Amɔs 1:8 - Maktub gə́ To gə Kəmee

⁸ N’a tuji njéɓeeje gə́ Asdod pugudu-pugudu ləm, Gə yeḛ gə́ wa kag-mbai jia’g mee ɓee gə́ Askalo̰ ləm tɔ. N’a tel gə ji neḛ kɔs ne Ekro̰je ləm, Pilistije gə́ nai lé kara d’a tuji ləm tɔ. Mbaidɔmbaije gə́ Njesigənea̰ ɓa pa bèe.

Amɔs 1:8 ပူးပေါင်းရင်းမြစ်များ

2 Sôrta Gḭka Israɛlje 26:6

Yeḛ rɔ gə Pilistije ndá yeḛ təd ndògo-bɔrɔ gə́ Gat ləm, gə ndògo-bɔrɔ gə́ Jabne ləma, gə ndògo-bɔrɔ gə́ Asdod ləm tɔ, tɔɓəi yeḛ unda ɓee-booje dɔ naŋg’d gə́ Asdod ləm, gə mbuna Pilistije’g ləm tɔ.

Pakɔsje 81:14

Wai! Ɓó lé dəwje ləm d’oo ta tam’g, Ɓó lé Israɛlje njaa gə goo rəwje ləm tɔ ndá

Esai 1:25

N’a tel gə ji neḛ par gə́ rɔ sí-seḭ gə́ Jerusalem ləm, N’a kar siḭ-lar lə sí léḛ Kɔr ne yiro gə́ keneŋ ləma, Ŋgwɔi rɔm gə́ nai lé N’a kɔr ndad-ndad ləm tɔ.

Esai 20:1

Ləb gə́ Sargo̰, mbai gə́ Asiri ula ne Tarta̰ aree aw aḭ ne dɔ Asdod sub gə rɔ dumee ne lé,

Jeremi 47:1

Ta gə́ Njesigənea̰ ula Jeremi, njetegginta wɔji ne dɔ Pilistije kédé ɓad ɓa Parao̰ aw rɔ gə njé gə́ Gaja ɓəi.

Ejekel 25:16

gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, n’a kula ji neḛ ndiŋ dɔ Pilistije’g ndá n’a tuji Keretje ləm, ges deḛ gə́ nai ta baa-boo-kad’g lé kara n’a tuji dee pugudu ya ləm tɔ.

Joɛl 3:4

Kàr a tel ndul njudu-njudu ləm, Naḭ a tel kas to gə́ məs bèe ləm tɔ Ɓad ɓa kar ndɔ lə Mbaidɔmbaije a teḛ ɓəi, A to ndɔ gə́ boo ləm, gə ndɔ nduba rɔ ləm tɔ.

Amɔs 1:7

N’a kula gə pər dɔ ndògo-bɔrɔ gə́ Gaja Karee roo kəi-mbaije lé dula-dula.

Amɔs 3:9

Ɔrje ndu sí gə́ tar wəl mee kəi-mbaije gə́ Asdod ləm, Gə mee kəi-mbaije gə́ mee ɓee gə́ Ejiptə ləm tɔ. Seḭ a pajena: Maji kar sí mbo̰je dɔ na̰ dɔ mbal’g Samari Ooje kaw dɔ na̰’d pum-pum mee ɓee’g neelé ləm, Gə néraje gə́ kərm-kərm gə́ deḛ ra keneŋ lé ləm tɔ.

Abdias 1:18

Ginkoji Jakobje d’a to asəna gə pər bèe ləm, Gel-bɔje lə Jisəb d’a to asəna gə ndo̰ pər bèe ləm tɔ, Nɛ ginkoji Esawuje d’a to asəna gə ləm-mu Gə́ d’a kila pər keneŋ karee o̰ hao̰ bèe, Ndá ginkoji Esawuje d’a nai kára kara el Mbata Njesigənea̰ ɓa pa bèe.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Jakari 9:5

Njé gə́ Askalo̰ d’a kée ndá d’a si dan ɓəl’g, Njé gə́ Gaja kara d’a ɓəl kunda bala tigi-tigi ləma, Njé gə́ Ekro̰ kara d’a ɓəl ləm tɔ, Mbata meekundayel lə dee tel to nérɔkul. Mbai gə́ Gaja a sané pá ləm, Ɓee gə́ Askalo̰ kara dəwje d’a godo keneŋ ləm tɔ.

Jakari 9:6

Dəwje gə́ d’ula ginkoji dee na̰’d ɓa d’a ra ɓee Asdod. Ndá n’a kunda néti-rɔ lə Pilistije lé naŋg rab-rab.

1 Samel 6:17

Aa ooje, néje gə́ ra gə larlɔr ndaji ne nékubaje gə́ Pilistije d’ar Njesigənea̰ gə́ nékoga dɔ kaiya lé ɓa nee: kára gə mba Asdod ləm, kára gə mba Gaja ləm, kára gə mba Askalo̰ ləm, kára gə mba Gat ləma, kára gə mba Ekro̰ ləm tɔ.