Amɔs 2:6 - Maktub gə́ To gə Kəmee

⁶ Njesigənea̰ ɓa pa togə́bè pana: Gə mbata kaiya ra Israɛl gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ndogo njemeekarabasur gə lar ləm, Deḛ ndogo njendoo gə négɔl ləm tɔ.

Amɔs 2:6 ပူးပေါင်းရင်းမြစ်များ

2 Mbaije 18:11

Mbai gə́ Asiri wa Israɛlje gə́ ɓər aw sə dee Asiri ndá yeḛ unda dee mee ɓee-boo gə́ Halah ləm, gə mbɔr Habor, baa gə́ Gosan ləma, gə mee ɓee-booje’g lə Medəje ləm tɔ,

2 Mbaije 18:12

mbata deḛ d’oo ndu Njesigənea̰, Ala lə dee el ləm, deḛ d’uba ta manrɔ ləa d’ya̰ ləm, mbata deḛ d’oo ta ləa el ləma, néje lai gə́ Njesigənea̰ un ndia dɔ’g gə ndu Moyis, kura ləa lé kara deḛ ra née el ləm tɔ.

Esai 10:2

Yee ɓa deḛ mbad gaŋg ne rəwta Le njéndooje gə goo rəbee ləm, Né gə́ kəm kar deḛ gə́ kəm dee to ndòo Mbuna dəwje’g ləm d’iŋga lé Deḛ nar sə dee ləm, Deḛ taa nékiŋgaje lə njékəisiŋgaje ləma, D’unda ŋganalje gə́ néɓogo lə dee ləm tɔ.

Esai 29:21

To deḛ gə́ d’ila ta dɔ njé gə́ raŋg’d loo-gaŋg-rəwta’g ləm, D’iya gum no̰ yeḛ gə́ njetaa dəa tarəwkɔg’d ləma, Dəw gə́ ta wa dəa el lé deḛ gaŋgta gə́ ŋgɔm dəa’g ləm tɔ.

Ejekel 22:13

Aa ooje, neḛ n’unda ji neḛ kɔd-kɔd mbata nébuguru gə́ seḭ gə́ Jerusalem taaje ləm, gə məs gə́ seḭ ilaje mee ɓee-boo’g neelé ləm tɔ.

Joɛl 3:3

M’a kar néje gə́ dumkoo teḛ mee dara’g gə dɔ naŋg’d nee Məs ləm, gə pər ləma, sa pər gə́ uba ŋgɔg-ŋgɔg ləm tɔ.

Jakari 11:5

Deḛ gə́ ndogo dee lé tḭja gwɔs dee lal né gə́ bèe. Yeḛ gə́ rab dee lé pana: Maji kar dɔ ri Njesigənea̰ ai səgərə mbata ma m’tel ne bao. Nɛ njékulbadje d’oo kəmtondoo lə dee el.