Amɔs 4:3 - Maktub gə́ To gə Kəmee

³ Nana kara a teḛ gə́ kəm ndògo-bɔrɔ gə́ ta̰ lé kəmee gə́ kédé ya, Ndá d’a kɔm sí mee kəi-kaar-kɔgərɔje’g. Njesigənea̰ ɓa pa bèe.

Amɔs 4:3 ပူးပေါင်းရင်းမြစ်များ

2 Mbaije 25:4

Bèe ɓa deḛ mbudu kəm ndògo-bɔrɔ gə́ gugu dɔ ɓee-boo lé ndá mbai gə njérɔje d’ḭ til’g teḛ gə rəw gə́ aw teḛ tarəw ɓee gə́ to mbuna ndògo-bɔrɔje gə́ joo gə́ to mbɔr loo-kamnaḭ’g lə mbai lé, loo gə́ Kaldeje d’aḭ dɔ ɓee-boo sub lé. Njékaḭje neelé d’aḭ gə rəw gə́ ndag-mbo’g.

2 Mbaije 7:15

Deḛ d’un dɔ gɔl dee saar teḛ baa gə́ Jurdɛ̰ ndá aa ooje, dan rəwje lai neelé kubuje gə́ njé gə́ Siri d’ula d’ɔm naŋg loo gə́ deḛ buŋga na̰ d’aḭ lé taa loo keneŋ pəl-pəl. Njékulaje lé tel ree d’ula mbai sorta néje neelé tɔ.

Esai 2:20

Mee ndəa’g neelé dəwje d’a kɔm magə-poleje lə dee gə́ deḛ ra dee gə larnda gə larlɔr gə mba kwa dee meḛ dee’g lé kar sḭsḭje gə dooje,

Esai 31:7

Mee ndəa gən lé nana kara a kuba goo magəje ləa gə́ ra dee gə larnda əsé larlɔr gə́ to né gə́ seḭ raje gə ji sí gə́ to néra némajelje lé kya̰ dee.

Jeremi 52:7

Yen ŋga njérɔje gə́ Babilɔn tɔs ndògo-bɔrɔ lə ɓee-boo mbudu. Ndá njérɔje lai d’unda loo mee ɓee-boo’g loondul’g teḛ d’aḭ gə tarəw gə́ to mbuna ndògo-bɔrɔje gə́ joo mbɔr loo-ndɔ’g lə mbai, loo gə́ Kaldeje d’aḭ dɔ ɓee-boo sub gə rɔ lé. Njékaḭje d’aḭ gə rəw gə́ aw ndag-loo’g.

Ejekel 12:12

Mbai gə́ njekaa dɔ dəb ɓeeko̰ gə́ si dan dee’g lé a kila nékodo ləa dɔ bagee’g gə loo gə́ to piro-piro ndá a kaw, d’a kɔs kəm ndògo-bɔrɔ mbudu mba karee teḛ raga aw, yeḛ a ko̰ kəmee gə né mba kar kəmee oo naŋg el.

Ejekel 12:5

M’a kɔs kəm ndògo-bɔrɔ kəm dee’g ya mbudu teḛ ne gə néje ləm gə́ raga.

Amɔs 6:7

Gelee gə́ nee ɓa, d’a kwa dee gə́ ɓər Kaw sə dee kédé no̰ mar deeje’g Ndá deḛ gə́ d’ya̰ rɔ dee yag dan mal néje gə́ ka̰ darɔ’g lé Ndu kii rɔlel lə dee a gaŋg ŋgəji.

Soponi 1:18

Larnda lə dee əsé larlɔr lə dee kara D’a kaskəm taa ne dɔ rɔ dee mee ndɔ oŋg-boo’g lə Njesigənea̰ lé el, Pər boo-oŋg ləa a roo ɓeeje lai dula-dula, Mbata yeḛ a tuji dəwje lai Gə́ d’isi mee ɓee’g neelé pugudu-pugudu gə́ léegəneeya.

Matiyo 16:26

Lé dəw a kiŋga nékiŋgaje gə́ dɔ naŋg nee lai ya nɛ kankəmrea igi yɔm ndá see nékiŋga ɓa nee wa. Esé see ɗi ɓa dəw neelé a kun kuga ne kankəmrea taa wa.

Njéga̰g-Rəwtaje 5:17

Galaadje gə́ d’isi kel tura-baa gə́ Jurdɛ̰ gə́ nu lé D’uba loo-si dee d’ya̰ el. See gelee ban ɓa Danje d’isi ne meḛ batoje’g ɓəi wa. Aserje kara d’isi dɔ koŋgo baa-boo-kad’g, Deḛ d’wa rɔ dee kəmkaije’g lə dee.