Amɔs 4:10 - Maktub gə́ To gə Kəmee

¹⁰ Neḛ n’ula gə yoo-ndag, Karee yee gə́ tuji ɓee gə́ Ejiptə kédé dɔ ɓee’g lə sí, Neḛ n’tɔl ŋgan síje gə́ basa gə kiambas ləm N’ar dee t’wa kundaje lə sí ləm tɔ. Neḛ n’ar baḭ néje gə́ ndum loo-si sí’g lé Uru rəw əm sí’g ya. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Amɔs 4:10 ပူးပေါင်းရင်းမြစ်များ

2 Mbaije 10:32

Mee ndəa gən lé Njesigənea̰ ar dɔ naŋg lə Israɛlje un kudu rəm ndá Ajael rɔ sə dee dɔ rəw-nim-ɓee gə́ Israɛl’g lai ya.

2 Mbaije 13:3

Bèe ɓa oŋg lə Njesigənea̰ ḭ ne səa pu dɔ Israɛlje’g ndá yeḛ uba dee ya̰ dee ne ji Ajael, mbai gə́ Siri’g ləm, gə ji Ben-Adad, ŋgolə Ajael’g ləm tɔ gə mee ndəaje lai gə́ mbaije neelé d’isi ne kəmba lé.

2 Mbaije 13:7

Ɓai dəwje lə Joakas gə́ Njesigənea̰ ya̰ dee aree ɓa nee: Njérɔ gə kundaje rɔ-mi ba, gə pusu-rɔje dɔg, gə dəwje gə́ to goŋ-rɔje tɔl-dɔg-loo-dɔg (10.000) tɔ, mbata mbai gə́ Siri tuji dee ar dee to d’asəna gə babur gə́ deḛ tuba naŋg gə gɔl dee bèe ya.

2 Mbaije 8:12

Ajael dəjee pana: See gelee ban ɓa mbai ləm no̰ ne wa. Ndá Elije tel ilá keneŋ pana: Mbata ma m’gər némajel gə́ i a gə ra gə Israɛlje lé: i a gə kila pər dɔ ɓee-booje’g lə dee gə́ siŋga dee to kɔgərɔ-kɔgərɔ ləm, i a gə tɔl basaje lə dee gə kiambas ləm, i a gə rəd ŋgan deeje gə́ nai gɔ-gɔ naŋg ləma, i a gə ta̰ mee denéje lə dee gə́ d’aw gə kèm lé ləm tɔ.

Teḛ-Raga 10:27

Njesigənea̰ ar mee Parao̰ ndər ndá Parao̰ ndigi kya̰ dee kar dee d’aw el.

Teḛ-Raga 10:3

Moyis gə Aaro̰ d’aw rɔ Parao̰’g d’ulá pana: Njesigənea̰ gə́ to Ala lə Ǝbrəje lé pa togə́bè pana: See ndɔ gə́ ra ɓa i a kəw rɔi mbad koso kul no̰ neḛ’g lé wa. Ya̰ dəwje lə neḛ ar dee d’aw gə mba kar dee d’aw pole neḛ.

Teḛ-Raga 14:4

Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Teḛ-Raga 8:19

N’a kunda kəm dəwje lə neḛ ɓəd ləm, n’a kunda kəm dəwje ləi ɓəd ləm tɔ. Nétɔji neelé a teḛ bèlè ya.

Teḛ-Raga 9:12

Njesigənea̰ ar mee Parao̰ ndər gə́ kédé-kédé, ndá Parao̰ udu mbia dɔ ta’g lə Moyis gə Aaro̰, gə goo ta gə́ Njesigənea̰ pa ar Moyis kédé lé.

Teḛ-Raga 9:17

Ɓó lé i ḭ gə dəwje lə neḛ gɔl kára ɓəi ləm, əsé ɓó lé i ya̰ dee ar dee d’aw el ləm tɔ ndá,

Esai 34:3

D’odo yoo dee d’ɔm dɔ na̰’d rib-rib ləm, Nin dee ə̰də mbo̰ ləma, Məs dee kara ula dɔ mbal’g ləm tɔ.

Esai 50:11

Aa ooje, seḭ lai gə́ ulaje pər, Seḭ gə́ nérɔje lə sí to gə́ ndo̰ niŋga pər lé Aw njaaje gə goo kṵji pərje lə sí Gə ndo̰ niŋga pərje lə sí gə́ o̰ bilim-bilim lé! Gə goo jim-ma ɓa néje lai neelé D’a teḛ ne dɔ sí’g ləm, Seḭ a toje ne dan némeeko̰’g ləm tɔ.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Esai 9:13

Bèe ɓa, mee ndɔ gə́ kára ba ya Njesigənea̰ a gaŋg dɔ Israɛlje gə ɓoŋ dee ləm, A gaŋg barkəm kag-tumbur gə twatɔg ləm tɔ.

Esai 9:17

Mbata némeeyèrje lé o̰ loo to gə́ pər Gə́ roo kun-pɔrɔrɔje gə kunje bèe, Yee taa mee kag-kɔr gə́ ndər lé Ar sa pər uba keneŋ ŋgɔg-ŋgɔg.

Jeremi 11:22

Gelee gə́ nee ɓa Njesigənea̰ gə́ njeboo-néje lé pa ne pana: Aa oo, m’a gə kar bo̰ néra dee ɔs ta dee’g ya. Basaje d’a kwəi yoo-kiambas ləm, ŋgan deeje gə́ diŋgam gə njé gə́ dené d’a kwəi yoo ɓoo-boo ləm tɔ.

Jeremi 15:3

Njesigənea̰ pana: N’a kula gə nétujije ɓəd-ɓəd as sɔ dɔ dee’g (kiambas mba tɔl dee ne ləm, bisije mba ndɔr dee naŋg kaw sə dee əw ləma, gə yelje gə daje gə́ wala gə mba sɔ dee kar dee godo ləm tɔ).

Jeremi 16:4

D’a kwəi yoo rɔko̰, ndá d’a no̰ dee el ləm, d’a dubu dee el ləm tɔ, d’a tel to asəna gə siḭ néje dɔ naŋg’d ləm, d’a kwəi yoo-kiambas gə yoo ɓoo-boo ləm tɔ ndá nin dee a tel to nésɔ lə yelje gə daje gə́ dɔ naŋg nee.

Jeremi 18:21

Gelee gə́ nee ɓa Ar ɓoo-boo o̰ ŋgan deeje ləm, Ɔs dee ɓugu dee ta kiambas’g ləm tɔ, Ar denéje lə dee d’isi lal ŋganje ləm, Tel to njékəisiŋgaje ləm, Ar yoo-koso tɔl ŋgaw deeje ləma, Ar basaje lə dee kara D’wəi yoo-kiambas loo-rɔ’g ləm tɔ.

Jeremi 48:15

Moab tuji pugudu, Sa uba dɔ ɓee-booje’g ləa ŋgɔg-ŋgɔg ləm, Basaje ləa gə́ maji d’unda mar deeje lé Tḭja gwɔs dee ləm tɔ. Mbai gə́ ria lə Njesigənea̰ lə bao-roje ɓa pa bèe.

Jeremi 49:26

Gelee gə́ nee ɓa basaje ləa d’a kwəi mba̰-rəwje’g ləm, njérɔje ləa lai d’a kwəi mee ndəa’g nee ləm tɔ. Njesigənea̰ gə́ njeboo-néje ɓa pa bèe.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 6:11

Oŋg-boo lə Njesigənea̰ Rusu məəm njḭ-njḭ. M’askəm kwa ŋgaŋgee el, Maji kari ɓugu oŋg neelé dɔ ŋganje’d Gə́ d’aw mba̰-rəw’g ləm, Gə dɔ basaje gə́ mbo̰ dɔ na̰ ləm tɔ. Mbata oŋg neelé a kwa diŋgamje Gə denéje ləm, Dɔ ɓugaje gə dɔ dee Gə́ ləb dee bula ləm tɔ.

Jeremi 9:22

Njesigənea̰ pa togə́bè pana: Maji kar njekəmkàr ɔs gaji rəa dɔ kəmkàr’g ləa el ləm, Maji kar njesiŋgamoŋ ɔs gaji rəa dɔ siŋgamoŋ’d ləa el ləma, Maji kar bao ɔs gaji rəa dɔ nébao’g ləa el ləm tɔ.

Ojee 11:5

D’a tel kaw mee ɓee gə́ Ejiptə el, Nɛ dəw gə́ Asiri ɓa a to mbai lə dee Mbata deḛ mbad kɔs badm tel ree rɔ neḛ’g.

Joɛl 2:20

M’a kɔs njéba̰je lə sí gə́ par gə́ dɔgel lé rəw no̰ sí’g ləm, M’a tuba dee par gə́ dɔdilaloo’d Gə́ tudu kurum-kurum ləm Kar deḛ gə́ njékɔrno̰ deeje D’oso dan baa-boo-kad’g par gə́ bər ləma, Kar njékaa goo deeje D’a koso dan baa-boo-kad’g par gə́ dɔ-gó ləm tɔ. D’a ndum kar nin dee ə̰də mbo̰ ləm, Ndum dee a kḭ kaar tar dan lel’g ləm tɔ Mbata deḛ ra sə sí némajelje gə́ boo.

Ləbije 26:16

aa ooje, né gə́ m’a gə ra sə sí ɓa nee: M’a kula gə néɓəlje, gə rɔko̰ gə́ sɔ siŋga dəw, gə rɔnuŋga dɔ sí’g ndá kəm sí a to ne ndòo ləm, seḭ a síje dan némeeko̰’g ləm tɔ, seḭ a dubuje né ya nɛ a kiŋgaje née el mbata njéba̰je lə sí d’a sɔ lai.

Ləbije 26:25

M’a kar dee ree rɔ sə sí gə kiambas mba dal ne ba̰ manrɔ ləm gə́ ma man ne rɔm m’ar sí lé, loo gə́ seḭ a mbo̰je dɔ na̰ mee ɓee-booje’g lə sí ndá m’a kula gə yoo-koso mbuna sí’g, tɔɓəi m’a kya̰ sí ji njéba̰je’g lə sí tɔ.

Amɔs 4:6

Neḛ lé n’ar ɓoo-boo oso dɔ ɓee-booje’g lə sí lai ləm, N’ar nésɔ lal sí loo-si síje’g lai ləm tɔ. Nɛ lé to togə́bè kara Seḭ tel reeje rɔ neḛ’g el. Njesigənea̰ ɓa pa bèe.

Amɔs 8:3

Mee ndəa gə́ neelé ndu pa gə́ mee kəi’g lə mbai lé A tel to gə́ ndu no̰ gə kii, Mbaidɔmbaije gə́ Njesigənea̰ ɓa pa bèe, D’a kodo nin dəwje bula yaa̰ Kɔm gə looje lai, Kar kaa mbi loo pa doi-doi.

Ajee 2:17

Neḛ n’ar rɔko̰ rɔ-kwa-moro ɗugugu-ɗugugu ləm, gə mia̰je ləma, gə ndi-kwɔji ləm tɔ tuji kó lə sí. Neḛ n’tuji kulaje lai gə́ seḭ raje gə ji sí tɔ. Nɛ lé bèe kara seḭ tel reeje rɔ neḛ Njesigənea̰’g el ya ɓəi.

Tel tura Godndu 28:21

Njesigənea̰ a kar yoo-koso reḛ́ dɔ sí’g saar gə mba karee tuji sí mee ɓee gə́ seḭ a kawje kaw taaje gə́ né ka̰ sí lé.

Tel tura Godndu 28:22

Njesigənea̰ a kunda sí gə rɔko̰ rɔnuŋga gə́ kaar ləm, gə rɔko̰ néti ləm, gə rɔko̰ loo-nuŋga gə́ yolé loo to gə́ pər bèe ləm, gə rɔtudu kurum-kurum ləm, gə kəmkas ləma, gə rɔko̰ gə́ a kar sí eŋje ne kəŋ-kəŋ ləm tɔ ndá d’a ndolè goo sí saar kar sí uduje ne guduru.

Tel tura Godndu 28:60

Yeḛ a kɔs rɔko̰je lai gə́ Ejiptə gə́ seḭ ndəbje pəd-pəd no̰ dee’g lé kɔm dee dɔ sí’g ndá d’a kɔr dɔ sí’g el.

Tel tura Godndu 7:15

Njesigənea̰ a kɔs rɔko̰je gə́ gə ria-ria rəw rɔ sí’d gə́ raŋg, yeḛ a kar rɔko̰ kára kara mbuna rɔko̰je’g majel gə́ Ejiptə gə́ seḭ gər deeje lé ra sí el, nɛ yeḛ a kar dee tuji deḛje lai gə́ d’ə̰ji sí bəḭ-bəḭ lé ɓa.