Amɔs 2:14 - Maktub gə́ To gə Kəmee

¹⁴ Dəw gə́ njerɔkwɔilɔ lé a kaskəm kaḭ el ləm, Dəw gə́ njesḭga lé a kaskəm ra né gə siŋgá el ləma, Yeḛ gə́ to bao-rɔ kara a kaji rəa el ləm tɔ.

Amɔs 2:14 ပူးပေါင်းရင်းမြစ်များ

Maktub gə́ wɔji dɔ Jɔb 11:20

Nɛ kəm njémeeyèrje to bibli, Deḛ lé loo gə́ gə mba kaḭ kiya rɔ dee keneŋ godo. Yoo ɓa gə́ nékunda mee yel dɔ’g lə dee.

Pakɔsje 33:16

Kudu boo-njérɔje ɓa d’askəm kaji mbai lé el ləm, Boo-siŋgamoŋ lé kara as kɔr bao-rɔ kilá tar el ləm tɔ.

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Jeremi 25:35

Njo̰loo-kula-dɔ lə njékul dəwje godo ŋga ləm, Kaji lə njékɔrno̰ dəwje kara godo ŋga ləm tɔ.

Jeremi 39:4

Loo gə́ Sedesias, mbai gə́ Juda gə njérɔje lai d’oo dee ndá deḛ d’unda loo mee ɓee-boo’g loondul’g teḛ d’aḭ gə rəw gə́ loo-kamnaḭ’g lə mbai, par gə́ tarəw gə́ to mbuna ndògo-bɔrɔje gə́ joo ndá deḛ d’un rəw gə́ aw gə́ ndaa-loo’g.

Jeremi 9:23

Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

Amɔs 5:9

Yeḛ ar tuji ḭ oso dɔ njésiŋgamoŋje’g ləm, Yeḛ ar tuji oso dɔ kəi-kaar-kɔgərɔje’g ləm tɔ.