Amɔs 5:11 - Maktub gə́ To gə Kəmee

¹¹ Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Amɔs 5:11 ပူးပေါင်းရင်းမြစ်များ

Maktub gə́ wɔji dɔ Jɔb 20:19

Mbata yeḛ ra kədərə gə njéndooje ya̰ dee dan nékəmndoo’g ləm, Yeḛ taa kəije gə́ yeḛ ra el gə siŋgamoŋ ləm tɔ.

Esai 16:10

Rɔlel gə kalrɔ godo mee ndɔje’g, Mee ndɔ-nduú’g lé pa gə kalrɔ godo keneŋ! Njembula kandə nduú lé mbula loo-mbula’g el ŋga, Ma m’ar ndu rɔlel godo.

Ejekel 26:12

D’a kodo nébaoje ləi ləm, d’a kodo néndogoje ləi ləm, d’a təd ndògo-bɔrɔje ləi ləm, d’a tɔ kəije ləi gə́ maji péd-péd ləma, d’a kɔm kɔri-mbalje ləi gə kagje ləi gə nduji naŋgje ləi dan manje’g ləm tɔ.

Ejekel 34:21

Mbata badje gə́ siŋga dee godo lé seḭ tila deeje gə goŋgərɔ kaar sí ləm, seḭ usu deeje wuduru-wuduru gə dɔ tam sí ləma, deḛ lai gə́ d’oso gə rɔko̰ lé seḭ tɔs deeje gə gaji sí saar jané deeje ne kad-kad ləm tɔ.

Ojee 9:2

Nésɔ gə́ ḭ loo-kunda-kó’g ləm, Gə nékai gə́ ḭ loo-mbula-Kandə-nduú’g ləm tɔ lé A to ka̰ dee el ləm, Man-nduú gə́ sigi a na dee tas ləm tɔ.

Ləbije 26:16

aa ooje, né gə́ m’a gə ra sə sí ɓa nee: M’a kula gə néɓəlje, gə rɔko̰ gə́ sɔ siŋga dəw, gə rɔnuŋga dɔ sí’g ndá kəm sí a to ne ndòo ləm, seḭ a síje dan némeeko̰’g ləm tɔ, seḭ a dubuje né ya nɛ a kiŋgaje née el mbata njéba̰je lə sí d’a sɔ lai.

Amɔs 2:6

Njesigənea̰ ɓa pa togə́bè pana: Gə mbata kaiya ra Israɛl gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ndogo njemeekarabasur gə lar ləm, Deḛ ndogo njendoo gə négɔl ləm tɔ.

Amɔs 2:7

Deḛ ndiŋga rɔ dee mba njaa dɔ njéndooje’g asəna gə babur bèe ləm, Njénékəmndooje lé kara d’ɔg dee né gə́ kəm kar dee d’iŋga ləm tɔ. Ŋgon gə́ diŋgam deḛ gə bɔbeeje d’orè na̰ dɔ ŋgoma̰də gə́ kára ba ya D’ula ne sul dɔ ri neḛ-neḛ gə́ to gə kəmee doi lé.

Amɔs 3:15

Kəije gə́ naḭ kuli gə kəije gə́ naḭ kàrá kara N’a kunda dee naŋg rab-rab, Kəi-mbaije gə́ ra gə ŋgaŋ kər lé d’a tuji ləm, Boo-kəije gə́ boi-boi kara d’a sané kad-kad ya tɔ. Njesigənea̰ ɓa pa bèe.

Amɔs 3:9

Ɔrje ndu sí gə́ tar wəl mee kəi-mbaije gə́ Asdod ləm, Gə mee kəi-mbaije gə́ mee ɓee gə́ Ejiptə ləm tɔ. Seḭ a pajena: Maji kar sí mbo̰je dɔ na̰ dɔ mbal’g Samari Ooje kaw dɔ na̰’d pum-pum mee ɓee’g neelé ləm, Gə néraje gə́ kərm-kərm gə́ deḛ ra keneŋ lé ləm tɔ.

Amɔs 4:1

Urje mbi sí ooje ta neelé, Seḭ denéje gə́ Samari gə́ toje baoje Gə́ toje asəna gə ko̰ maŋgje gə́ Basan lé Seḭ gə́ ulaje njéndooje ndubu ləm, Seḭ tubaje deḛ gə́ néje bula lal dee Naŋg mbajila-mbajila ləm tɔ lé Tɔɓəi seḭ ulaje ŋgaw síje pajena: Reeje gə nékai ar sí j’aije.

Amɔs 6:11

Mbata aa ooje, né gə́ Njesigənea̰ un ndia dɔ’g lé ɓa nee: Yeḛ a kar kəi gə́ boo lé təd kuyum-kuyum ləm, Ŋgon kəi gə́ lam kara a kiri budu-budu ləm tɔ.

Amɔs 6:12

See kundaje d’aiŋgwɔd dɔ biri mbal’g wa. Esé see deḛ ndɔ-ndɔ keneŋ gə bɔ maŋgje Ɓa seḭ telje néra gə́ danasur areeje to gə́ kuma̰ yoo ləm, Kandə meekarabasur lé Seḭ teleeje gə́ kandə né gə́ adə ləm tɔ lé wa.

Amɔs 8:4

Ooje ta nee, seḭ gə́ njerum njéndooje ləm, Gə tujije njénékəmndooje ləm tɔ lé,

Amɔs 9:14

N’a tel gə koso-dəwje lə neḛ gə́ Israɛl Gə́ d’wa dee gə́ ɓərje lé ree sə dee ɓée ləm, Ɓeeje lə dee gə́ tuji ləw lé D’a tel ra gogo mba kisi keneŋ ləm, D’a ma̰a nduúje ndá d’a kai mán dee ləma, D’a ra loo-kamnaḭje ndá d’a sɔ kandə dee ləm tɔ.

Misee 1:6

M’a kar Samari tel to kɔr mbalje Gə́ d’wa kugu loo-ndɔ’g bèe ləm, M’a karee tel to gə́ loo-ma̰a-nduú ləm tɔ, M’a jura kɔr mbalje ləa kəm wəl-loo’g ləm, M’a kar gelee gə́ tum lé to raga ndəgəsə ləm tɔ.

Misee 2:2

Deḛ ra kəmkəḭ dɔ ndɔje’g ndá Deḛ taa dɔ buguru’g ləm, Gə dɔ kəije’g ndá D’odo néje gə́ keneŋ dɔ buguru’g ləm tɔ. Deḛ ra né gə́ kərm-kərm gə dəw gə njemeekəije ləa ləm, Buguree gə nénduba ləa na̰’d ləm tɔ.

Misee 6:15

Seḭ a dubuje kó ya Nɛ a kinjaje dəa el ləm, Seḭ a kasje ubu kandə koiyo ya Nɛ a ndèmje ubee el ləma, Seḭ a mbulaje kandə nduú ya Nɛ a kaije manee el ləm tɔ.

Soponi 1:13

Némajije lə dee d’a to nékunda banrɔ ləm, Kəije lə dee kara d’a tuji pugudu-pugudu ləm tɔ. Deḛ ra kəije ya Nɛ d’a si keneŋ gogo el ləm, Deḛ ma̰a kag-nduúje ya Nɛ d’a kai manee el ŋga ləm tɔ.

Ajee 1:6

Seḭ dubuje kó gə tadee rəg-rəg ya nɛ seḭ injaje lam ba bèe. Seḭ sɔje né yaa̰ ya nɛ ndanje ndanee el. Seḭ aije né yaa̰ ya nɛ tɔlje ne kunda lə sí el. Seḭ ulaje kubu ya nɛ rɔ sí nuŋga ne so el tɔ. Nédɔji lə yeḛ gə́ ra kula ar maree godo kalaŋ asəna gə né gə́ ɔm mee ɓɔl gə́ kəmee mbudu’g bèe.

Malasi 1:4

Ɓó lé Edɔmje pana: Jeḛ lé ɓeeje lə sí tuji mba̰ nɛ j’a tel gɔl dee gogo ɓəi. Ndá Njesigənea̰ gə́ njeboo-néje lé pa togə́bè pana: Ɓó lé deḛ tel gɔl kara m’a kunda naŋg rab-rab ya. Ndá d’a ɓar dee dɔ naŋg gə́ némeeyèrje taa loo keneŋ pəl-pəl ləm, gə koso-dəwje gə́ mee Njesigənea̰ ḭ səa pu dɔ dee’g gə no̰ ləm tɔ.

Tel tura Godndu 28:30

Seḭ a kwaje mɔr gə ŋgoma̰də nɛ dəw gə́ raŋg ɓa a to səa, seḭ a raje kəi nɛ seḭ a síje keneŋ el, seḭ a ma̰aje nduú nɛ seḭ a kalje ne rɔ sí el.

Maktub gə́ Jak ula ne ar ngan-Allaje 2:6

Seḭ nja, seḭ ilaje rɔkul dɔ njendoo’g. See baoje lé d’ula busu dɔ sí’g el wa. See to deḛ nja ɓa ndɔr sí d’ɔm sí loo-gaŋg-rəwtaje’g lé el wa.