Amɔs 3:8 - Maktub gə́ To gə Kəmee

⁸ Toboḭ no̰ ndá see na̰ ɓa a ɓəl el wa. Mbaidɔmbaije gə́ Njesigənea̰ ɓa pata Ndá see na̰ ɓa a lal tegginee wa.

Amɔs 3:8 ပူးပေါင်းရင်းမြစ်များ

Esai 21:10

Ǝi dəwje ləm gə́ deḛ tal sí naŋg To gə́ tal ne kandə kó loo-kunda-kó’g bèe lé Ta gə́ ma m’oo ta Njesigənea̰ gə́ njeboo-néje’g Gə́ to Ala lə Israɛlje lé ɓa M’ula sí taree ya.

Esai 31:4

Mbata Njesigənea̰ ulam ta togə́bè pana: To gə́ toboḭ əsé ŋgon toboḭ inja miḭ dɔ nékwa’g ləa lé Lé njékulbadje bula mbo̰ dɔ na̰ d’oma̰ səa kara Yee ɓəl dee gə goo ndu dee gə́ ɓar u-u-u el ləm, Ar rəa wəi njururu gə goo bula lə dee el ləm tɔ, Togə́bè Njesigənea̰ gə́ njeboo-néje kara a kḭ ree Mba rɔ dɔ mbal gə́ Sio̰ ləm, gə dɔdərloo gə́ wɔji dəa ləm tɔ.

Jeremi 20:9

Ɓó lé m’pa məəm’g pana: M’a pata ləa el ŋga ləm, M’a pata ləa gə ria el ŋga ləm tɔ ndá Ta ləa o̰ məəm to gə́ pər bèe Mbuna siŋgarɔmje’g. Ma m’wa rɔm kɔgərɔ Gə mba kudee məəm’g nɛ lé godo.

Jeremi 26:12

Nɛ Jeremi ula ŋgan-mbaije lai ləm, gə koso-dəwje lai ləm tɔ pana: Njesigənea̰ ulam mba karm m’teg gintaje ne lai gə́ seḭ ooje gə́ m’ila dɔ kəi’g neelé ləm, gə dɔ ɓee-boo’g neelé ləm tɔ.

Ejekel 29:21

Mee ndəa’g neelé n’a kar siŋga gel-bɔje lə Israɛl ḭ dɔ maree’g ləm, n’a kari teḛ tai pata dan dee’g ləm tɔ. Bèe ɓa d’a gər ne to gə́ neḛ n’to Njesigənea̰ lé ya.

Amɔs 1:2

Amɔs pana: Ndu Njesigənea̰ ɓar asəna gə ndu no̰ lə toboḭ bèe mee Sio̰’g ləm, Ndia gə́ ɓar Jerusalem kara Yeḛ ar dee d’oo ləm tɔ. Bèe ɓa mu ko̰ badje gə́ njékul deeje d’aar keneŋ lé To dan nékəmndoo’g ləm, Dɔ sém mbal gə́ Karmel kara Tudu kurum-kurum ləm tɔ.

Amɔs 2:12

Nɛ seḭ lé seḭ arje deḛ gə́ saŋg rɔ dee D’unda rɔ dee gə kəmee lé D’ai mán-nduú gə́ mi ləm, Seḭ unje ndu sí arje njéteggintaje pajena: Seḭ a tegje ginta el ləm tɔ!

Amɔs 3:4

See toboḭ a kinja miḭ mee kɔr’g Lal kwa né wa. Esé see ŋgon toboḭ lé A no̰ duu-loo tée’g Lal né gə́ wà wa.

Néra Njékaḭkulaje 4:20

Mbata jeḛ lé j’askəm kəw rɔ sí dɔ pata né gə́ jeḛ j’oo gə kəm sí gə mbi sí lé el.

Néra Njékaḭkulaje 5:20

Ɔdje awje mee kəi-Ala’g aw ɔrje goo ta lə si kəmba neelé arje koso-dəwje neelé d’oo sə sí.

Néra Njékaḭkulaje 5:29

Piɛrə gə njékaḭkulaje d’ila dee keneŋ pana: Lé riri kara kila koji dɔ Ala’g lé ɓa maji ur dɔ ka̰ dəwje’g.

1 Njé gə́ Kɔrḭtə 9:16

Tagə́maji gə́ m’ila mberee lé ma m’oo loo ti ne rɔm el. Tɔgərɔ ya, to né gə́ unm lad ilam keneŋ ya. Ɓó lé m’ila mber Tagə́maji lé el ndá némeeko̰ a nai dɔm’g.

Loo gə́ killa rea kəm Ja̰’g 5:5

Dəw kára gə́ si mbuna ŋgatɔgje’g ulam pana: Ǝw rɔi no̰. Aa oo, toboḭ gə́ ḭ ginka Juda, gə́ to barkəm Dabid lé yeḛ ɓa dum dɔ loo as kɔr nérḛdə ta maktub gə́ siri neelé ya.