Amɔs 3:12 - Maktub gə́ To gə Kəmee

¹² Njesigənea̰ ɓa pa togə́bè pana: Loo gə́ toboḭ wa nékul ndá Njékulbadje tɔr gɔl nékul gə́ joo Esé dɔ mbia gə́ kára ta toboḭ’g bèe lé Togə́bè Israɛlje gə́ d’isi Samari Gə́ to dɔ tira’g əsé d’isi dɔ kubu kila naŋg’d gə́ Damas lé kara Njesigənea̰ a kaji dee togə́bè ya tɔ.

Amɔs 3:12 ပူးပေါင်းရင်းမြစ်များ

1 Mbaije 20:30

Ges deeje d’aḭ d’aw mee ɓee-boo gə́ Apek ndá ndògo-bɔrɔ təd unda dee-deḛ dəwje gə́ tɔl-dɔg-loo rɔ-jo-gir-dee-siri (27.000) gə́ naḭ lé tɔl dee. Ben-Adad aḭ iya rəa mee ɓee-boo’g ndá yeḛ lɔm rəa gə mee kəi-kəi.

1 Mbaije 20:34

Ben-Adad ulá pana: M’a tel gə ɓeeje gə́ bɔm taa ji bɔbi’g lé kari gogo ndá i a ra ŋgan rəwje ləi mee ɓee gə́ Damas to gə́ bɔm ra dee mee ɓee gə́ Samari lé bèe tɔ. Ndá Akab pana: Ma kara m’a kɔm səi na̰’d gə ndu manrɔ ɓa m’a kya̰’i kari aw ɓəi. Ndá yeḛ man rəa aree ndá yeḛ yá̰ aree aw ya tɔ.

1 Mbaije 22:25

Mise tel ilá keneŋ pana: Maji, mee ndəa gə́ i a ta̰d gə mee kəi-kəi gə mba kiya rɔi lé ɓa i a koo ɓəi.

2 Mbaije 16:9

Mbai gə́ Asiri ɔm səa na̰’d dɔ ta’g ləa ndá yeḛ aw rɔ gə ɓee gə́ Damas tədee rɔ, tɔɓəi yeḛ wa koso-dəwje ɓər aw sə dee Kir ləm, yeḛ tɔl Resin ləm tɔ.

Este 1:6

Kubuje gə́ ndá ləm, gə to bədələ ləma, gə ndul ɗigi ləm tɔ lé deḛ tɔ dee tar gə kúla palégal ləm, gə kúla gə́ ndul piro-piro ləm tɔ ta ŋgamaje gə́ ra dee gə larnda ləm, gə ta mbalje gə́ tɔl dee gə́ gajije ləm tɔ. Tiraje gə́ ra dee gə larlɔr gə larnda lé d’unda dee loo-kuba’d gə́ ra gə mbalje gə́ kas njir-njir ləm, gə ndá kələw-kələw ləma, gə kɔr mbalje gə́ ndul ləm tɔ.

Este 7:8

Loo gə́ mbai ḭ gadloo’g tel ree mee ŋgon kəi muru-gad’g ndá yeḛ oo to gə́ Aman ḭ gə tɔgee aw oso rəb mbɔr tira gə́ Este si keneŋ ndá yeḛ dəjee pana: See i ndigi kur dɔ dené lə mbai’g kəm’g mee kəi’g ləm nee ya tɔɓəi wa. Loo gə́ ta nee nai gə́ ta mbai’g ya ɓəi ndá deḛ d’ila kubu d’o̰ ne kəm Aman mba̰.

Pakɔsje 132:3

N’a kandə mee kəi-kubu’g Gə́ to loo-si neḛ lé el ləm, N’a to naŋg dɔ tira kwa rɔ neḛ’g lé el ləm,

Esai 17:7

Mee ndəa’g neelé dəw a tel kəmee par gə́ rɔ njekṵdá’g, a turu kəmee gə́ dɔ Njerɔkunda’g lə Israɛlje,

Esai 31:4

Mbata Njesigənea̰ ulam ta togə́bè pana: To gə́ toboḭ əsé ŋgon toboḭ inja miḭ dɔ nékwa’g ləa lé Lé njékulbadje bula mbo̰ dɔ na̰ d’oma̰ səa kara Yee ɓəl dee gə goo ndu dee gə́ ɓar u-u-u el ləm, Ar rəa wəi njururu gə goo bula lə dee el ləm tɔ, Togə́bè Njesigənea̰ gə́ njeboo-néje kara a kḭ ree Mba rɔ dɔ mbal gə́ Sio̰ ləm, gə dɔdərloo gə́ wɔji dəa ləm tɔ.

Esai 8:4

Mbata ɓad ɓa mba kar ŋgon gər loo pana: Bai! əsé ya! lé ɓəi ndá d’a kodo nébaoje gə́ Damas gə nébanrɔje gə́ Samari kaw ne rɔ mbai gə́ Asiri’g.

Amɔs 6:4

Deḛ d’wa rɔ dee dɔ tiraje’g Gə́ ra gə ŋgaŋ kər ləm, Deḛ naji rɔ dee loo-to dee’g ləm tɔ, Deḛ d’usɔ ŋgan badje mbuna koso-badje’g ləm, Gə bɔ maŋgje gə́ d’aar kəi-kul dee’g ləm tɔ.

Amɔs 9:8

Aa ooje, Mbaidɔmbaije gə́ Njesigənea̰ lé Kəmee to dɔ ɓeeko̰ gə́ ta wa dəa’g. N’a gə tujee pugudu Karee godo dɔ naŋg nee péd-péd ya, Nɛ lé bèe kara n’a tuji gel-bɔje lə Jakob bura el, Njesigənea̰ ɓa pa bèe.