Amɔs 2:12 - Maktub gə́ To gə Kəmee

¹² Nɛ seḭ lé seḭ arje deḛ gə́ saŋg rɔ dee D’unda rɔ dee gə kəmee lé D’ai mán-nduú gə́ mi ləm, Seḭ unje ndu sí arje njéteggintaje pajena: Seḭ a tegje ginta el ləm tɔ!

Amɔs 2:12 ပူးပေါင်းရင်းမြစ်များ

Esai 30:10

Deḛ d’ula njénékooje pana: Maji kar sí toje njénékooje el! Tɔɓəi d’ula njéteggintaje pana: Tegje gintaje gə́ tɔgərɔ ar síje el tɔ. Nɛ taje gə́ ka̰ su kəm loo ɓa ula síje ləm, Tegje gintaje gə́ rii ar síje ləm tɔ!

Jeremi 11:21

Gelee gə́ nee ɓa Njesigənea̰ pata koma̰ ne dəwje gə́ Anatot gə́ saŋg loo tɔlm gə́ d’ulam pana: Maji kam m’tegginta gə ri Njesigənea̰ el nà n’a tɔlmje lé!

Jeremi 35:5

M’a m’unda baije gə́ mán-nduú gə́ mḭ rusu tub-tub ləm, gə kaje ləm tɔ no̰ dəwje gə́ to gel-bɔje lə Rekab. Ndá m’ula dee m’pana: Maji kar sí aije mán-nduú gə́ mḭ lé!

Amɔs 7:13

Nɛ maji kari tegginta Betel el ŋga mbata to kəi gə́ to gə kəmee lə mbai ləm, to kəi-mbai lə mbai ləm tɔ.

Amɔs 7:16

Ɓasinè, maji kari oo ta lə Njesigənea̰, i Amasia gə́ pa pana: M’tegginta m’ila dɔ Israɛlje’g el ləm, m’pata m’ila dɔ gel-bɔje’g lə Isaak el ləm tɔ lé.

Misee 2:6

Deḛ pana: A tegginta el. Maji kam m’tegginta mwɔji ne dɔ néje gə́ bèe lé el! Ta rɔkul gə́ m’pa lé a teḛ dɔ neḛje’g el!

Bula lə Israɛlje 6:2

Ula Israɛlje ta ndá i a kula dee pana: Loo gə́ diŋgam əsé dené a kɔr rəa mbuna mareeje’g mba kun ndukun gə́ ɓaree najirea gə mba kunda ne rəa gə kəmee kar Njesigənea̰ lé ndá

Bula lə Israɛlje 6:3

yeḛ a kɔg rəa dɔ mán-nduú gə́ mḭ’g ləm, gə dɔ nékaije gə́ miŋ ləm tɔ, yeḛ a kai ma̰-mas gə́ ra gə mán-nduú gə́ mḭ el ləm, əsé ma̰-mas gə́ ra gə nékai gə́ mḭ el ləm tɔ, yeḛ a kai nékai gə́ rara kara gə́ ra gə mán-nduú el ləm, yeḛ a sɔ kandə nduú gə́ təb əsé kandə nduú gə́ tudu nda̰ el ləm tɔ.