Amɔs 3:2 - Maktub gə́ To gə Kəmee

² Ma mbər sí-seḭ ya kára ba Mbuna ginkoji dəwje’g lai-lai gə́ dɔ naŋg nee: Gelee gə́ nee ɓa m’a kar bo̰ néra majel lə sí lai ɔs ta sí’g ya.

Amɔs 3:2 ပူးပေါင်းရင်းမြစ်များ

Gḭ-Néje 10:32

Deḛ nja ɓa to gel-bɔje lə ŋgalə Noe, gə goo ŋgaka deeje ləm, gə goo ginkojije lə dee ləm tɔ. Loo gə́ mán bélm godo ndá ginkoji dəwje gə raŋg d’ḭ gin dee’g taa ne loo dɔ naŋg nee pəl-pəl tɔ.

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

Pakɔsje 147:19

Ta ləa lé yeḛ riba dəa ar njé’g lə Jakob lé Godndiaje gə ndukunje ləa lé yeḛ riba dəa ar Israɛlje.

Teḛ-Raga 32:34

Ɓasinè lé aw, ɔr no̰ dəwje lé teḛ sə dee loo gə́ m’ulai’g lé. Aa oo, kura ləm gə́ dara a kɔr nɔḭ nɛ mee ndəa gə́ ma m’wɔji lé ndá m’a kar bo̰ kaiya ra dee ɔs ta dee’g bɔsɔrɔ ya.

Esai 63:19

Jeḛ lé un kudee ləw ba ya Jeḛ n’toje asəna gə koso-dəwje Gə́ i o̰ dee bèe el ləm, Asəna gə koso-dəwje Gə́ d’unda rii dɔ dee’g el bèe ləm tɔ. Ǝi, ɓó lé i ta̰ dara ləm, Ɓó lé i risi ur naŋg ləm tɔ ndá Mbalje d’a yə ɓugu-ɓugu nɔḭ’g ya.

Jeremi 1:15

Mbata aa oo, m’a gə ɓar Koso-dəwje lai gə́ d’isi ɓeeko̰je Gə́ par gə́ dɔgel, Njesigənea̰ ɓa pa bèe, Ndá deḛ d’a ree kar nana kara a kunda kalimbai ləa Tarəwkɔgje lə ɓee gə́ Jerusalem No̰ ndògo-bɔrɔje lai gə́ gugu dəa ləm, Gə no̰ ɓee-booje lai gə́ Juda ləm tɔ.

Jeremi 10:25

Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Jeremi 11:22

Gelee gə́ nee ɓa Njesigənea̰ gə́ njeboo-néje lé pa ne pana: Aa oo, m’a gə kar bo̰ néra dee ɔs ta dee’g ya. Basaje d’a kwəi yoo-kiambas ləm, ŋgan deeje gə́ diŋgam gə njé gə́ dené d’a kwəi yoo ɓoo-boo ləm tɔ.

Jeremi 13:21

See ta ɗi ɓa i a pa Loo gə́ yeḛ a kwɔjii kəmkàr lé wa. To i ya ɓa ndoo dee Ar dee ra səi né asəna gə mbai dɔ dee. See néurtije d’a teḛ dɔi’g Asəna gə dené gə́ ndóo tée bèe el wa.

Jeremi 14:10

Aa ooje, ta gə́ Njesigənea̰ pa wɔji ne dɔ koso-dəwje neelé pana: Deḛ ndigi kaḭ gə́ yo gə́ nee ɓó dee gər loo kwa ŋgaŋ rɔ dee naŋg el. Njesigənea̰ ɔm dee’g el ləm, yeḛ ar mée olé ɓasinè dɔ néramajelje’g lə dee ləma, yeḛ ar bo̰ néra kaiyaje lə dee ɔs ta dee’g ləm tɔ.

Jeremi 9:25

Deḛ gə́ to Ejiptəje, gə Judaje, gə Edɔmje, gə ŋgaka Amo̰, gə Moabje, deḛ lai gə́ ndisa kil mbaita dee ləm, deḛ lai gə́ d’isi dɔdilaloo’g ləm tɔ. Mbata ginkoji dəwje gə raŋg lai lal kinja tamɔd dee ləm, gel-bɔje lə Israɛl lai d’inja tamɔd dee nɛ d’ya̰ meḛ dee gə́ kəi ləm tɔ.

Ejekel 5:9

N’a ra sə sí né gə́ n’ra kédé el ɓəi ləm, gə́ n’a tel ra gogo nda̰ el ləm tɔ mbata néra síje lai gə́ mina̰ lé.

Ejekel 9:6

Tɔlje ɓugaje, gə basaje, gə ŋgama̰dje, gə ŋganje, gə denéje ar deeje d’udu guduru. Nɛ maji kar sí tibije mbɔr nana kara gə́ d’ɔs né ŋgonea̰’g el, unje kudee loo’g lə neḛ gə́ to gə kəmee lé. Deḛ d’un kudee dɔ ŋgatɔgje gə́ d’isi takəi’g lé.

Loo gə́ killa rea kəm Daniel’g 9:12

Taje gə́ yeḛ gaŋg dɔ sí’g gə dɔ mbaije’g lə sí gə́ d’o̰ dɔ sí lé yeḛ ar dee d’aw lée’g béréré tɔɓəi yeḛ ar tuji-boo teḛ dɔ sí’g tɔ. Tuji-boo gə́ teḛ dɔ Jerusalem’g lé d’oo garee togə́bè dɔ naŋg nee kédé el.

Ojee 2:13

Nérɔlelje ləa lai ləm, gə ra naḭje ləa ləm, Gə naḭje ləa gə́ teḛ sigi ləm Gə ndɔ-kwa-rɔje ləa ləma, Gə néje ləa lai gə́ gə nduree-nduree ləm tɔ lé N’a kar dee godo.

Ojee 5:3

Eprayimje lé ma m’gər dee gao ləm, Israɛlje kara d’askəm kiya rɔ dee kəm’g el ləm tɔ. Mbata ɓasinè seḭ Eprayimje Seḭ ubaje Ala yá̰je ləm, Israɛlje lé d’ar rɔ dee mina̰ ne jɔmri-jɔmri ləm tɔ.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Ojee 9:9

Deḛ d’ur dan néra gə́ majel’g mbidi To gə́ deḛ ra ne mee ndəa gə́ mee ɓee gə́ Gibea’g bèe. Njesigənea̰ a kar mée olé dɔ néra kori-korije’g lə dee ləm, Yeḛ a kar bo̰ néra kaiyaje lə dee ɔs ta dee’g ləm tɔ.

Amɔs 2:4

Njesigənea̰ ɓa pa togə́bè pana: Gə mbata kaiya ra Judaje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ə̰ji godndu Njesigənea̰ bəḭ-bəḭ ləm, Deḛ d’aa dɔ torndiaje kər-kər el ləm tɔ, Mbata magəje gə́ ŋgɔm ɓa ar dee ndəm ya, To magəje gə́ bɔ deeje-je kara ndolè goo dee ya tɔ.

Amɔs 3:3

Dəwje joo lé see d’a njaa na̰’d. Lal kɔm ta lə dee na̰’d sad kédé wa.

Amɔs 6:1

Meeko̰ a koso dɔ deḛ gə́ d’isi lɔm mee ɓee’g Sio̰ ləm, Gə deḛ gə́ d’isi gə́ majee dɔ mbal’g Samari Lal ɓəl ləm tɔ. Mbata deḛ gə́ to mbaije gə́ boo lə ginkoji dəwje Gə́ d’uru dɔ mar deeje’g lé Ɓa Israɛlje d’aw rɔ dee’g!

Misee 2:3

Gelee gə́ nee ɓa Njesigənea̰ pa ne togə́bè pana: Aa ooje, neḛ n’la̰ji mee neḛ’g Gə mba kar meeko̰ oso dɔ ginkoji dəwje’g neelé. Seḭ a kasje kəm kɔrje gwɔs sí keneŋ el ləm, Seḭ a kasje kəm kundaje dɔ sí tar keneŋ el ləm tɔ Mbata ndəaje neelé a to ndɔ némeeko̰ ya.

Nahum 3:4

To mbata boo-néraje lə Ninibəje Gə́ to asəna gə néra kaiya-denéje Gə́ ra rɔ dee ma̰də ləm, ra goso su ne kəm loo ləm, Gə́ ndogo ne ginkoji dəwje gə raŋg gə nérakaiyaje lə dee ləma, Ndogo koso-dəwje gə nésukəmlooje lə dee ləm tɔ.

Néra Njékaḭkulaje 17:26

Məs dəw kára ba ya yeḛ unda ne ginka dəwje gə́ loo-loo ləm, yeḛ wɔji ne loo-si dee si dee dɔ naŋg nee ləm tɔ. Yeḛ wɔji ləb si dee si dee ləm, gə rəw-nim ɓeeje lə dee ləm tɔ.

Njé gə́ Rɔmə 2:9

Némeeko̰ gə néurti a kwa dɔ dəw gə́ rara ɓa gə́ njera némajel lé, a kwa dɔ Jibje kédé ɓa a kwa dɔ Grekje ɓəi.

1 Njé gə́ Kɔrḭtə 8:3

Nɛ ɓó lé dəw kára unda Ala dan kəmee’g ndá Ala gər ndiaa tɔ.

Tel tura Godndu 10:15

Lé bèe kara to bɔ síje-je ya ba ɓa Njesigənea̰ ɔm sə dee na̰’d gə mba kunda dee dan kəmee’g, tɔɓəi goo dee-deḛ’g lé to ŋgaka deeje, yee ɓa to seḭ gə́ yeḛ mbər sí mbuna koso-dəwje’g lai to gə́ seḭ ooje ne ɓogənè lé ya.

Tel tura Godndu 26:18

Tɔɓəi ɓogənè Njesigənea̰ ar sí unje ndu sí gə mba toje ne koso-dəwje gə́ d’a to kea̰je ya doŋgɔ doi to gə́ yeḛ ula sí ne ləm, gə mba kar sí aaje ne dɔ torndiaje lai kər-kər ləma,

Tel tura Godndu 32:9

Mbata né lə Njesigənea̰ lé To koso-dəwje ləa, Jakob lé ɓa to nénduba ləa tɔ.

Tel tura Godndu 4:32

Maji kar sí ə̰jije dɔ ndɔje gə́ ləw gə́ dəs no̰ sí’g kédé lé un kudee mee ndəa gə́ Ala unda ne dəw dɔ naŋg nee ləm, ə̰jije dɔ né gə́ teḛ un kudee loo gə́ ḭ gwɔi dara’g saar kaw rudee’g lé ləm tɔ, see dəw oo né gə́ boo gə́ togə́bè kédé əsé see a koo gar né gə́ togə́bè gogo ya wa.

Tel tura Godndu 7:6

Mbata seḭ lé seḭ toje gə́ koso-dəwje gə́ toje gə kəmee mbata lə Ala lə sí gə́ Njesigənea̰, Ala lə sí gə́ Njesigənea̰ ɔr sí mba kar sí toje koso-dəwje gə́ toje kea̰-yeḛje mbuna koso-dəwje lai gə́ dɔ naŋg nee tɔ.

1 Piɛrə 4:17

Rəwta-gaŋg lé ndəa teḛ mba̰ ndá d’a kun kudee mee kəi’g lə Ala ya. Nɛ ɓó lé d’un kudee ɓee lə síjeḛ ŋga, see deḛ gə́ d’ila koji dɔ Tagə́maji’g lə Ala el lé see ndɔ gə́ rudu lə dee-deḛ lé a to né gə́ ban dɔ dee’g wa.