Amɔs 1:4 - Maktub gə́ To gə Kəmee

⁴ N’a kula gə pər karee oso dɔ kəi’g lə Ajael Karee roo kəi-mbaije lə Ben-Adad dula-dula ya tɔ.

Amɔs 1:4 ပူးပေါင်းရင်းမြစ်များ

1 Mbaije 19:15

Njesigənea̰ ulá pana: Tel aw un rəw gə́ dɔdilaloo’g gogo saar teḛ Damas nɛ loo gə́ i teḛ keneŋ ndá i a kwa dɔ Ajael gə ubu mba kundá gə́ mbai gə́ Siri.

2 Mbaije 13:25

Ɓee-booje gə́ Ajael taa ji Joakas gə́ to bɔ Joasje loo rɔ’g lé Joas, ŋgolə Joakas tel taa dee ji Ben-Adad, ŋgolə Ajael’g gogo. Joas rɔ səa as gɔl munda ndá yeḛ taa ɓee-booje lə Israɛl lé gogo tɔ.

2 Mbaije 13:3

Bèe ɓa oŋg lə Njesigənea̰ ḭ ne səa pu dɔ Israɛlje’g ndá yeḛ uba dee ya̰ dee ne ji Ajael, mbai gə́ Siri’g ləm, gə ji Ben-Adad, ŋgolə Ajael’g ləm tɔ gə mee ndəaje lai gə́ mbaije neelé d’isi ne kəmba lé.

2 Mbaije 6:24

Gée gə́ gogo, Ben-Adad, mbai gə́ Siri mbo̰ njérɔje ləa lai ndá aw aḭ ne dɔ Samari sub.

2 Sôrta Gḭka Israɛlje 16:2

Asa teḛ gə larnda gə larlɔr gə́ to mbuna nébaoje’g mee kəi’g lə Njesigənea̰ ləm, gə mee kəi’g lə mbai ləm tɔ ndá yeḛ ar kuraje ləa d’aw ne rɔ Ben-Adad, mbai gə́ Siri’d gə́ si Damas gə mba kulá pana:

Jeremi 17:27

Nɛ loo gə́ m’un ndum m’ar sí mba kar sí undaje ndɔ-kwa-rɔ gə kəmee ləm, kar sí odoje nékodo gə́ wɔi a̰dje ne tarəwkɔgje’d gə́ Jerusalem mee ndɔ-kwa-rɔ’g el ləm tɔ lé ɓó lé seḭ unje mbi sí rəw dɔ’g ndá m’a kila pər tarəwkɔgje’g lə ɓee-boo karee roo kəi-mbaije gə́ Jerusalem dula-dula kar pəree wəi nda̰ el.

Jeremi 49:27

M’a kila pər mee ɓee-boo gə́ Damas karee roo kəi-mbaije lə Ben-Adad dula-dula.

Ejekel 30:8

Loo gə́ n’a kila pər mee ɓee gə́ Ejiptə’g kar njégədeje lai təd rém-rém ndá yee ɓa d’a gər ne to gə́ neḛ n’to Njesigənea̰ ya.

Ejekel 39:6

N’a kula pər mee ɓee gə́ Magɔg’d ləm, gə mbuna deḛ gə́ d’isi gə́ majee dɔgoré-looje’g ləm tɔ, bèe ɓa deḛ d’a gər ne to gə́ neḛ n’to Njesigənea̰.

Ojee 8:14

Israɛlje d’ar meḛ dee wəi dɔ yeḛ gə́ njekunda dee’g Ndá deḛ d’unda kəi-mbaije ləm, Judaje kara d’ar ɓee-booje gə́ gə siŋga dee lé D’ḭ dɔ maree’d gə́ kédé-kédé ləm tɔ. Nɛ m’a kar pər roo ɓee-booje lə dee ləm, A roo kəi-mbaije lə dee ləm tɔ.

Amɔs 1:10

N’a kula gə pər dɔ ndògo-bɔrɔ gə́ Tir Karee roo kəi-mbaije dula-dula ya.

Amɔs 1:12

N’a kula gə pər dɔ Temanje’g Karee roo kəi-mbaije gə́ Bosra dula-dula ya.

Amɔs 1:14

Mee kàree gə́ lul njérɔje ɓar loo-rɔ’g ləm, Dan lel-mal gə́ ḭ mee ndəa gən ɓir lé bèe ləm tɔ lé N’a kula gə pər dɔ ndògo-bɔrɔ’d gə́ Raba Karee roo kəi-mbaije dula-dula.

Amɔs 1:7

N’a kula gə pər dɔ ndògo-bɔrɔ gə́ Gaja Karee roo kəi-mbaije lé dula-dula.

Amɔs 2:2

N’a kula gə pər mee ɓee gə́ Moab Karee roo kəi-mbaije gə́ to Kerijot, Moabje lé d’a kwəi loo gə́ d’a kaw dɔ na̰’d pum-pum ləm, Gə dan lul’g lə njérɔje ləma, Gə dan ndu to̰to̰je gə́ ɓar lé ləm tɔ.

Amɔs 2:5

N’a kula gə pər mee ɓee gə́ Juda’g Karee roo kəi-mbaije gə́ Jerusalem dula-dula ya.

Njéga̰g-Rəwtaje 9:57

Tɔɓəi Ala ar néra majelje lai gə́ koso-dəwje gə́ Sikem ra lé tel oso dɔ dee’g tɔ. Yee ɓa ta ndɔl gə́ Jotam, ŋgolə Jerubaal ila dɔ dee’g lé aw ne lée’g béréré ya.