal denéje lə mar deeje’g gə mɔdkaiya ləm, ma m’un ndum m’ar dee el nɛ deḛ pa taŋgɔm gə rim ləm tɔ. Ma m’gər gao ləm, m’oo gə kəm ləm tɔ. Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 3:34

Loo gə́ d’aw tuba ɓərje lai gə́ mee ɓee’d gə gɔl dee ləm,

Ejekel 13:22

Mbata seḭ arje mee njemeekarabasur pélé wəs-wəs gə taŋgɔmje loo gə́ neḛ nja n’ula kəmee ndòo el ləm, mbata seḭ arje ji njemeeyèr ɓar mèr-mèr mba kɔgee ne loo kuba rəw néra ləa gə́ majel kya̰ mba si ne kəmba ləm tɔ.

Ojee 5:3

Eprayimje lé ma m’gər dee gao ləm, Israɛlje kara d’askəm kiya rɔ dee kəm’g el ləm tɔ. Mbata ɓasinè seḭ Eprayimje Seḭ ubaje Ala yá̰je ləm, Israɛlje lé d’ar rɔ dee mina̰ ne jɔmri-jɔmri ləm tɔ.

Amɔs 2:16

Yeḛ gə́ to kankəm bao-rɔ gə́ ur dɔ njérɔje’g lé kara A kaḭ gə kudee dum mee ndəa’g neelé ya, Njesigənea̰ ɓa pa bèe.

Amɔs 2:3

N’a tuji mbai lə dee mbuna dee’g ləm, N’a tɔl ŋgan-mbaije lə deḛ lai səa na̰’d ləm tɔ, Njesigənea̰ ɓa pa bèe.

Amɔs 5:10

Dəw gə́ ndaŋg dee tarəwkɔg’d lé D’wá gə meḛ dee ləm, Yeḛ gə́ ɔr ta gə́ tɔgərɔ kara Deḛ d’ə̰jee bəḭ-bəḭ ləm tɔ.

Amɔs 5:7

Seḭ gə́ arje ta gə́ gə dɔ najee Tel to né gə́ adə mbag-mbag ləm, Né gə́ dana sur lé kara seḭ mbɔḭje naŋg ləm tɔ!

Amɔs 8:4

Ooje ta nee, seḭ gə́ njerum njéndooje ləm, Gə tujije njénékəmndooje ləm tɔ lé,

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Misee 7:3

Ji dee adə lam-lam gə mba ra ne némajel, Mbaije gə njégaŋ-rəwtaje dəji néndogo-gel Ɓa gə mba ra ne né gə́ maji ləm, Dəwje gə́ boi lé riba dɔ mal nékiŋga Gə́ ra dee ŋgwɔd-ŋgwɔd ləm tɔ, Yee ɓa d’ɔm ne na̰’d téréré dɔ néra dee’g.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Néra Njékaḭkulaje 7:52

See njéteggintaje gə́ ra ɓa bɔ síje lé lal kula kəm dee ndòo wa. Deḛ tɔl deḛ gə́ d’ila mber ta ree lə Njemeekarabasur kédé lé yeḛ gə́ seḭ nja wáje uláje ji dee’g ɓasinè ləm, seḭ nja toje gə́ njétɔleeje ləm tɔ.

Tel tura Godndu 16:18

Seḭ a kundaje njégaŋ-rəwtaje gə njékoogootaje mee ɓee-booje’g lai gə́ Ala lə sí gə́ Njesigənea̰ ar sí gə goo ginkoji dəwje lə sí ndá deḛ d’a gaŋg-rəwta dɔ koso-dəwje’g gə goo rəbee.

Tel tura Godndu 31:21

togə́bè ɓa loo gə́ némajelje gə nékəmndooje bula d’a teḛ dɔ dee’g mba̰ ndá pakɔs neelé gə́ meḛ dee a kwəi dɔ’g el ləm, gə taree a to ta ŋgaka deeje ləm tɔ lé a kɔr ta kila dɔ koso-dəwje’g neelé. Tɔgərɔ ya, ma m’gər takə̰jije gə́ meḛ dee’d gə́ m’oo ɓogənè lé ɓad ɓa m’a gə kar dee d’andə mee ɓee gə́ ma man rɔm gə mba kar dee lé ɓəi.

Maktub gə́ Jak ula ne ar ngan-Allaje 5:4

Aa ooje, njékulaje gə́ d’inja kó mee ndɔje’g lə sí gə́ seḭ bəŋgərə deeje nɛ lar kuga ji dee lé ɓaŋgee ɓar yor-yor, ndu kii no̰ lə njékulaje kara oso mbi Mbaidɔmbaije gə́ njeboo-néje gə́ dara lé tɔ.

Maktub gə́ Jak ula ne ar ngan-Allaje 5:6

Seḭ gə́ ilaje ta dɔ njemeekarabasur tɔleeje ne, nɛ yeḛ aar keneŋ kərərə-kərərə ɓó ɔs sí rəw el.

Rudu 4:1

Boaj lé ḭ aw tarəwkɔg’d lə ɓee lé ɓa si naŋg keneŋ. Ndá aa oo, yeḛ gə́ to gə́ njenoji lə dee gə́ pər gə́ askəm kaa dɔ dee gə́ Boaj pata ləa kédé lé a gə dəs. Boaj ulá pana: I lé tel ree si nee! Bèe ɓa yeḛ tel ree si naŋg ya tɔ.

1 Samel 8:3

Ŋgalə Samel njaa gə goo rəw gə́ bɔ deeje njaa keneŋ el. Deḛ d’ya̰ rɔ dee dan kəmkəḭ’g ləm, deḛ taa nétɔstaje d’al ne dɔ rəwta gə́ gaŋg gə dɔ najee ləm tɔ.