Amɔs 2:2 - Maktub gə́ To gə Kəmee

² N’a kula gə pər mee ɓee gə́ Moab Karee roo kəi-mbaije gə́ to Kerijot, Moabje lé d’a kwəi loo gə́ d’a kaw dɔ na̰’d pum-pum ləm, Gə dan lul’g lə njérɔje ləma, Gə dan ndu to̰to̰je gə́ ɓar lé ləm tɔ.

Amɔs 2:2 ပူးပေါင်းရင်းမြစ်များ

Esai 9:5

Mbata d’oji ŋgon d’ar sí ləm, D’ar sí ŋgon gə́ diŋgam ləm tɔ, Ko̰ɓee lé a to dɔ tamee’g, D’a kunda ria lə Njemaji dum ləm, Gə Njekwɔji ta kəmkàr ləm, Gə Ala gə́ njesiŋgamoŋ ləm, Gə Bɔ gə́ Njesigənea̰ ləma, Gə Mbai gə́ njemeelom ləm tɔ.

Jeremi 48:24

Gə dɔ Kerijot ləm, gə dɔ Bosra ləma, gə dɔ ɓee-booje lai gə́ mee ɓee gə́ Moab gə́ to əw əsé gə́ to dəb ləm tɔ.

Jeremi 48:34

Ndu kiije gə́ Esbon ɓar saar teḛ Eləalé ləm, ndu dee ɓar saar teḛ Jahas ləm, un kudee Soar saar teḛ Koronayim ləma, saar teḛ Eglat-Selisija ləm tɔ mbata manje gə́ Nimrim kara d’yi tə-tə tɔ.

Jeremi 48:41

Ɓee-boo gə́ Kerijot lé dum dəa mba̰, Kəi-kaar-kɔgərɔje lé taa tɔ, Ndəa neelé mee bao-rɔje gə́ Moab to asəna gə mee dené gə́ ndóo tée bèe.

Jeremi 48:45

Njékaḭje gə́ siŋga dee godo lé D’aar naŋg ndil Esbon’g, Mbata pər ḭ Esbon teḛ ləm, Ndo̰ pər ḭ Siho̰ teḛ ləm tɔ. Pər neelé roo loo mee ɓee gə́ Moab ləm, Roo ka dɔ njékaw dɔ na̰’d pum-pumje ləm tɔ.

Ejekel 25:8

Mbaidɔmbaije gə́ Njesigənea̰ pa togə́bè pana: To gə́ Moabje gə Seirje pa pana: Gel-bɔje lə Juda to d’asəna gə ginkoji dəwje gə raŋg lai ya lé,

Amɔs 1:14

Mee kàree gə́ lul njérɔje ɓar loo-rɔ’g ləm, Dan lel-mal gə́ ḭ mee ndəa gən ɓir lé bèe ləm tɔ lé N’a kula gə pər dɔ ndògo-bɔrɔ’d gə́ Raba Karee roo kəi-mbaije dula-dula.

Amɔs 1:4

N’a kula gə pər karee oso dɔ kəi’g lə Ajael Karee roo kəi-mbaije lə Ben-Adad dula-dula ya tɔ.