Amɔs 4:4 - Maktub gə́ To gə Kəmee

⁴ Awje Betel ndá raje kaiya ɓaà, Awje Gilgal kara raje kaiya unda njé gə́ kédé ɓəi ɓaà, Reeje gə nékinjanéməsje lə sí gə ndɔ rad Gə ndɔje kára-kára lai ləm, Ta néje lə sí gə́ dɔg gə́ unje kára lé kara Ndɔ munda ndá reeje ne gɔl kára kára ya ləm tɔ.

Amɔs 4:4 ပူးပေါင်းရင်းမြစ်များ

Njekillamber 11:9

I basa lé maji kari al rɔi loo nai basa’g ləi ləm, ya̰ məəi ar rɔlel mee ndɔje lai gə́ i to ne gə́ basa lé ləm, njaa gə goo rəwje gə́ məəi wɔji ləma, gə goo loo gə́ kəmi oo lé ləm tɔ. Nɛ maji kari gər gao to gə́ néje lai neelé Ala a gə kar dee ree dɔi’g loo-gaŋg-rəwta’g ya ɓəi.

Ejekel 20:39

Seḭ gel-bɔje lə Israɛl lé Mbaidɔmbaije gə́ Njesigənea̰ pa togə́bè pana: Awje, nana kara aw pole magəje ləa-ləa! Nɛ gée’g gogo ndá seḭ a kooje ta lə neḛ ləm, seḭ a kilaje ndɔl dɔ ri neḛ’d gə́ to gə kəmee gə nékarje lə sí gə magə-poleje lə sí el ŋga ləm tɔ.

Ojee 12:11

Ma m’ula njéteggintaje taje ləm ləm, M’ar némḭdije d’ɔs goo na̰ goo na̰ ləma, M’ula dee gosotaje gə ndu njéteggintaje ləm tɔ.

Ojee 4:15

Ǝi seḭ Israɛlje, ɓó lé seḭ ubaje Ala lə sí yá̰je ndá Maji kar Judaje d’ar taree wa dɔ dee-deḛ el. Maji kar sí awje loo gə́ to gə kəmee’d gə́ to Gilgal el ləm, Awje Bet-Aben el ləma, Ubuje rɔ sí pajena: Njesigənea̰ si kəmba bèe el ləm tɔ.

Ojee 9:15

Mee ɓee gə́ Gilgal lé Néra gə́ yèr lə dee to raga pai-pai ya, Lée neelé ɓa ma m’ə̰ji dee ne bəḭ-bəḭ. Gə goo néra gə́ yèr lə dee lé Ndá m’a tuba dee mee kəi’g ləm ləm, M’a kunda dee dan kəm’g el ŋga ləm tɔ. Mbaije lə deḛ lai to njékaltaje.

Amɔs 3:14

Mee ndəa gə́ n’a kar bo̰ néra gə́ majel lə Israɛlje ɔs ta dee’g lé Ndá n’a təd loo-nékinjanéməsje gə́ Betel. Dɔ kum loo-nékinjanéməsje gə́ ḭta neelé D’a təd njigi-njigi kɔm naŋg ya.

Amɔs 5:5

Maji kar sí saŋgmje Betel el ləm, Awje Gilgal el ləma, Dəsje awje Beer-Seba el ləm tɔ. Mbata njé gə́ Gilgal lé d’a kwa dee ɓər ləm, Betel kara a tuji pugudu-pugudu ləm tɔ.

Matiyo 23:32

Néra bɔ síje-je lé seḭ tɔlje bém ya!

Matiyo 26:45

Tɔɓəi yeḛ tel aw rɔ njékwakiláje’g ula dee gə no̰ pana: Tojeɓi, waje ne rɔ sí ɓasinè. Aa ooje kàr kula Ŋgon-dəw ji njékaiyaje’g lé nai dəb ba ŋga.

Mark 14:41

Yeḛ ɔs tel ree rɔ dee’g ɔm’g gɔl munda ndá ula dee pana: As ŋga! Tojeɓi ɓasinè aw waje ne rɔ sí. Aa ooje, kàr kula Ŋgon-dəw ji njékaiyaje’g lé teḛ mba̰.

Mark 5:5

Dan kàrá gə loondul lé yeḛ si mbuna bwa-doɓarje’g gə dɔ mbalje’g ləm, yeḛ ra né wəl-wəl usu ne rəa kaar mbalje’g aree tḭja pədərə-pədərə ləm tɔ.

Tel tura Godndu 26:12

Loo gə́ seḭ a kundaje ŋgaŋ kun ta kandə néje gə́ dɔg kun təa kára kar ndá mee ləb gə́ njekɔm’g munda-munda lé a to ləb gə́ wɔji dɔ néje gə́ dɔg-kun-təa-kára-kára mba kar sí arje Ləbije ləm, gə dəw-dɔ-ɓeeje ləm, ŋganalje ləma, gə njékəisiŋgaje ləm tɔ ndá d’a sɔ mbuna sí’g karee as dee nag-nag.