Amɔs 2:8 - Maktub gə́ To gə Kəmee

⁸ Kubuje gə́ tona dee ne néje lé Deḛ lab naŋg to keneŋ Mbɔr loo-nékinjanéməsje’g kára-kára lai ləm, Mee kəi-magəje’g lə dee-deḛ ya Deḛ d’ai mán-nduú lə deḛ gə́ deḛ gaŋgta dɔ dee’g ləm tɔ.

Amɔs 2:8 ပူးပေါင်းရင်းမြစ်များ

Teḛ-Raga 22:25

Ɓó lé seḭ taaje kubu lə mar sí gə́ yeḛ tona ne lar ndá seḭ a telje ne kaareeje gogo ɓad ɓa kar kàr andə ɓəi,

Esai 57:7

To loo gə́ dɔ mbal gə́ ŋgal léŋgé-léŋgé gə́ ḭ gə́ tar ɓa Seḭ raje loo-to sí keneŋ, To lé neelé ya ɓa Seḭ awje keneŋ aw injaje nékinjanéməsje tɔ.

Ejekel 18:12

ɓó lé yeḛ buguru njenékəmndoo gə njendoo ləm, ɓó lé yeḛ taa né gə ɓogo ləm, ɓó lé yeḛ tel gə nékɔsnaŋ ar njea el ləm, ɓó lé yeḛ un kəmee aa ne magəje gərərə ra ne néje gə́ mina̰ jɔmri-jɔmri ləma,

Ejekel 18:7

yeḛ buguru dəw kára kara el ləm, yeḛ tel gə nékɔsnaŋ ar njea ləm, yeḛ taa né gə ɓogo el ləm, yeḛ un muru ləa ar dəw gə́ ɓó tɔlee ləm, yeḛ ula kubu rɔ dəw gə́ aw kudee dum’g ləm,

Ejekel 23:41

I si dɔ tira gə́ maji péd-péd’g no̰ loo gə́ tabul to keneŋ ndá dɔ tabul’g neelé i unda né lə neḛ gə́ ə̰də sululu gə ubu lə neḛ keneŋ.

Ojee 4:8

Kaiya ra koso-dəwje ləm lé Deḛ telee gə́ nésɔ lə dee ləm, Deḛ d’ar mal néra gə́ kori-korije lə koso-dəwje ləm lé Ra dee-deḛ ya ləm tɔ.

Ojee 7:14

Deḛ no̰ ɓarm gə meendakaḭ el, Nɛ deḛ no̰ sii mbigi-mbigi loo-to dee’g ba, Deḛ mbo̰ dɔ na̰ gə mba kiŋga kó ləm, Gə mán-nduú gə́ sigi ləm tɔ Ndá deḛ d’unda ne rɔ dee ɓad rɔm’g.

Amɔs 3:14

Mee ndəa gə́ n’a kar bo̰ néra gə́ majel lə Israɛlje ɔs ta dee’g lé Ndá n’a təd loo-nékinjanéməsje gə́ Betel. Dɔ kum loo-nékinjanéməsje gə́ ḭta neelé D’a təd njigi-njigi kɔm naŋg ya.

Amɔs 4:1

Urje mbi sí ooje ta neelé, Seḭ denéje gə́ Samari gə́ toje baoje Gə́ toje asəna gə ko̰ maŋgje gə́ Basan lé Seḭ gə́ ulaje njéndooje ndubu ləm, Seḭ tubaje deḛ gə́ néje bula lal dee Naŋg mbajila-mbajila ləm tɔ lé Tɔɓəi seḭ ulaje ŋgaw síje pajena: Reeje gə nékai ar sí j’aije.

Amɔs 6:4

Deḛ d’wa rɔ dee dɔ tiraje’g Gə́ ra gə ŋgaŋ kər ləm, Deḛ naji rɔ dee loo-to dee’g ləm tɔ, Deḛ d’usɔ ŋgan badje mbuna koso-badje’g ləm, Gə bɔ maŋgje gə́ d’aar kəi-kul dee’g ləm tɔ.

Amɔs 6:6

Deḛ d’ai mán-nduú mee baije gə́ boi-boi ləm, Deḛ d’wa rɔ dee gə ubu Gə́ maji ur dɔ mareeje’g ləm tɔ Nɛ meḛ dee o̰ dee Dɔ tuji gə́ oso dɔ ginkoji’g lə Jisəb lé el.

1 Njé gə́ Kɔrḭtə 10:21

Seḭ asjekəm kaije né gə́ mee ŋgo-kai-né’g lə Mbaidɔmbaije gə korè gə ka̰ ndilje gə́ yèr na̰’d el ləm, seḭ asjekəm sije ta ka nésɔ’g lə Mbaidɔmbaije gə korè gə ka̰ ndilje gə́ yèr lé el ləm tɔ.

1 Njé gə́ Kɔrḭtə 10:7

Maji kar sí toje njépole-magəje to gə́ njé gə́ na̰je gə́ mbuna dee’g lé el. To gə́ deḛ ndaŋg mee maktub’g pana: Koso-dəwje d’isi naŋg gə mba sɔ gə kai ɓa gə mba kuba loo kḭ ndam ɓəi.

1 Njé gə́ Kɔrḭtə 8:10

Mbata ɓó lé i gə́ to gə́ njenégər lé ɓa dəw ooi to gə́ i si ta ka nésɔ’g mee kəi-magə’d ndá see dəw neelé gə́ meekun ləa tɔg el ɓəi lé see nérai a kɔree karee sɔ da nékulje gə́ d’inja gə́ məs d’ar magəje lé el wa.

Njéga̰g-Rəwtaje 9:27

Deḛ teḛ d’aw ndá tḭja kandə nduúje lə dee ləm, mbula manee ləma, deḛ d’al ne rɔ dee ləm tɔ, ndá deḛ d’andə d’aw mee kəi-magə’d lə dee ləm, d’usɔ gə d’ai ləma, d’ila ne ndɔl dɔ Abimelek’g ləm tɔ.