Amɔs 3:1 - Maktub gə́ To gə Kəmee

¹ Seḭ Israɛlje gə́ m’ar sí undaje loo teḛje mee ɓee gə́ Ejiptə lé maji kar sí ooje ta nee gə́ Njesigənea̰ pa sə sí lé!

Amɔs 3:1 ပူးပေါင်းရင်းမြစ်များ

1 Sôrta Gḭka-Israɛlje 16:13

Seḭ gə́ toje ginka Israɛlje Gə́ toje kuraje ləa lé ləm, Seḭ gə́ toje ŋgaka Jakob Gə́ yeḛ ɔr sí unda sí gə́ dəwje ləa lé ləm tɔ.

2 Sôrta Gḭka Israɛlje 20:15

Ndá Jahajiel lé pana: Maji kar sí tugaje mbi sí, seḭ lai gə́ Juda gə njé gə́ Jerusalem, gə i mbai Josapat tɔ. Njesigənea̰ pata togə́bè ar sí pana: Ɓəlje el ləm, ndəbje no̰ njérɔje gə́ bula digi-digi’g lé el ləm tɔ mbata to seḭ ɓa a rɔje el nɛ Ala ɓa a rɔ sə dee ya.

Esai 46:3

Tugaje mbi sí gə́ rɔm’g nee, Seḭ gel-bɔje lə Jakob Gə seḭ ges gel-bɔje lə Israɛl gə́ nai, Seḭ gə́ ma m’ŋgəm sí Un kudee mee ndəa gə́ seḭ naije ne meḛ ko̰ síje’g saar ləm, Ma m’odo sí Un kudee ndɔ koji sí’g ya saar ɓasinè ləm tɔ!

Esai 48:12

Ooje ta ləm, seḭ njé’g lə Jakob, Seḭ Israɛlje gə́ m’ɓar sí! Ma nja m’to yeḛ gə́ dɔtar ləm, Ma nja m’to yeḛ gə́ rudu ləm tɔ.

Jeremi 13:11

To gə́ d’wa ne reŋ dəw gə ndar bèe lé neḛ kara n’tɔ gel-bɔje lə Israɛl gə gel-bɔje lə Juda lai reŋ neḛ’g togə́bè tɔ, gə mba kar dee to koso-dəwje lə neḛ ləm, gə riɓar lə neḛ ləm, gə népidi lə neḛ ləma, gə nérɔnduba lə neḛ ləm tɔ, nɛ deḛ d’un mbi dee rəw dɔ ta’g lə neḛ.

Jeremi 31:1

Njesigənea̰ pana: Mee ndəa’g neelé m’a to Ala lə gel-bɔje lə Israɛlje lai ndá deḛ kara d’a to koso-dəwje ləm tɔ.

Jeremi 8:3

Ges dee-deḛ ginkoji dəwje nee gə́ to njémeeyèrje lé d’a koo yoo ɓa gə́ né gə́ maji unda kisi kəmba mee looje lai gə́ n’a tuba dee kɔm dee keneŋ lé Njesigənea̰ gə́ njeboo-néje ɓa pa bèe.

Ojee 4:1

Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.

Ojee 5:1

Seḭ njékinjanéməsje, ooje ta neelé! Seḭ njékɔrno̰ Israɛlje, síje gèŋ! Seḭ gel-bɔje lə mbai, Tugaje mbi sí ooje ne ta! Mbata seḭ ɓa rəwta-gaŋg neelé wɔji dɔ sí Mbata seḭ toje gə́ gum gə́ mee ɓee gə́ Mispa ləm, Seḭ toje gə́ ba̰də gə́ d’ila dɔ mbal gə́ Tabɔr’g ləm tɔ.

Amɔs 2:10

Nɛ neḛ lé kédé neḛ n’ar sí undaje loo mee ɓee gə́ Ejiptə teḛje ləm, N’ɔr no̰ sí dɔdilaloo’g as ləb rɔ-sɔ Gə mba kar sí taaje dɔ naŋg ɓee lə Amɔrje gə́ né ka̰ sí-seḭ ləm tɔ.

Amɔs 4:1

Urje mbi sí ooje ta neelé, Seḭ denéje gə́ Samari gə́ toje baoje Gə́ toje asəna gə ko̰ maŋgje gə́ Basan lé Seḭ gə́ ulaje njéndooje ndubu ləm, Seḭ tubaje deḛ gə́ néje bula lal dee Naŋg mbajila-mbajila ləm tɔ lé Tɔɓəi seḭ ulaje ŋgaw síje pajena: Reeje gə nékai ar sí j’aije.

Amɔs 5:1

Seḭ gel-bɔje lə Israɛl lé urje mbi sí ooje ne ta nee gə́ ma m’no̰ ne gə meeko̰yoo mbata lə sí lé.

Misee 2:3

Gelee gə́ nee ɓa Njesigənea̰ pa ne togə́bè pana: Aa ooje, neḛ n’la̰ji mee neḛ’g Gə mba kar meeko̰ oso dɔ ginkoji dəwje’g neelé. Seḭ a kasje kəm kɔrje gwɔs sí keneŋ el ləm, Seḭ a kasje kəm kundaje dɔ sí tar keneŋ el ləm tɔ Mbata ndəaje neelé a to ndɔ némeeko̰ ya.

Misee 3:1

Ma m’pana: Ooje ta nee, seḭ mbai dɔ ŋgaka Jakobje lé Seḭ njéko̰ɓeeje gə́ Israɛl! See to ta lə sí-seḭ ya Gə mba kar sí gərje né gə́ gə dɔ najee lé el wa.

Soponi 2:5

Meeko̰ a koso dɔ dəwje lai gə́ d’isi ta baa-boo-kad’g Gə́ to ginkojije gə́ Keret. Seḭ Kana̰je gə́ dɔ naŋg gə́ Pilisti lé Njesigənea̰ pata ɔs sí ne rəw! Yeḛ pana: N’a tuji sí pugudu kar dəwje godo mee ɓee’g neelé.

Loo gə́ killa rea kəm Ja̰’g 2:29

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje.