Amɔs 1:5 - Maktub gə́ To gə Kəmee

⁵ N’a təd pəgərə-larje tarəw ɓee-boo gə́ Damas ləm, N’a tuji njéɓeeje gə́ Bikat-Aben pugudu-pugudu ləma, Gə yeḛ gə́ wa kag-mbai jia’g mee ɓee gə́ Bet-Edḛ ləm tɔ. D’a kwa dəwje gə́ Siri gə́ ɓərje Kaw sə dee mee ɓee gə́ Kir, Njesigənea̰ ɓa pa bèe.

Amɔs 1:5 ပူးပေါင်းရင်းမြစ်များ

2 Mbaije 14:28

Ges sorta néraje lə Jeroboam, gə néje lai gə́ yeḛ ra, gə nésiŋgamoŋje ləa gə́ loo-rɔ’g, gə loo gə́ yeḛ ar ɓeeje gə́ Damas gə Amat gə́ to ka̰ Juda kédé lé tel to gel siŋgamoŋ’d lə Israɛlje gogo to lé deḛ ndaŋg taree mee Maktub-sorta néraje’g lə mbaije gə́ Israɛl lé ya.

2 Mbaije 16:9

Mbai gə́ Asiri ɔm səa na̰’d dɔ ta’g ləa ndá yeḛ aw rɔ gə ɓee gə́ Damas tədee rɔ, tɔɓəi yeḛ wa koso-dəwje ɓər aw sə dee Kir ləm, yeḛ tɔl Resin ləm tɔ.

Esai 22:6

Njé gə́ Elam d’odo ku ɓandaŋgje, Pusu lə njérɔje ləm, Gə njérɔ gə kundaje ləm tɔ ree ne, Njé gə́ Kir kara teḛ gə dərje lə dee gə́ raga tɔ.

Esai 43:14

Njesigənea̰, njekoga dɔ sí Gə́ to Njerɔkunda lə Israɛlje lé Pa togə́bè pana: Gə mbata lə sí-seḭ ɓa Ma m’ula ne njeba̰ m’aree rɔ ne gə njé gə́ Babilɔn gə mbəa Ndá m’ar dee-deḛ lai gə́ to njékaḭje d’oso ləm, Gə Kaldeje gə́ d’aḭ gə batoje lə dee Gə́ d’ɔs ne gaji rɔ dee lé kara d’oso ləm tɔ.

Esai 8:4

Mbata ɓad ɓa mba kar ŋgon gər loo pana: Bai! əsé ya! lé ɓəi ndá d’a kodo nébaoje gə́ Damas gə nébanrɔje gə́ Samari kaw ne rɔ mbai gə́ Asiri’g.

Jeremi 50:36

Ɔrje kiambas wɔjije ne njéteggintaje gə́ ŋgɔm! Ar deeje tel to d’asəna gə mbəje! Ɔrje kiambas wɔjije ne bao-rɔje! Arje ɓəl unda dee ɓad gaŋg dee!

Jeremi 51:30

Bao-rɔje gə́ Babilɔn d’əw rɔ dee rɔ ləm, Deḛ d’isi mee kəi-kaar-kɔgərɔje’g ləma, Siŋga dee godo Ar dee to d’asəna gə denéje bèe ləm tɔ. Deḛ tula pər dɔ kəije’g lə ɓee lé biriri-biriri ləm, Deḛ təd pəgərə tarəwje ləa kərm-kərm ləm tɔ.

Nɔ̰-ndôo gə́ wɔji dɔ Jerusalem 2:9

Tarəwkɔgje ləa lai təd kərm-kərm ləm, Yeḛ təd pəgərəje ləa jané dee kad-kad ləm tɔ. Mbai ləa gə ŋgan-mbaije ləa lé D’isi mbuna ginkoji dəwje gə raŋg’g, Godndu godo. Njéteggintaje kara Njesigənea̰ Riba sə dee dɔ némḭdije kára kara el tɔ.

Ejekel 27:23

Njé gə́ Khara̰, gə Kane, gə Edḛ gə njérab-néndogoje gə́ Seba gə Asiri gə Kilmad lé seḭ sə deeje toje njéndogo gə na̰ néje.

Ejekel 30:17

Basaje gə́ Ɔn gə Pi-Béset lé d’a kwəi yoo-kiambas ləm, njé gə́ ɓee-booje’g neelé d’a kwa dee kaw sə dee ɓee-ɓər’g ləm tɔ.

Ojee 10:8

Dɔ looje gə́ ndəw gə́ Bet-Aben Loo gə́ Israɛlje ra kaiya keneŋ lé D’a tuji pugudu, Kunje gə kun-pɔrɔrɔje D’a kuba loo-pole-magje’g lə dee. D’a kula mbalje pana: Juraje dɔ sí’g! D’a kula dɔdərlooje pana: Ɓuguje dɔ sí’g!

Amɔs 5:5

Maji kar sí saŋgmje Betel el ləm, Awje Gilgal el ləma, Dəsje awje Beer-Seba el ləm tɔ. Mbata njé gə́ Gilgal lé d’a kwa dee ɓər ləm, Betel kara a tuji pugudu-pugudu ləm tɔ.

Amɔs 9:7

Njesigənea̰ pa togə́bè pana: Seḭ Israɛlje lé See seḭ toje asjena gə Etiopije mbata lə neḛ el wa. See neḛ ɓa n’ar Israɛlje d’unda loo mee ɓee gə́ Ejiptə teḛ el wa To gə́ neḛ ɓa n’ar Pilistije d’unda loo mee ɓee gə́ Kaptɔr teḛ ləm, N’ar Aramje d’unda loo mee ɓee gə́ Kir teḛ ləm tɔ el wa.

Nahum 3:13

Aa ooje, koso-dəwje lə sí to d’asəna gə denéje gə́ mee ɓee’g lə sí ləm, Tarəwkɔgje lə ɓee lə sí teḛ to tag bə̰dəŋ no̰ njéba̰je’g lə sí ləma, Pər roo pəgərə tarəwje lə sí ləm tɔ.