Amɔs 2:9 - Maktub gə́ To gə Kəmee

⁹ Nɛ kédé lé neḛ n’tuji Amɔrje no̰ dee’g ya, Deḛ gə́ kagrɔ dee ŋgal to gə́ kag-sɛdrə bèe ləm, Siŋga dee kara to asəna gə kag-sɛnə bèe ləm tɔ, Neḛ n’tuji kandə dee gə́ tar ləm Gə ŋgira dee gə́ naŋg ləm tɔ.

Amɔs 2:9 ပူးပေါင်းရင်းမြစ်များ

Gḭ-Néje 15:16

Ŋgakaije gə́ njekɔm’g sɔ lé d’a tel ree loo gə́ nee’g gogo ɓəi. Mbata néra Amɔrje gə́ ndɔji pɔdɔdɔ lé nai ɓəi ɓó teḛ lai el ɓəi.

1 Sôrta Gḭka-Israɛlje 1:14

Kana̰ lé to ka Yebusje ləm, gə Amɔrje ləm, gə Girgasije ləm,

Maktub gə́ wɔji dɔ Jɔb 18:16

Gel ŋgiráje gə́ naŋg lé tudu kurum-kurum ləm, Deḛ tuga barkəmeeje gə́ tar badə-badə ləm tɔ.

Teḛ-Raga 3:8

Bèe ɓa ma m’ree mba kɔr dee ji Ejiptəje’g ləm, gə mba kɔr no̰ dee teḛ sə dee mee ɓee gə́ maji gə́ tad yaa̰ ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ, to loo-si Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ.

Teḛ-Raga 34:11

Unda kəmkàr dɔ rɔi’g dɔ né gə́ m’un ne ndum ɓogənè m’ari mba kari ra lé. Aa oo, m’a tuba Amɔrje, gə Kana̰je, gə Hetje, gə Peresje, gə Hebje, gə Yebusje nɔḭ’g ya.

Esai 10:33

Aa ooje, Mbaidɔmbaije gə́ to Njesigənea̰ gə́ njeboo-néje lé Riba barkəm kagje gə siŋgamoŋgee: Njé gə́ boo d’ur dɔ mar deeje lé Yeḛ gaŋg dee ləm, Njé gə́ ŋgal d’unda mar deeje lé kara Yeḛ guru dee rug-rug ləm tɔ.

Esai 5:24

Gelee gə́ nee ɓa to gə́ ndo̰ pər o̰ ne ləm mu ləm, Pər o̰ ne mu gə́ tudu ləm tɔ lé Ŋgira dee a to to gə́ né gə́ ndum bèe ləm, Pudu dee a sané pá asəna gə kor bèe ləm tɔ, Mbata deḛ d’ə̰ji godndu Njesigənea̰ gə́ njeboo-néje bəḭ-bəḭ ləm, Deḛ d’oo tapa Njemeenda lə Israɛlje gə́ né gə́ to kḛji kəm dee’g ləm tɔ.

Ejekel 17:9

Maji kam m’pa pana: Mbaidɔmbaije gə́ Njesigənea̰ dəji ta togə́bè pana: See a teḛkɔr ya wa. See niŋgatə̰də gə́ dɔtar lé a tɔr ŋgiraje el wa. See a tɔr ka̰dee karee tudu ar kameje lai gə́ idi lé wa njɔm el wa. Siŋgamoŋ gə́ yaa̰ əsé dəwje gə́ bula digi-digi ɓa gə́ kuma̰ kɔree el.

Bula lə Israɛlje 32:13

Oŋg lə Njesigənea̰ ḭ səa pu dɔ Israɛlje’g ndá yeḛ ar dee d’ila rima-rima gə́ dɔdilaloo as ləb dee rɔ-sɔ saar kar deḛ lai gə́ ra né gə́ majel kəm Njesigənea̰’g lé d’udu bo̰ ɓa.

Tel tura Godndu 1:28

See j’askəm kawje ya wa. Mbata ŋgako̰ síjee lé d’ɔr siŋga sí pana: To koso-dəwje gə́ kuburu rɔ dee boi unda ka̰ síjeḛje ləm, kagrɔ dee kara ŋgal pur-pur unda ka̰ síjeḛje ləm tɔ, ɓee-booje lə dee boo yaa̰ ləm, d’ila ndògo-bɔrɔ gə́ ŋgal saar teḛ dara gugu ne dɔ dee ləm tɔ, tɔɓəi neḛ n’ooje ŋgalə Anak kara keneŋ ləm tɔ.

Tel tura Godndu 3:11

Mbata dəw gə́ nai gə́ rudu ginkoji’g lə Repayimje gə karee ba lé, to Og. Tira ləa gə́ to gə́ larndul lé, to mee ɓee gə́ Rabat, ɓee-boo’g lə ŋgalə Amo̰. Ŋgalee as kəmkil dəw jinaikara ləm, tadee as kəmkil dəw sɔ ləm tɔ.

Jujé 10:12

Mee ndəa gə́ Njesigənea̰ ɔm Amɔrje ji Israɛlje’g lé Juje ula Njesigənea̰ ta kəm Israɛlje’g pana: I kàr lé aar naŋg dɔ ɓee gə́ Gabao̰ bèe ɓa ləm, I naḭ kara aar naŋg wəl-loo gə́ Ajalon bèe ləm tɔ.

Jujé 3:10

Togə́bè ɓa Juje ula dee pana: Né neelé ɓa a kar sí gərje to gə́ Ala gə́ njesikəmba si mbuna sí’g ləm, yeḛ a gə tuba Kana̰je, gə Hetje, gə Hebje, gə Peresje, gə Girgasije, gə Amɔrje, gə Yebusje lé no̰ sí’g ləm tɔ.