Amɔs 1:7 - Maktub gə́ To gə Kəmee

⁷ N’a kula gə pər dɔ ndògo-bɔrɔ gə́ Gaja Karee roo kəi-mbaije lé dula-dula.

Amɔs 1:7 ပူးပေါင်းရင်းမြစ်များ

2 Mbaije 18:8

Yeḛ rɔ gə Pilistije dum dɔ dee saar teḛ Gaja ndá yeḛ tuji dɔ naŋgje lə dee, un kudee kəije gə́ ŋgal gə́ duu dɔ loo lə njéŋgəmlooje lé saar teḛ ne ɓee-booje gə́ ndògo-bɔrɔ gugu dɔ dee sub.

2 Sôrta Gḭka Israɛlje 26:6

Yeḛ rɔ gə Pilistije ndá yeḛ təd ndògo-bɔrɔ gə́ Gat ləm, gə ndògo-bɔrɔ gə́ Jabne ləma, gə ndògo-bɔrɔ gə́ Asdod ləm tɔ, tɔɓəi yeḛ unda ɓee-booje dɔ naŋg’d gə́ Asdod ləm, gə mbuna Pilistije’g ləm tɔ.

Jeremi 47:1

Ta gə́ Njesigənea̰ ula Jeremi, njetegginta wɔji ne dɔ Pilistije kédé ɓad ɓa Parao̰ aw rɔ gə njé gə́ Gaja ɓəi.

Jeremi 47:5

Njé gə́ Gaja ndisa dɔ dee ŋgori-ŋgori ləm, Njé gə́ Askalo̰ lé d’isi ta dee mundu ləma, Gə ges ndag-loo lə dee na̰’d bèe ya ləm tɔ. See saar ndɔ gə́ ra ɓa seḭ a kundaje ŋgaŋ kinja rɔ sí pədərə-pədərə bèe ɓəi wa.

Ejekel 30:8

Loo gə́ n’a kila pər mee ɓee gə́ Ejiptə’g kar njégədeje lai təd rém-rém ndá yee ɓa d’a gər ne to gə́ neḛ n’to Njesigənea̰ ya.

Ejekel 39:6

N’a kula pər mee ɓee gə́ Magɔg’d ləm, gə mbuna deḛ gə́ d’isi gə́ majee dɔgoré-looje’g ləm tɔ, bèe ɓa deḛ d’a gər ne to gə́ neḛ n’to Njesigənea̰.

Amɔs 1:4

N’a kula gə pər karee oso dɔ kəi’g lə Ajael Karee roo kəi-mbaije lə Ben-Adad dula-dula ya tɔ.

Amɔs 1:6

Njesigənea̰ pa togə́bè pana: Gə mbata kaiya ra Gajaje gə́ aw gə́ kédé-kédé lé ndá N’a tel gə ndu neḛ nda̰ el, Mbata deḛ d’wa koso-dəwje bula Gə́ ɓərje d’ɔm dee ji Edɔmje’g.

Amɔs 1:8

N’a tuji njéɓeeje gə́ Asdod pugudu-pugudu ləm, Gə yeḛ gə́ wa kag-mbai jia’g mee ɓee gə́ Askalo̰ ləm tɔ. N’a tel gə ji neḛ kɔs ne Ekro̰je ləm, Pilistije gə́ nai lé kara d’a tuji ləm tɔ. Mbaidɔmbaije gə́ Njesigənea̰ ɓa pa bèe.

Soponi 2:4

Mbata Gajaje lé d’a kuba dee kya̰ dee ləm, Ɓee gə́ Askalo̰ a tel to dɔdilaloo ləm, Asdodje lé d’a tuba dee loo gə́ kàr aar daŋdɔ ya ləma, Ekro̰je kara d’a tɔs dee ɓɔgədɔ ɓɔgədɔ tɔr dee ləm tɔ.

Njé gə́ Rɔmə 12:19

Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana: Dalba̰ néra lé wɔji dɔ neḛ nja, Neḛ nja ɓa n’a kar bea̰ ɔs ta loo’g. Mbaidɔmbaije lé pa bèe.

Tel tura Godndu 32:35

Dalba̰ gə bo̰ néra lé wɔji dɔm ma nja, Loo gə́ gɔl dee a gə kunda ndolé, Mbata ndɔ nékəmndooje lə dee nai dəb ləm, Né gə́ to ŋgina dee lé kara A tila gə́ tila el ləm tɔ.