Amɔs 2:7 - Maktub gə́ To gə Kəmee

⁷ Deḛ ndiŋga rɔ dee mba njaa dɔ njéndooje’g asəna gə babur bèe ləm, Njénékəmndooje lé kara d’ɔg dee né gə́ kəm kar dee d’iŋga ləm tɔ. Ŋgon gə́ diŋgam deḛ gə bɔbeeje d’orè na̰ dɔ ŋgoma̰də gə́ kára ba ya D’ula ne sul dɔ ri neḛ-neḛ gə́ to gə kəmee doi lé.

Amɔs 2:7 ပူးပေါင်းရင်းမြစ်များ

2 Samel 12:14

Nɛ to gə́ né gə́ i ra lé ar njéba̰je lə Njesigənea̰ d’ila ne ndɔl dəa’g ndá ŋgon gə́ yeḛ ojee lé a kwəi tɔ.

1 Mbaije 21:4

Akab tel aw kəi ləa gə kəmndoo ləm, gə meeko̰ ləm tɔ mbata ta gə́ Nabot gə́ Jisreel ulá pana: M’a kari nénduba gə́ to ka̰ kamje-je el lé! Ndá yeḛ to dɔ tira’g ləa ar kəmee mas mbid-mbid tɔɓəi sɔ né el tɔ.

Gosota-Kəmkàrje 28:21

Kɔr kəm dəwje lé to sur el, Dəw lé ya̰ rəa yag dan kaiya’g gə mbata goŋ muru ba ya.

Esai 10:1

Meeko̰ a koso dɔ deḛ gə́ To njékun ndukunje gə goo rəbee el ləm, Gə deḛ gə́ ndaŋg maktub-gaŋg-rəwta Gə́ gə dɔ najee el ləm tɔ.

Esai 10:2

Yee ɓa deḛ mbad gaŋg ne rəwta Le njéndooje gə goo rəbee ləm, Né gə́ kəm kar deḛ gə́ kəm dee to ndòo Mbuna dəwje’g ləm d’iŋga lé Deḛ nar sə dee ləm, Deḛ taa nékiŋgaje lə njékəisiŋgaje ləma, D’unda ŋganalje gə́ néɓogo lə dee ləm tɔ.

Esai 3:14

Njesigənea̰ ɔr ta ila dɔ ŋgatɔgje’g lə koso-dəwje ləa ləm, Gə dɔ mbaije’g lə dee ləm tɔ pana: Seḭ lé seḭ rumje loo-ndɔ-nduú! Néje gə́ seḭ tɔrje rɔ njéndooje’g lé To mee kəi’g lə sí to!

Esai 3:15

See na̰ ɓa un ndia ar sí talje ne dəwje ləm naŋg ras-ras ləm, Gə oreeje ne dɔ njéndooje naŋg ləm tɔ bèe wa. Mbaidɔmbaije gə́ Njesigənea̰ gə́ njeboo-néje ɓa dəji ta togə́bè.

Ejekel 22:11

Mee ɓee-boo’g ləi lé nana kara ra né gə́ mina̰ gə dené lə maree ləm, nana kara ra nékɔb gə məmeeje gə́ dené ar rəa mina̰ ne ləma, nana kara ila rɔkul dɔ ŋgokea̰ gə́ dené gə́ to ŋgolə bɔbeeje ləm tɔ.

Ejekel 36:20

Deḛ teḛ ɓee’g lə ginkoji dəwje gə raŋg gə́ deḛ d’aw gə́ keneŋ lé ndá deḛ d’ila ndɔl dɔ ri neḛ gə́ to gə kəmee’g ar dəwje pata d’wɔji ne dɔ dee pana: To koso-dəwje lə Njesigənea̰, to ɓee ləa-yeḛ ɓa deḛ d’unda loo keneŋ teḛ.

Ojee 4:14

M’a kar bo̰ néra ŋgan síje gə́ dené ɔs ta dee’g Mbata mɔdkaiya lə dee el ləm, Esé məəm síje-je gə́ dené gə́ ra kaiya lé el ləm tɔ. Mbata seḭ nja kara awje na̰’d əw gə njémɔdkaiyaje ləm, Seḭ injaje néməsje na̰’d gə kaiya-denéje ləm tɔ. Koso-dəwje gə́ to njégərnéelje lé d’aḭ gə́ loo-tuji’g ɓa.

Ləbije 18:15

Seḭ a toje gə məəm síje gə́ to dené lə ŋgon sí el. To dené lə ŋgon sí ndá seḭ a toje səa el.

Ləbije 18:21

Seḭ a kunje ŋgon sí kára kara kilaje dan pər’g kar magə-Molok el mbata yee ɓa seḭ a kilaje ne ndɔl dɔ ri Ala’g lə sí ya.

Ləbije 18:8

Seḭ a toje gə dené lə bɔ síje gə́ raŋg el. To rɔkul gə́ seḭ ilaje dɔ bɔ síje’g ya.

Ləbije 20:3

Tɔɓəi ma lé m’a kun kəm rəw dɔ dəw’g neelé mba kɔree ne mbuna koso-dəwje’g ləa mbata yeḛ wa ŋgon mee kára ar magə-Molok ləm, yeḛ ila ndɔl dɔ kəi’g ləm gə́ to gə kəmee ləma, yeḛ ar rim-ma gə́ to gə kəmee lé kara tel to né gə́ gə mḭdé ləm tɔ.

Amɔs 4:1

Urje mbi sí ooje ta neelé, Seḭ denéje gə́ Samari gə́ toje baoje Gə́ toje asəna gə ko̰ maŋgje gə́ Basan lé Seḭ gə́ ulaje njéndooje ndubu ləm, Seḭ tubaje deḛ gə́ néje bula lal dee Naŋg mbajila-mbajila ləm tɔ lé Tɔɓəi seḭ ulaje ŋgaw síje pajena: Reeje gə nékai ar sí j’aije.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Amɔs 5:12

Mbata neḛ n’gər gao, Kaiyaje lə sí bula yaa̰ ləm, Néra majelje lə sí kara ḭ dɔ maree’g ləm, Seḭ ulaje njéra nédanaje ndubu ləm, Seḭ taaje néndogo-gel dəwje ləma, Seḭ ɔgje njéndooje né Gə́ kəm kar dee d’iŋga lé ləm tɔ.

Amɔs 8:4

Ooje ta nee, seḭ gə́ njerum njéndooje ləm, Gə tujije njénékəmndooje ləm tɔ lé,

Misee 2:2

Deḛ ra kəmkəḭ dɔ ndɔje’g ndá Deḛ taa dɔ buguru’g ləm, Gə dɔ kəije’g ndá D’odo néje gə́ keneŋ dɔ buguru’g ləm tɔ. Deḛ ra né gə́ kərm-kərm gə dəw gə njemeekəije ləa ləm, Buguree gə nénduba ləa na̰’d ləm tɔ.

Misee 2:9

Seḭ tubaje denéje lə dəwje lə neḛ Gə́ n’unda dee dan kəm neḛ’g mee kəije’g lə dee ləm, Seḭ ɔrje rɔnduba lə neḛ Gə́ to gə no̰ gə́ n’ula dɔ ŋgan deeje’g lé ləm tɔ.

Soponi 3:3

Mbaije gə́ d’isi keneŋ lé To d’asəna gə toboḭje gə́ d’inja miḭ hər-hər bèe, Njégaŋ-rəwtaje ləa to d’asəna gə jagmjərje gə́ kàrkemetag Gə́ d’ya̰ né d’ar loo àr dɔ’g el bèe ləm tɔ.

Njé gə́ Rɔmə 2:24

Mbata deḛ ndaŋg taree mee maktub gə́ to gə kəmee pana: Ndɔl ɓar ri Ala mbuna njépole-magəje’g mbata lə sí-seḭ ya.

1 Njé gə́ Kɔrḭtə 5:1

Dəwje d’ɔr soree d’aw ne wəg-wəg pana: Ta kaiya to mbuna sí’g, nɛ gar kaiya neelé dəw a kiŋga bèe ɓee lə njépole-magəje el. Diŋgam kára taa dené lə bɔbeeje si səa mbuna sí’g nee.