Amɔs 3:6 - Maktub gə́ To gə Kəmee

⁶ See d’a kim to̰to̰ karee ɓar mee ɓee-boo’g Lal kar dəwje d’unda bala wa. See nékəmndoo a teḛ dɔ ɓee-boo’g Lal kar Njesigənea̰ to njegelee wa.

Amɔs 3:6 ပူးပေါင်းရင်းမြစ်များ

Gḭ-Néje 50:20

Seḭ lé seḭ wɔjije-kwɔji raje səm majel. Nɛ Ala telee gə́ né gə́ maji mba karee to gin kaji lə dəwje bula to gə́ seḭ síje ne ɓogənè ya.

2 Mbaije 6:33

Yeḛ ar pata ar dee ya ɓəi ndá léegəneeya njekula lé ree rəa’g ulá pana: Aa oo, tuji neelé ḭ rɔ Njesigənea̰’g ŋga see ɗi tɔɓəi ɓa m’a kunda ne məəm yel dɔ Njesigənea̰’g gə mbəa ɓəi wa.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Jeremi 10:7

I gə́ to mbai dɔ ginkoji dəwje gə raŋg lé See na̰ ɓa a ɓəli el wa. I nja ɓa kəm kar dee ɓəli ya, Mbata mbuna njékəmkàrje’g Le ginkoji dəwje gə raŋg ləm, Gə mee ɓeeko̰je’g lə deḛ lai ləm tɔ lé Njetana səi godo.

Jeremi 4:19

Wurm ɓòo! Wurm ɓòo! Dɔ ɓəŋgərəm ndiri njigi-njigi, Dɔ ɓəŋgərəm unda bala, Loo kam m’isi lɔm godo. Mbata ma m’oo ndu to̰to̰ ləm, Gə ndu kò-rɔ ləm tɔ.

Jeremi 4:5

Ilaje mbər mee ɓee gə́ Juda ləm, Ulaje njé gə́ Jerusalem ləm tɔ pajena: Mbo̰je dɔ na̰ ar sí j’awje Mee ɓee-booje gə́ siŋga dee to!

Jeremi 5:22

Njesigənea̰ pana: See seḭ a ɓəlmje el wa. See seḭ a kundaje bala nɔm’g el wa. To ma ɓa m’ar nagəra To gə́ rəw-nim lə baa-boo-kad ləm, To rəw-nim gə́ to gə no̰ Gə́ mán askəm kunda gaŋg el ləm tɔ. Paŋəgm maneje tuga Nɛ siŋga dee as el ləm, Dee no̰ mbiao̰-mbiao̰ kara D’askəm təd koŋgee el ləm tɔ,

Jeremi 6:1

Seḭ Bḛjamije, undaje loo teḛje Mee ɓee gə́ Jerusalem. Imje to̰to̰ mee ɓee gə́ Tekoa ləm, Waje nékwɔji loo-rɔ tar mee ɓee Gə́ Bet-Hakerem ləm tɔ, Mbata némeeko̰ ḭ dɔgel si ree To nétuji gə́ boo.

Ejekel 33:3

ɓó lé dəw neelé oo deḛ gə́ d’isi ree gə kiambas dɔ ɓee’g ɓa im to̰to̰ ndəji ne koso-dəwje,

Ojee 5:8

Imje to̰to̰ mee ɓee gə́ Gibea ləm, Imje to̰to̰ mee ɓee gə́ Rama ləm tɔ! Urje kò-rɔ mee ɓee gə́ Bet-Aben’g! Seḭ Bḛjamije, tenje goo sí ooje!

Amɔs 3:5

See yel lé a kuba gum gə́ to naŋg Lal kar dee d’iya gum lé wa. See gum gə́ d’iya lé a kila Lal karee wa né wa.

Soponi 1:16

A to ndɔ gə́ bao-rɔje d’a kim to̰to̰ ləm, D’a kur kò-rɔ ləm tɔ Gə mba rɔ ne gə ɓee-booje gə́ siŋga dee to ləm, Gə kəi-kaar-kɔgərɔje gə́ duu dɔ loo ləm tɔ.

Jakari 8:10

Mbata mee ndəa gə́ kédé lé Dəw ra kula ndá iŋga nédɔjiá el ləm, Nékulje kara d’iŋga né gə́ wɔji dɔ dee el ləm tɔ. Meekulɔm gə́ téḛ bèe kara godo Mbata lə deḛ gə́ d’andə kəi əsé deḛ gə́ teḛ raga Mbata lə njéba̰je lé, Bèe ɓa neḛ n’ya̰ dəwje lai N’ar dee d’oma̰ ne gə na̰ gə mbəa.

Néra Njékaḭkulaje 2:23

Dəw neelé seḭ uláje ji njémeeyèrje’g, ɗareeje ne kaar kag’d, gə goo rəw gə́ Ala nja wɔji mée’g kédé gə́ dɔtar.

Néra Njékaḭkulaje 4:28

mba kar néje lai gə́ i wɔji gə jii gə tai kédé par-par lé deḛ ra nja.

2 Njé gə́ Kɔrḭtə 5:11

Jeḛ gə́ n’gər loo ɓəl Mbaidɔmbaije lé jeḛ j’oma̰ gə dəwje mba kar dee d’un ne meḛ dee. Ala gər ndaa sí gao ləm, məəm to yel gə́ dɔ sí’g m’pana: Seḭ nja kara ta gə́ meḛ sí’g ɓa ar sí gərje ne ndaa síjeḛ gao ləm tɔ.