Amɔs 4:13 - Maktub gə́ To gə Kəmee

¹³ Mbata aa ooje, yeḛ gə́ to njera mbalje ləm, Gə njekunda lel ləm, Yeḛ gə́ riba dɔ takə̰ji ləa ar dəw gər ləm, Yeḛ gə́ ar loo gə́ kàr uba lé Tel to loondul ləma, Yeḛ gə́ njaa sém looje’d gə́ tar lə naŋg nee ləm tɔ lé Ria ɓa to Njesigənea̰, Ala gə́ njeboo-néje ya.

Amɔs 4:13 ပူးပေါင်းရင်းမြစ်များ

Maktub gə́ wɔji dɔ Jɔb 9:7

Yeḛ ɔg kàr loo teḛ ndá y ee teḛ el ləm, Yeḛ udu ta kéréméje ɔg dee ne loo ndogo ləm tɔ.

Pakɔsje 135:7

Yeḛ ar kil-lə ndi ḭ gwɔi naŋg’g aw tar ləm, Yeḛ ar ndi tel gə ndi ər ləma, Yeḛ ɔr lel dan nébaoje’g ləa aree ula ləm tɔ.

Pakɔsje 139:2

I oo loo kisi naŋg ləm ləm, gə loo kḭ tar ləm ləm tɔ, Takə̰ji ləm gə́ nai əw ɓəi lé i oo gao ya.

Pakɔsje 147:18

Yeḛ ula gə ta ləa ndá kwɔji lé léḛ sələlə ləm, Yeḛ ar lel ləa ula ndá manje d’ula ne ləm tɔ.

Pakɔsje 65:6

Néraije gə́ dum koo lé I ila sí ne keneŋ gə goo meemaji ləi, I Ala gə́ njekaji sí lé Dəwje lai gə́ d’isi əw rudu naŋg’d ləm, Gə deḛ gə́ d’isi dɔgoré-looje’g dan baa-boo-kad’g lé ləm tɔ D’unda meḛ dee yel gə́ dɔi’g ya.

Teḛ-Raga 10:22

Moyis ula jia par gə́ dara, ndá loo ndul njudu-njudu dɔ ɓee gə́ Ejiptə’g as ndɔ munda.

Teḛ-Raga 14:20

Mum lé aar loo gə́ dana mbuna njé gə́ Ejiptə’g ləm, gə Israɛlje’g ləm tɔ. Mum neelé debee gə́ kára to loondul nɛ debee gə́ raŋg ndogó loondul’g tɔ. Togə́bè ɓa mee tilee’g neelé kudu dəwje gə́ joo neelé tibi mbɔr na̰ el.

Esai 40:12

See na̰ ɓa wɔji manje gə ŋgo jia wa. See na̰ ɓa wɔji tad lə dara gə dabla jia wa. See na̰ ɓa odo nduji naŋg mee nékwɔji-né Gə́ kaiyee loo munda kun təa kára wa. See na̰ ɓa wɔji kwɔi lə mbalje gə nékwɔjee wa. See na̰ ɓa wɔji kwɔi lə dɔdərlooje gə nékwɔjee wa.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Esai 47:4

Njekoga dɔ síjeḛ lé To yeḛ gə́ ria lə Njesigənea̰ gə́ njeboo-néje, Yeḛ to Njerɔkunda lə Israɛlje.

Esai 48:2

Mbata deḛ d’unda ri ɓee-boo gə́ to gə kəmee dɔ dee’g ləm, Deḛ nduna rɔ dee rɔ Ala lə Israɛlje’d Gə́ ria lə Njesigənea̰ gə́ njeboo-néje ləm tɔ.

Esai 5:30

Mee ndəa’g neelé ndu a ɓar mbɔree’g koma̰ ne səa To gə́ ndi gə́ ree gə lel-boo dan baa-boo’g bèe, Loo gə́ dəw aa dɔ naŋg ndá A koo loo lai ndul njudu-njudu Kar néurti gə némeekundayel ɓa D’a taa tor na̰ Ndá mum gə́ ndul njudu-njudu ɓa A taa loo mee dara’g pəl-pəl ya.

Jeremi 10:13

Loo gə́ ndia ɓar ndá Manje mbo̰ na̰ mee dara’g ləm, Yeḛ ar kil-lə-ndi ḭ rudu naŋg’d ləm, Yeḛ ar ndi tel ləm, gə ər ləma, Yeḛ ar lel ḭ loo-ŋgəm’g ula ləm tɔ.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 13:16

Ulaje rɔnduba dɔ Njesigənea̰, Ala’g lə sí Kédé ɓa gə mba karee ar loondul teḛ ɓəi ləm, Kédé ɓa gə mba kar sí tugaje gɔl sí mbalje gə́ loondul dəb dɔ dee’g ləm tɔ, Seḭ ŋginaje lookàr, Nɛ yeḛ telee gə́ loondul ləm, Yeḛ aree tel to loondul gə́ ndul njudu-njudu ləm tɔ.

Jeremi 46:18

Ma m’to njesikəmba! Mbai gə́ ria lə Njesigənea̰ lé pa bèe. To gə́ Tabɔr gə́ mbuna mbalje’g bèe ləm, To gə́ Karmel gə́ to ta baa-boo-kad’g ləm tɔ lé Yeḛ a gə ree ya.

Jeremi 51:16

Loo gə́ yeḛ pata ndá Kaa mán ɓar dará ləm, Yeḛ ar kil-lə-ndi ḭ rudu naŋg’d ləm, Yeḛ ar ndi tèl ləm, gə ər ləma, Yeḛ ar lel ḭ loo-ŋgəm’g ula ləm tɔ.

Jeremi 51:19

Ala gə́ to ka̰ Jakob lé To to gə́ deḛ bèe el, Mbata yeḛ nja to njera néje lai ləm, Israɛlje to ginkoji gə́ to nédɔji ləa ləm tɔ. Njesigənea̰ gə́ njeboo-néje ɓa gə́ ria.

Loo gə́ killa rea kəm Daniel’g 2:28

Nɛ Ala gə́ si dan dara’g lé ɓa riba dɔ néje gə́ to loo-kiya’g ndá yeḛ nja ɓa ari-i Nebukadnesar, mbai lé oo né gə́ a gə teḛ meḛ ndɔje gə́ d’a gə ree ɓəi. Aa oo, ni ləi gə némḭdije gə́ i oo dee dɔ tira-toi’g lé ɓa nee:

Loo gə́ killa rea kəm Daniel’g 2:30

Ɓó lé né gə́ to loo-kiya’g neelé inja kəm’g ndá to mbata kəmkàr ləm-ma uru dɔ kəmkàr lə dəwje lai gə́ d’isi kəmba lé el, nɛ to mba kari-i mbai oo ginee ləm, gə mba kari-i gər takə̰jije gə́ to məəi’g ləm tɔ.

Ojee 12:6

Njesigənea̰ to Ala gə́ njeboo-néje, Ria to Njesigənea̰ ya.

Joɛl 2:2

To ndɔ ka̰ loo gə́ ndul njudu-njudu Gə loo gə́ dəb bigim ləm, To ndɔ gə́ mum a koso ləm Ndi a kḭ loḭ-loḭ ləm tɔ. Yee ree asəna gə kàr gə́ uba kuji’d Gə́ ar loo àr dɔ mbalje’g bèe. Aa ooje, ginkoji dəwje gə́ bula digi-digi Gə́ to njésiŋgamoŋje Gə́ dəw oo gar dee kédé el ləm, D’a koo gar dee gə́ togə́bè gogo nda̰ el ləm tɔ.

Amɔs 3:13

Urje mbi sí ooje ndá Ɔrje goo ta nee arje ŋgaka Jakob, Mbaidɔmbaije gə́ Njesigənea̰ Ala gə́ njeboo-néje ɓa pa bèe.

Amɔs 5:27

Bèe ndá n’a kwa sí kɔm sí ɓee-ɓər’g gir loo gə́ Damas, Njesigənea̰ ɓa pa bèe, Yeḛ gə́ ria lə Ala gə́ njeboo-néje lé ya.

Amɔs 5:8

Yeḛ lé ra kéréméje Gə́ ɓar dee Ŋgama̰dje-gə́-siri gə Bisi-tɔb-talje ləm, Yeḛ ar loo gə́ ndul njudu-njudu lé Tel to loo gə́ a gə kàr ləm, Yeḛ ar lookàr lé kara tel to loondul ləma, Yeḛ ɓar manje mee baa-boo-kad’g Ar dee d’ər dɔ naŋg nee ləm tɔ lé Ria lə Njesigənea̰ ya.

Amɔs 6:8

Mbaidɔmbaije gə́ Njesigənea̰ lé Maa̰ rəa gə ria-yeḛ nja, Njesigənea̰, Ala gə́ njeboo-néje lé ɓa pa bèe pana: Beelé lə Jakob lé to kḛji kəm neḛ’g ləm, Kəi-mbaije ləa kara neḛ n’ə̰ji bəḭ-bəḭ ləm tɔ, Togə́bè ɓa n’a kila ɓee neelé Gə néje lai gə́ to keneŋ lé ji njéba̰je’g lə dee tɔ.

Amɔs 8:9

Mbaidɔmbaije gə́ Njesigənea̰ pa pana: Mee ndəa’g neelé n’a kar kàr Gə́ aar daŋdɔ bèe ya andə ləm, Dan kàrá kara n’a kar dɔ naŋg ndul ndiŋ-ndiŋ ləm tɔ.

Amɔs 9:6

Yeḛ ra loo-siée mee dara’g ndá Yeḛ tum ginee aree ree njal uru naŋg jigi, Yeḛ ɓar manje mee baa-boo-kad’g Ar dee d’ər dɔ naŋg nee ya tɔ. Njesigənea̰ ɓa gə́ ria.

Misee 1:3

Mbata aa ooje, Njesigənea̰ ḭ loo-siée’g to tar sab lé Ree njaa sém looje gə́ tar’g lə dɔ naŋg nee.

Habakuk 3:19

Njesigənea̰, Mbaidɔmbaije to siŋgam, Yeḛ ar gɔlm wɔilɔ pélé-pélé to gə́ ka̰ arkasje bèe ləm, Yeḛ am m’njaa dɔ looje’g ləm gə́ to tar sab ləm tɔ. Pa neelé to mee maktub pa’g lə bao-pa. Deḛ d’ɔs gə kṵdu-ko̰dè ya.

Jakari 12:1

Ndərta gə́ Njesigənea̰ pa wɔji ne dɔ Israɛl. Njesigənea̰ gə́ to njenaji dara ləm, Gə njetum gel naŋg nee ləma, Gə njera ndil dəw gə́ to mée’g ləm tɔ lé pa togə́bè pana:

Matiyo 9:4

Jeju gər takə̰ji lə dee gao ndá yeḛ dəji dee pana: See ban ɓa seḭ ə̰jije ta gə́ yèr meḛ sí’g, ɔmje dɔm’g wa.

Tagə́maji gə́ Ja̰ ndang 2:25

Yeḛ aw ndòo njekɔrgoota lə dəw kára kara el, mbata yeḛ nja gər né gə́ to meḛ dəwje’g gao.

Tagə́maji gə́ Ja̰ ndang 3:8

Lel ula gə loo-loo to gə́ mée wɔji ndá keaa gə́ ɓar ɓa i oo, nɛ i gər loo kḭyee əsé loo-kabee el. Dəw gə́ ndil ojee lé kara kea̰ to togə́bè tɔ.

Tel tura Godndu 32:13

Yeḛ aw sə dee dɔ sém loo’g Gə́ duu dɔ ɓee ndá, Israɛlje d’ul rɔ dee rəa’g Gə kandə néje gə́ mee ndɔje’g Yeḛ ar dee ubu tə̰ji Gə́ unda kaar mbal’g ləm Yeḛ ar ubu teḛ mee kɔr mbal’d Gə́ kədərə kaw-kaw ləm

Tel tura Godndu 33:29

Israɛlje d’isi dan rɔlel’g! See na̰ ɓa to tana sə sí wa. Seḭ toje koso-dəwje gə́ Njesigənea̰ aji dee ləm, Yeḛ to dər gə́ la sə sí ləm, Gə kiambas gə́ to baŋga lə sí ləm tɔ. Njéba̰je lə sí d’a kunda barmba no̰ sí’g Ndá seḭ a tubaje dɔ looje lə dee gə́ d’ḭta lé gə gɔl sí tɔ.