Amɔs 3:15 - Maktub gə́ To gə Kəmee

¹⁵ Kəije gə́ naḭ kuli gə kəije gə́ naḭ kàrá kara N’a kunda dee naŋg rab-rab, Kəi-mbaije gə́ ra gə ŋgaŋ kər lé d’a tuji ləm, Boo-kəije gə́ boi-boi kara d’a sané kad-kad ya tɔ. Njesigənea̰ ɓa pa bèe.

Amɔs 3:15 ပူးပေါင်းရင်းမြစ်များ

1 Mbaije 22:39

Ges sor-néraje lə Akab ləm, gə néje lai gə́ yeḛ ra ləm, gə kəije gə́ yeḛ unda gə ŋgaŋ kər ləma, gə ɓee-booje lai gə́ yeḛ unda ləm tɔ lé see ndaŋg taree mee Maktub-sorta néraje’g lə mbaije gə́ Israɛl el wa.

Pakɔsje 45:8

I lé unda néra gə́ gə meekarabasur dan kəmi’g Nɛ néra gə́ yèr lé i ə̰ji bəḭ-bəḭ, Gelee gə́ nee ɓa, Ala gə́ to Ala ləi lé wa ne dɔi gə ubu gə́ ka̰ rɔlel Undai ne gə kəmee unda kuramarije.

Esai 5:9

Aa ooje né gə́ Njesigənea̰ gə́ njeboo-néje am m’oo lé ɓa nee: Tɔgərɔ ya, kəije gə́ bula neelé D’a to nduba piu-piu ləm, Kəije gə́ boo-boo gə́ kura yaa̰ neelé Dəwje d’a si keneŋ el ləm tɔ.

Jeremi 36:22

Mbai lé si mee kəi gə́ wɔji dɔ naḭ kul’g. To mee naḭ gə́ njekɔm’g jinaikara ndá əb gə́ kɔr pər taa keneŋ gəgəgə to nea̰’g.

Amɔs 2:5

N’a kula gə pər mee ɓee gə́ Juda’g Karee roo kəi-mbaije gə́ Jerusalem dula-dula ya.

Amɔs 3:11

Gelee gə́ nee ɓa Mbaidɔmbaije gə́ Njesigənea̰ ɓa pa ne togə́bè pana: Njéba̰je d’a kaḭ dɔ ɓee neelé sub Ndá d’a təd siŋga sí ləm, D’a kunda sí banrɔ Kodo néje gə́ mee kəi-mbaije’g lə sí ləm tɔ.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Amɔs 6:11

Mbata aa ooje, né gə́ Njesigənea̰ un ndia dɔ’g lé ɓa nee: Yeḛ a kar kəi gə́ boo lé təd kuyum-kuyum ləm, Ŋgon kəi gə́ lam kara a kiri budu-budu ləm tɔ.

Malasi 1:4

Ɓó lé Edɔmje pana: Jeḛ lé ɓeeje lə sí tuji mba̰ nɛ j’a tel gɔl dee gogo ɓəi. Ndá Njesigənea̰ gə́ njeboo-néje lé pa togə́bè pana: Ɓó lé deḛ tel gɔl kara m’a kunda naŋg rab-rab ya. Ndá d’a ɓar dee dɔ naŋg gə́ némeeyèrje taa loo keneŋ pəl-pəl ləm, gə koso-dəwje gə́ mee Njesigənea̰ ḭ səa pu dɔ dee’g gə no̰ ləm tɔ.

Njéga̰g-Rəwtaje 3:20

Ehud rəm pər gə́ rəa’g loo gə́ yeḛ si gə karee ba mee kəi’g ləa gə́ kul yududu’g lé ndá yeḛ ulá pana: M’aw gə ta lə Ala mbata ləi. Eglo̰ ḭ kag-siée’g aar tar.