Amɔs 3:7 - Maktub gə́ To gə Kəmee

⁷ Mbata Mbaidɔmbaije gə́ Njesigənea̰ lé ra né kára kara lal teggin nérea gə́ to loo-kiya’g lé kédé kar kuraje ləa gə́ to njéteggintaje lé el.

Amɔs 3:7 ပူးပေါင်းရင်းမြစ်များ

Gḭ-Néje 18:17

Tɔɓəi Njesigənea̰ pana: Né gə́ ma m’wɔji-kwɔji ra lé see m’a kiya dəa gə Abrakam wa.

Gḭ-Néje 6:13

Bèe ɓa Ala ula Noe pana: ndɔ gə́ rudu dəwje lai gə́ dɔ naŋg nee a gə kun ɗiao lé ma m’wɔji mba̰, mbata deḛ d’ar néra gə́ kərm-kərm taa loo dɔ naŋg nee pəl-pəl, aa oo, m’a kar dee tuji gə naŋg nee bura ya.

2 Mbaije 22:13

Maji kar sí awje, aw dəjije Njesigənea̰ mbata ləm ləm, mbata lə koso-dəwje ləma, gə mbata lə Judaje lai ləm tɔ wɔji ne dɔ gintaje nee gə́ to mee maktub gə́ d’iŋga lé, mbata oŋg lə Njesigənea̰ gə́ ḭ səa pu dɔ sí’g lé to oŋg gə́ boo ya mbata bɔ síje-je d’ila ŋgonkoji dɔ taje gə́ to mee maktub’g neelé el ləm, deḛ ra née gə́ kəm kar sí n’ra lé el ləm tɔ.

2 Mbaije 22:20

Gelee gə́ nee ɓa n’a kari wəi kar dee dubi mbɔr dɔɓar bɔbije’g gə meekulɔm gə mba kar kəmi oo nékəmndooje lai gə́ n’a gə kar dee ree dɔ loo gə́ nee’g lé el tɔ. Bèe ɓa deḛ tel gə ta lé d’aw d’ula ne mbai lé ya.

2 Mbaije 6:12

Kura ləa kára mbuna mareeje’g ilá keneŋ pana: Ǝi mbai ləm, dəw gə́ raŋg el! Nɛ Elije gə́ to njetegginta gə́ si Israɛl lé ɓa pata néje nee gə́ i pa taree mee kəi-toi’g lé ar mbai gə́ Israɛl ya.

Pakɔsje 25:14

Takə̰ji lə Njesigənea̰ gə́ to loo-kiya’g lé To mbata deḛ gə́ ɓəlee, Mba kar dee gər ne ta manrɔ ləa lé.

Esai 18:4

Mbata Njesigənea̰ ulam ta togə́bè pana: Neḛ n’isi lɔm loo-si neḛ’g N’aa loo n’oo To gə́ loonṵga lə lookàr gə́ ndɔḭ wər-wər lé ləm, To gə́ mum gə́ tàl aree oso naḭ kinja kó’g lé ləm tɔ.

Jeremi 23:22

Ɓó lé deḛ d’isi keneŋ D’oo takə̰ji lə neḛ ndá D’a kar taje lə neḛ Oso mbi koso-dəwje’g lə neḛ ləm, D’a kar dee d’ɔs badm tel Dɔ rəw-kawje’g lə dee gə́ majel ləma, Gə dɔ néra meeyèrje’g lə dee ləm tɔ.

Ejekel 29:21

Mee ndəa’g neelé n’a kar siŋga gel-bɔje lə Israɛl ḭ dɔ maree’g ləm, n’a kari teḛ tai pata dan dee’g ləm tɔ. Bèe ɓa d’a gər ne to gə́ neḛ n’to Njesigənea̰ lé ya.

Loo gə́ killa rea kəm Daniel’g 10:21

Nɛ ma m’ndigi kar kəmi inja dɔ taje gə́ ndaŋg mee maktub gə́ ka̰ kankəmta’g. Dəw kára kara la səm mba koma̰ ne sə dee-deḛ neelé el nɛ Mikaɛl, mbai lə sí lé ɓa.

Loo gə́ killa rea kəm Daniel’g 11:2

Ɓasinè m’a gə kar kəmi inja dɔ kankəmta’g ya. Aa oo, mbaije gə́ Persə munda d’a kḭ taa tor na̰ munda ya ɓəi. Yeḛ gə́ njekɔm dee’g sɔ lé a mbo̰ nébaoje kar dee d’ur dɔ ka̰ dee-deḛ lai. Loo gə́ mbɔl dɔ nébaoje ləa lé siŋgá a to ne yaa̰ ndá yeḛ a sula deḛ lai kar dee d’ɔm səa na̰’d mba rɔ ne gə ɓeeko̰ lə Grekje.

Loo gə́ killa rea kəm Daniel’g 2:47

Mbai lé un ta ula Daniel pana: Tɔgərɔ ya, Ala lə sí to magə gə́ ur dɔ magəje lai ləm, yeḛ to Mbai gə́ ur dɔ mbaije ləm tɔ. Yeḛ to njeriba dɔ néje gə́ to loo-kiya’g mbata i nja ɓa riba dɔ né gə́ to loo-kiya’g neelé gə́ raga.

Tagə́maji gə́ Ja̰ ndang 15:15

Ma m’ɓar sí kuraje ləm el mbata kura lé gər néra ɓéeje el. Nɛ ma m’ɓar sí baokuraje ləm mbata néje lai gə́ ma m’oo rɔ Bɔm’g lé ma m’riba dəa pərəg m’ar sí ya.

Loo gə́ killa rea kəm Ja̰’g 1:1

Jeju Kristi kila rəa gə́ raga. Yee ɓa Ala ra mba kar kuraje ləa d’oo ne néje gə́ a gə teḛ dəb. Yeḛ ula kura ləa gə́ dara mba kar kəm Ja̰ gə́ to kura ləa inja dɔ’g.

Loo gə́ killa rea kəm Ja̰’g 1:19

Bèe ndá né gə́ ma m’oo lé gə néje gə́ to gən, gə néje gə́ a ree goo dee’g ləm tɔ lé maji kam ndaŋg taree mee maktub’g ya.

Loo gə́ killa rea kəm Ja̰’g 10:7

Nɛ mee ndəa gə́ ndu kura gə́ dara gə́ njekɔm dee’g siri a ɓar lé ndɔ gə́ yeḛ a kim to̰to̰ ləa ndá ta lə Ala gə́ to gə ndəree lé a teḛ gə́ raga gə goo ta gə́ yeḛ ula kuraje ləa gə́ njéteggintaje lé.

Loo gə́ killa rea kəm Ja̰’g 4:1

Tɔɓəi m’aa loo gə́ tar gərərə ndá m’oo rəw-kəi gə́ dara teḛ. Ndu dəw gə́ m’oo kédé lé ndia gə́ ɓar asəna gə to̰to̰ bèe lé to̰ ne səm tam pana: Al gə́ tar nee m’a kari oo né gə́ a teḛ ndɔ gə́ a ree lé.

1 Samel 9:15

As ndɔ kára kédé ɓa kar Sawul ree ɓəi lé Njesigənea̰ ula Samel pana: