Amɔs 2:13 - Maktub gə́ To gə Kəmee

¹³ Aa ooje, n’a mbɔḭ sí naŋg mbajila-mbajila To gə́ pusu gə́ d’odo ne dɔmaḭ-kó lé mbɔḭ ne naŋg bèe.

Amɔs 2:13 ပူးပေါင်းရင်းမြစ်များ

Gḭ-Néje 37:7

Jeḛ j’isi n’tɔ dɔ-maḭ kó mee ndɔ’g. Ndá dɔ-maḭ kó ləm-ma lé dəa to gə́ tar ndá ka̰ sí-seḭje lé gugu dəa sub ləm, d’ula dɔ dee naŋg nea̰’g ləm tɔ.

Maktub gə́ wɔji dɔ Jɔb 39:12

See i a kɔm məəi dəa’g karee ree gə kó ləi kəi kari wa. See yee nja a mbo̰ kó kɔm dɔ na̰’d loo-kunda-kó’g ləi wa.

Pakɔsje 78:40

Gɔl bula ndá deḛ d’ḭ d’oma̰ səa dɔdilaloo’g ləm, Gɔl bula ndá d’ar oŋg ḭ səa dɔ dee’g Mee looje gə́ tudu kurum-kurum’g ləm tɔ.

Esai 1:14

Ndɔ ra naḭje lə sí gə́ teḛ sigi, Gə naḭje lə sí lé Ma m’ə̰ji dee bəḭ-bəḭ, Deḛ to nékodo gə́ wɔi dɔm’g ləm, Rɔm asm dɔ dee’g ləm tɔ.

Esai 43:24

Seḭ ndogoje né gə́ ə̰də sululu gə lar amje el ləm, Ubu nékinjanéməsje lə sí lé seḭ amje m’nda̰ ndanee el ləm tɔ, Nɛ seḭ nja jɔgmje gə kaiya ra síje ləm, Seḭ amje m’dao dao-dao gə mbata néra kori-korije lə sí ləm tɔ.

Esai 7:13

Esai tel ulá tɔɓəi pana: Seḭ ŋgaka Dabid lé urje mbi sí! See naa gə́ seḭ naaje meekila lə dəwje lé to né gə́ lam ba ɓa seḭ naaje meekila lə Ala tɔɓəi wa.

Ejekel 16:43

Mbaidɔmbaije gə́ Njesigənea̰ pa pana: Mbata i ar məəi olé dɔ ndɔje gə́ i nai ne ŋgon lé el ləm, mbata i ndo̰ ta neḛ gə néje neelé lai ləm tɔ ndá aa oo, n’a kar bo̰ panjaai ɔs tai’g, bèe ɓa i a ra kaiya korè ne dɔ néraije gə́ mina̰ lé el ŋga.

Ejekel 6:9

Njé’g lə sí gə́ taa rɔ dee lé meḛ dee a kolé dɔ neḛ’g mbuna ginkoji dəwje gə raŋg’d gə́ d’a kaw sə dee gə́ ɓərje mbuna dee’g lé mbata n’a tɔ meekədərə lə dee gə́ d’uba ne neḛ d’ya̰ ne neḛ lé ləm, gə kəm dee gə́ ndolè ne goo magəje lə dee ləm tɔ, deḛ ya d’a kḛji rɔ dee bəḭ-bəḭ mbata lə néraje gə́ mina̰ gə́ deḛ ra ləm, mbata néra ramje lə deḛ lai ləm tɔ.

Malasi 2:17

Tapa sí lé ar Njesigənea̰ dao ne, nɛ seḭ pajena: See seḭ areeje dao ne to gə́ ban wa. To loo gə́ seḭ pajena: Nana ɓa gə́ ra né gə́ majel lé yeḛ to dəw gə́ maji kəm Njesigənea̰’g, yeḛ nja ɓa mée lelee dəa’g. Esé see Ala gə́ njegaŋgta gə goo rəbee lé si ra wa.

Bula lə Israɛlje 7:3

Deḛ ree gə nékar lə dee no̰ Njesigənea̰’g togə́bè: pusuje misa̰ gə́ dəb né dɔ dee’g bugum ləm, gə maŋgje dɔg-gir-dee-joo ləm tɔ ndá pusu kára wɔji dɔ dəwje gə́ boi joo-joo ləm, maŋg kára wɔji dɔ dəw gə́ boi kára-kára ləm tɔ, deḛ ree ne no̰ kəi-kubu’g lə Ala.