Amɔs 5:1 - Maktub gə́ To gə Kəmee

¹ Seḭ gel-bɔje lə Israɛl lé urje mbi sí ooje ne ta nee gə́ ma m’no̰ ne gə meeko̰yoo mbata lə sí lé.

Amɔs 5:1 ပူးပေါင်းရင်းမြစ်များ

Jeremi 18:13

Gelee gə́ nee ɓa Njesigənea̰ pa ne pana: Dəjije ginkoji dəwje gə raŋg ooje! See na̰ ɓa oo ta néje gə́ togə́bè lé gɔl kára wa. Israɛlje to d’asəna gə ŋgoma̰də gə́ ra né gə́ mina̰ gə́ to kḛji.

Jeremi 7:29

Maji kar sí ndisaje yiŋga dɔ sí Gə́ ŋgal pɔ-pɔ ɔmje əw ləm, Ubaje dɔ looje gə́ ndəw, Ɔsje pa no̰ ndòo ləm tɔ. Mbata Njesigənea̰ mbad Ginkoji dəwje gə́ d’ɔs gin oŋg-boo ləa lé ila dee əw.

Jeremi 9:10

Njesigənea̰ pana: M’a kwa Jerusalem kugu ɓiri-ɓisi Karee to gə́ loo-to lə tàlje ləm, M’a kar ɓee-booje gə́ Juda Tel to dɔnduba kar dəw kára kara Si keneŋ el ləm tɔ.

Jeremi 9:17

Ar dee d’ɔs rɔ dee ɓad Gə mba ree kun dɔ pa no̰ ndòo dɔ sí’g! Kəm kar mán-no̰ ruba kəm sí’g pɔ-pɔ ləm, Kəm karee ndogo sí sugu-sugu ləm tɔ.

Jeremi 9:20

Mbata yoo andə kəmbolè kəije’g lə sí ləm, Yee andə mee kəi-mbaije’g lə sí ləm tɔ, Yee tɔl ŋganje mba̰-rəwje’g ləm, Yee tɔl basaje ndaa-looje’g ləm tɔ.

Jeremi 9:9

Ma m’ndigi no̰ ndòo Tuma̰ ŋgururu-ŋgururu dɔ mbalje gə́ tar ləm, M’a kun pa no̰ ndòo ndag-loo gə́ to dɔdilaloo’g lé ləm tɔ, Mbata pər roo loo ləm, Dəw kára kara dəs keneŋ el ləma, D’oo ndu no̰ lə nékulje keneŋ el ləm tɔ, Yelje gə́ pə̰ dara’g, gə daje lai d’aḭ sané na̰ kad-kad.

Ejekel 19:1

Ma lé maji kam m’ɔr ndum gə́ tar m’ɔs pa no̰ ndòo mbaije gə́ njékaa dɔ dəb ɓeeko̰je gə́ Israɛl

Ejekel 19:14

Pər ḭ barkəmeeje’g Roo ka̰dee dula-dula, Barkəmeeje gə́ siŋ na̰’d siŋ-siŋ Gə mba tel to kag-mbai lə mbaije lé godo. Yee nee ɓa to pa no̰ ndòo ndá Yee ɓa d’a no̰ ne ndòo ya.

Ejekel 26:17

Deḛ d’un pa no̰ ndooi d’ulai ne pana: Ɗi togə́bè wa! See gelee ban ɓa i tuji pugudu bèe wa. I gə́ njé gə́ d’aḭ gə́ yo gə́ nee dɔ baa-boo-kad’g ree d’isi rɔi’g ləm, I gə́ to ɓee-boo gə́ njeriɓar Gə́ njé gə́ d’isi keneŋ to dəwje gə́ njésiŋgamoŋje dɔ baa-boo-kad’g ləm tɔ. Ɓee neelé gə dəwje gə́ d’isi keneŋ Gə́ d’aw d’ɔm ɓəl dɔ dəwje gə́ gugu dɔ deḛ lai lé tuji pugudu.

Ejekel 27:2

I ŋgon-dəw lé, un pa no̰ ndòo ɓee gə́ Tir.

Ejekel 28:12

I ŋgon-dəw lé, un pa no̰ ndòo mbai gə́ Tir! A kulá pana: Mbaidɔmbaije gə́ Njesigənea̰ pa togə́bè pana: I ya gə́ nékwɔji maji kɔr njoroŋ lə né ləm, kəmkàr taa rɔi pəl-pəl ləma, i maji péd-péd ləm tɔ.

Ejekel 32:16

Yee ɓa to pa no̰ ndòo gə́ d’a kɔs, ŋgalə ginkoji dəwje gə raŋg gə́ dené d’a kɔs pa no̰ ndòo neelé. D’a karee wɔji ne dɔ Ejiptə gə dɔ njé’g ləa gə́ bula digi-digi lé. Mbaidɔmbaije gə́ Njesigənea̰ ɓa pa bèe.

Ejekel 32:2

I ŋgon-dəw lé, un pa no̰ ndòo Parao̰, mbai gə́ Ejiptə! A kulá pana: I lé to tana gə ŋgon toboḭ mbuna ginkoji dəwje gə raŋg’g, I to tana gə mar dan baa-boo-kadje’g ləm, I al uru dan mán baa’g ləi ləm, I bugulu manje gə gɔlije ləma, I tuga paŋgəm maneje puguju-puguju ləm tɔ.

Amɔs 3:1

Seḭ Israɛlje gə́ m’ar sí undaje loo teḛje mee ɓee gə́ Ejiptə lé maji kar sí ooje ta nee gə́ Njesigənea̰ pa sə sí lé!

Amɔs 4:1

Urje mbi sí ooje ta neelé, Seḭ denéje gə́ Samari gə́ toje baoje Gə́ toje asəna gə ko̰ maŋgje gə́ Basan lé Seḭ gə́ ulaje njéndooje ndubu ləm, Seḭ tubaje deḛ gə́ néje bula lal dee Naŋg mbajila-mbajila ləm tɔ lé Tɔɓəi seḭ ulaje ŋgaw síje pajena: Reeje gə nékai ar sí j’aije.

Amɔs 5:16

Gelee gə́ nee ɓa, Njesigənea̰ Ala gə́ njeboo-néje, Mbaidɔmbaije ɓa pa togə́bè pana: D’a no̰ yoo gə mee looje lai gèr-gèr Sii ne mbigi-mbigi ya, Gə kila-rəwje lai lé kara d’a pa pana: Kwii-kwii, ɗi ɓa to togə́bè wa. D’a ɓar njendɔ gə mba karee ree loo-yoo’g ləm, D’a ɓar deḛ gə́ gər pa no̰ yoo Kar dee ree no̰ ne yoo ləm tɔ.

Amɔs 8:14

Deḛ gə́ d’ubu rɔ dee dɔ kaiya’g lə Samari lé, Deḛ gə́ pana: Dan, maji kar magə ləi si gə ləbee-ləbee gə no̰, Maji kar rəw lə Beer-Seba to gə no̰ lé D’a t’oso nɛ d’a kḭ tar el tɔ.

Misee 2:4

Mee ndəaje’g neelé d’a pata gə goso taji sí ne ləm, D’a kɔr ndu dee gə́ tar wəl no̰ ne sii ne mbigi-mbigi ləm tɔ. D’a pana: Jeḛ lai n’tujije pugudu ya! Yeḛ kai né lə koso-dəwje lə neḛ ar njé gə́ raŋg! Ɗi togə́bè wa. Yeḛ ɔr né neelé ji neḛ’g. Yeḛ kai loo-ndɔje lə sí ar njeba̰ lé.