Amɔs 2:15 - Maktub gə́ To gə Kəmee

¹⁵ Dəw gə́ njeturu ɓandaŋg lé a kaar gəs el ləm, Dəw gə́ gɔlee wɔilɔ pélé-pélé lé a kaḭ teḛ ta’g el ləma, Yeḛ gə́ njekalkṵda kara lé a kaji rəa el ləm tɔ.

Amɔs 2:15 ပူးပေါင်းရင်းမြစ်များ

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Esai 31:3

Ejiptəje lé to dəwje ɓó to Ala el, Kundaje lə dee to gə́ kundaje ba ɓó to néje gə́ raŋg el. Loo gə́ Njesigənea̰ a kun jia kula ndiŋ ndá Njékaḭ bada dɔ dee’gje lé d’a kunda ndolé ləm, Deḛ gə́ yeḛ aa dɔ dee lé d’a koso ləm tɔ Kar dee d’a kudu lai guduru.

Jeremi 51:56

Tɔgərɔ ya, njetujiloo Teḛ dɔ Babilɔn’g mba rɔ səa, D’wa bao-rɔje ləa ləm, Təd ɓandaŋgje lə dee ləm tɔ. Mbata Njesigənea̰ lé To njekoga nana kara Gə goo kula rəa-rəa ləm, Yeḛ ar nana kara nékoga-dɔ-ji ləa ləm tɔ.

Ejekel 39:3

N’a təd kag ɓandaŋg ləi gə́ jigeli’g ləm, n’a kar kandə ɓandaŋgje gə́ jikɔli’g gəḭ naŋg ləm tɔ.

Amɔs 9:1

Ma m’oo Mbaidɔmbaije gə́ aar tar mbɔr loo-nékinjaməs’g. Yeḛ pana: Maji kar dee kunda mburṵ dɔ gaji kagje gə́ tar kar no̰ tarəwkəije yə ləm, Maji kar dee təd dee dɔ dəwje’g lai ləm tɔ. N’a tuji ges deḛ gə́ nai gə kiambas. Dəw kára kara mbuna dee’g a kaskəm kaḭ kaji rəa el ləm, Dəw kára kara mbuna dee’g a teḛ kaḭ taa rəa el ləm tɔ.

Ajee 2:22

N’a tɔs kalimbai ɓeeko̰je tila ləm, n’a tuji siŋgamoŋ lə ɓeeko̰je lə ginkoji dəwje gə raŋg ləm, n’a tɔs pusu-rɔje gə dee gə́ d’isi dɔ’g tila dee ləma, kundaje gə njékaw rɔ gə kundaje lé d’a tɔl na̰ ləm tɔ.

Jakari 10:5

D’a to kasəna gə bao-rɔje Gə́ tuba bɔrɔ gə́ mba̰-rəwje loo-rɔ’g bèe, D’a rɔ rɔ ya mbata Njesigənea̰ a nai sə dee, Ndá deḛ gə́ njérɔ gə kundaje lé Rɔkul a dəb dɔ dee’g.