Amɔs 2:10 - Maktub gə́ To gə Kəmee

¹⁰ Nɛ neḛ lé kédé neḛ n’ar sí undaje loo mee ɓee gə́ Ejiptə teḛje ləm, N’ɔr no̰ sí dɔdilaloo’g as ləb rɔ-sɔ Gə mba kar sí taaje dɔ naŋg ɓee lə Amɔrje gə́ né ka̰ sí-seḭ ləm tɔ.

Amɔs 2:10 ပူးပေါင်းရင်းမြစ်များ

Nehemi 9:21

As ləb rɔ-sɔ lé i ar dee né gə́ d’aw ndée mee dɔdilaloo’g Ar né kára kara lal dee el ləm, Kubuje lə dee ŋgisi el ləma, Gɔl dee kara ti el ləm tɔ.

Pakɔsje 95:10

Koso-dəwje neelé taa rɔm togə́bè as ləbm rɔ-sɔ Am m’ə̰ji dee bəḭ-bəḭ m’pana: To koso-dəwje gə́ meḛ dee ər dee Ar dee gər ne rəwje ləm el.

Teḛ-Raga 12:51

Mee ndəa’g neelé ya Njesigənea̰ ar Israɛlje d’unda loo mee ɓee gə́ Ejiptə teḛ gə goo njérɔje lə dee lə dee.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Teḛ-Raga 3:8

Bèe ɓa ma m’ree mba kɔr dee ji Ejiptəje’g ləm, gə mba kɔr no̰ dee teḛ sə dee mee ɓee gə́ maji gə́ tad yaa̰ ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ, to loo-si Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ.

Jeremi 2:6

Deḛ dəji ta nee pana: See Njesigənea̰ gə́ ar sí j’undaje loo Mee ɓee gə́ Ejiptə n’teḛje ləm, Yeḛ gə́ ɔr no̰ sí dɔdilaloo’g Gə́ to dɔ naŋg’d gə́ tudu kurum-kurum Gə́ bwaje taa pəl-pəl ləm, Gə́ dɔ naŋg gə́ loo-tudu Gə yoo d’o̰ ɓee keneŋ ləm, Gə́ dɔ naŋg gə́ dəw kára kara Dəs keneŋ el ləma, Dəw kára kara ra ɓee keneŋ el ləm tɔ lé See si ra bèe wa.

Ejekel 20:10

Yee ɓa neḛ n’ar dee d’unda loo mee ɓee gə́ Ejiptə teḛ ndá neḛ n’aw sə dee dɔdilaloo’g.

Amɔs 3:1

Seḭ Israɛlje gə́ m’ar sí undaje loo teḛje mee ɓee gə́ Ejiptə lé maji kar sí ooje ta nee gə́ Njesigənea̰ pa sə sí lé!

Amɔs 9:7

Njesigənea̰ pa togə́bè pana: Seḭ Israɛlje lé See seḭ toje asjena gə Etiopije mbata lə neḛ el wa. See neḛ ɓa n’ar Israɛlje d’unda loo mee ɓee gə́ Ejiptə teḛ el wa To gə́ neḛ ɓa n’ar Pilistije d’unda loo mee ɓee gə́ Kaptɔr teḛ ləm, N’ar Aramje d’unda loo mee ɓee gə́ Kir teḛ ləm tɔ el wa.

Misee 6:4

See to mbata kar gə́ m’ar sí undaje loo mee ɓee gə́ Ejiptə teḛje lé wa. See to mbata kɔr gə́ m’ɔr sí ɓee-ɓər’g m’ɔm sí tar ləm Gə kula gə́ m’ula Moyis gə Aaro̰ gə Mari M’ar dee d’aw no̰ sí’g lé wa.

Bula lə Israɛlje 13:32

Deḛ pata gə́ yèr dɔ ɓee gə́ d’aw tən loo keneŋ lé no̰ Israɛlje’g. Deḛ pana: Ɓee gə́ jeḛ j’aw njaa keneŋ mba tən koo lé to ɓee gə́ tuji dəwje ləa gə́ d’isi keneŋ, deḛ lai gə́ j’oo dee keneŋ lé to dəwje gə́ kagrɔ dee ŋgal,

Bula lə Israɛlje 21:25

Israɛlje lé taa ɓee-booje lə deḛ lai ndá d’isi mee ɓee-booje’g lə Amɔrje lai, mee ɓee gə́ Esbon ləm, gə ŋgan-ɓeeje lai gə́ gugu dəa sub ləm tɔ.

Bula lə Israɛlje 32:13

Oŋg lə Njesigənea̰ ḭ səa pu dɔ Israɛlje’g ndá yeḛ ar dee d’ila rima-rima gə́ dɔdilaloo as ləb dee rɔ-sɔ saar kar deḛ lai gə́ ra né gə́ majel kəm Njesigənea̰’g lé d’udu bo̰ ɓa.

Néra Njékaḭkulaje 13:18

Yeḛ ul dee dɔdilaloo’g as ləb dee rɔ-sɔ.

Néra Njékaḭkulaje 7:42

Yen ŋga mee Ala tel sə dee gel aree sula dee ne sɔgɔ dan népole gə́ wɔji dɔ boo-néje gə́ dara, to gə́ deḛ ndaŋg ne taree mee maktub’g lə njéteggintaje’g pana: Seḭ ŋgaka Israɛlje gə́ kojikəi lé Loo gə́ seḭ awje dɔdilaloo’g as ləb sí rɔ-sɔ lé See seḭ injaje nékulje gə́ nékinjanéməsje amje wa.

Tel tura Godndu 1:39

Ŋgan síje gə́ nai gɔ-gɔ gə́ seḭ pajena: D’a tel to nékwa lé ləm, gə ŋgan síje gə́ ɓogənè gər né gə́ maji gə né gə́ majel el ləm tɔ lé deḛ nja ɓa d’a kandə keneŋ, deḛ ɓa m’a kar dee karee to ka̰ dee-deḛ ya.

Tel tura Godndu 2:7

Mbata Ala lə sí gə́ Njesigənea̰ tɔr ndia dɔ sí’g gə dɔ kulaje lai gə́ seḭ raje gə ji sí ləm, yeḛ gər rəw-kaw sí gə́ seḭ awje ne dɔdilaloo gə́ tad rəg-rəg’d neelé ləm tɔ. Aa ooje, as ləb rɔ-sɔ lé Ala lə sí gə́ Njesigənea̰ nai sə sí ar né kára kara lal sí el.

Jujé 13:4

un kudee dɔkɔl lé ɓee lə Kana̰je lai ləm, gə Meara gə́ to ka̰ Sido̰je saar teḛ ne Apek, saar teḛ ne rəw-nim-ɓee’g lə Amɔrje ləm tɔ,

Jujé 24:8

Ma m’ɔr no̰ sí m’teḛ sə sí mee ɓee’g lə Amɔrje gə́ d’isi kel tura-baa gə́ Jurdɛ̰ gə́ nu ndá deḛ rɔ sə sí ya. Nɛ ma m’ya̰ dee ji sí’g ndá seḭ taaje ɓee lə dee gə́ né ka̰ sí-seḭ, tɔɓəi ma m’tuji dee no̰ sí’g tɔ.