Amɔs 4:11 - Maktub gə́ To gə Kəmee

¹¹ Neḛ m’ɓugu sí naŋg To gə́ neḛ tuji ne Sɔdɔm gə Gɔmɔr kédé bèe tɔ, Seḭ toje asjena gə dɔdum kag gə́ d’ɔree ta pər’d bèe. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Amɔs 4:11 ပူးပေါင်းရင်းမြစ်များ

Esai 13:19

Babilɔn, i gə́ to nérɔnduba lə ɓeeko̰je ləm, Gə né rɔndɔḭ lə Kaldeje ləm tɔ lé I a tel to kasəna gə Sɔdɔm gə Gɔmɔr Gə́ Ala tuji dee lé.

Esai 7:4

Maji kari ulá pana: Məəi dɔ rɔi’g ɓó ɓəl ləm, ar kaari ndəb no̰ oŋg’d lə Resin gə Aramje gə no̰ ŋgolə Remalia’g el ləm tɔ. Deḛ lé to dɔdum kagje gə́ joo gə́ sa tuu keneŋ ba.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Jeremi 23:14

Nɛ mbuna njéteggintaje gə́ Jerusalem lé Neḛ n’oo néje gə́ to kḛji Gə́ to ɓəl kədm-kədm. Deḛ to njémɔdkaiyaje ləm, Deḛ njaa gə taŋgɔm ɓa ta dee’g ləm tɔ. Deḛ d’ula diŋgam meḛ njéra némajelje’g Gə mba kar dəw kára kara Uba goo meeyèr ləa ya̰ el. Neḛ n’oo deḛ lai asəna gə ɓee gə́ Sɔdɔm ləm, Neḛ n’oo njé gə́ Jerusalem kara Asəna gə ɓee gə́ Gɔmɔr ləm tɔ.

Jeremi 49:18

Njesigənea̰ pana: To gə́ Sɔdɔm gə Gɔmɔr gə ɓee-booje gə́ to gə́ boa ta dee’g tuji pugudu lé dəw kára kara a tel gɔlee kisi keneŋ el ŋga ləm, dəw kára kara a ra ɓee keneŋ el ŋga ləm tɔ.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 50:40

A to asəna gə Sɔdɔm gə Gɔmɔr Gə ɓee-booje gə́ gugu dɔ dee sub Gə́ Ala tuji dee pugudu lé. Njesigənea̰ ɓa pa bèe. Dəw kára kara a si keneŋ Gɔgo el ŋga ləm, Dəw a ra ɓee keneŋ nda̰ el ləm tɔ.

Ejekel 24:13

Kaiya ɓa to dan né gə́ mina̰ jɔmri-jɔmri’g ləi mbata neḛ ndiŋga rɔ neḛ mba kɔr né gə́ mina̰ jɔmri-jɔmri lé rɔi’g nɛ i tel àr ne el, i a kàr el ŋga saar n’a kar boo-oŋg lə neḛ aw ne lée’g béréré dɔi’g.

Ojee 11:5

D’a tel kaw mee ɓee gə́ Ejiptə el, Nɛ dəw gə́ Asiri ɓa a to mbai lə dee Mbata deḛ mbad kɔs badm tel ree rɔ neḛ’g.

Ojee 11:8

See ɗi ɓa m’a ra sə sí-seḭ Eprayimje wa. Ǝi Israɛlje! See m’a kuba sí kya̰ sí ji dee’g wa. See m’a ra sə sí to gə́ m’ra ne gə deḛ gə́ d’isi mee ɓee gə́ Adma wa. See m’a kar sí toje asjena gə ɓee gə́ Seboyim wa. Meem tila ŋgaḭla-ŋgaḭla ləm, Meem aw taḭ-taḭ ləm tɔ.

Amɔs 4:6

Neḛ lé n’ar ɓoo-boo oso dɔ ɓee-booje’g lə sí lai ləm, N’ar nésɔ lal sí loo-si síje’g lai ləm tɔ. Nɛ lé to togə́bè kara Seḭ tel reeje rɔ neḛ’g el. Njesigənea̰ ɓa pa bèe.

Ajee 2:17

Neḛ n’ar rɔko̰ rɔ-kwa-moro ɗugugu-ɗugugu ləm, gə mia̰je ləma, gə ndi-kwɔji ləm tɔ tuji kó lə sí. Neḛ n’tuji kulaje lai gə́ seḭ raje gə ji sí tɔ. Nɛ lé bèe kara seḭ tel reeje rɔ neḛ Njesigənea̰’g el ya ɓəi.

Jakari 3:2

Njesigənea̰ ula Njekurai pana: Njekurai, maji kar Njesigənea̰ ila ta dɔi’g. Maji kar Njesigənea̰ yeḛ gə́ njekɔr Jerusalem kundá gə kəmee lé ila ta dɔi’g ya. See dəw neelé to asəna gə dɔdum kag gə́ d’ɔree ta pər’g el wa.

Njé gə́ Rɔmə 9:29

To gə́ Esai pa taree kédé pana: Ɓó lé Mbaidɔmbaije gə́ njeboo-néje gə́ dara ya̰ kó ginka sí gə́ nai jebəre el Ndá kàr bèe nḛ lé jeḛ n’tel j’asəna gə njé gə́ Sɔdɔm ləm, Jeḛ n’tel n’to tana gə njé gə́ Gɔmɔr ləm tɔ.

1 Njé gə́ Kɔrḭtə 3:15

Lée pər o̰ kula ra dəw neelé ndá nai njḛ, darəa ɓa a kaji ya nɛ d’a kée asəna gə dəw gə́ teḛ kəm pər’g pəd-pəd bèe.

Tel tura Godndu 28:24

Njesigənea̰ a kula gə bu gə kor tor ndi’g mee ɓee’g lə sí, d’a kḭ dara kər dɔ sí’g saar kar sí tujije ne.

Tel tura Godndu 29:23

ginkoji dəwje gə raŋg lai d’a pana: See gelee ban ɓa Njesigənea̰ ra ne né gə́ togə́bè gə ɓee nee wa. See gelee ban ɓa boo-oŋg gə́ taa pər togə́bè nee teḛ ne wa.

2 Piɛrə 2:6

ɓó lé Ala ila tuji dɔ Sɔdɔm gə Gɔmɔr ar dee tel ne bu pər gə́ nétɔji dəwje gə́ néra dee a kaw gə goo ka̰ Ala el,

Jude 1:23

njé gə́ raŋg lé wa deeje dan pər’g wɔgədɔ aji deeje ləma, deḛ gə́ raŋg ya ɓəi kara maji koo kəmtondoo lə dee ya ləm tɔ nɛ arje meḛ sí aar dɔ dee’g kərm ɓəi, won kaiya gə́ nai kubu’g lə dee lé kara ə̰jije bəḭ-bəḭ ya.

Jude 1:7

Tɔɓəi Sɔdɔm gə Gɔmɔr gə ɓeeje gə́ gugu dɔ deḛ gə́ d’ula rɔ dee dan kaiya’g d’ar mal néje gə́ mina̰ ula pər meḛ dee’g lé deḛje neelé bo̰ néra dee ɔs ta dee’g dan pər gə́ o̰ bilim-bilim gə́ to gə no̰. Ala unda dee no̰ sí’g unda rɔ dee ar sí j’oo, wɔji ne pia gə́ a gə ra sə sí lé ya tɔ kən.

Loo gə́ killa rea kəm Ja̰’g 9:20

Dəb dəwje gə́ loo-joo gə́ nai gə́ d’wəi yoo-boo-oŋg gə́ kudu munda nee el lé d’ya̰ goo néra dee gə́ deḛ ra gə ji dee el. Deḛ d’əw rɔ dee kwa ndilje gə́ majel meḛ dee’g el ləm, d’əw rɔ dee kunda barmba no̰ magəje gə́ deḛ ra gə larlɔr gə larnda gə larkas gə mbal el ləm tɔ nɛ magəje neelé d’askəm koo loo gə kəm dee el ləm, d’askəm koo ta gə mbi dee el ləma, loo njaa lə dee kara godo ləm tɔ.