Amɔs 1:3 - Maktub gə́ To gə Kəmee

³ Njesigənea̰ ɓa pa togə́bè pana: Gə mbata kaiya ra Damasje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ tal Galaadje ras-ras gel kag-lar’g To gə́ d’unda ne kó bèe.

Amɔs 1:3 ပူးပေါင်းရင်းမြစ်များ

1 Mbaije 19:17

Bèe ɓa gə mba kar deḛ gə́ d’a teḛ ta kiambas’g lə Ajael lé Jehu a tɔl dee ya, tɔɓəi deḛ gə́ teḛ ta kiambas’g lə Jehu ndá Elije ɓa a tɔl dee tɔ.

2 Mbaije 13:3

Bèe ɓa oŋg lə Njesigənea̰ ḭ ne səa pu dɔ Israɛlje’g ndá yeḛ uba dee ya̰ dee ne ji Ajael, mbai gə́ Siri’g ləm, gə ji Ben-Adad, ŋgolə Ajael’g ləm tɔ gə mee ndəaje lai gə́ mbaije neelé d’isi ne kəmba lé.

2 Mbaije 13:7

Ɓai dəwje lə Joakas gə́ Njesigənea̰ ya̰ dee aree ɓa nee: Njérɔ gə kundaje rɔ-mi ba, gə pusu-rɔje dɔg, gə dəwje gə́ to goŋ-rɔje tɔl-dɔg-loo-dɔg (10.000) tɔ, mbata mbai gə́ Siri tuji dee ar dee to d’asəna gə babur gə́ deḛ tuba naŋg gə gɔl dee bèe ya.

2 Mbaije 16:9

Mbai gə́ Asiri ɔm səa na̰’d dɔ ta’g ləa ndá yeḛ aw rɔ gə ɓee gə́ Damas tədee rɔ, tɔɓəi yeḛ wa koso-dəwje ɓər aw sə dee Kir ləm, yeḛ tɔl Resin ləm tɔ.

2 Mbaije 8:12

Ajael dəjee pana: See gelee ban ɓa mbai ləm no̰ ne wa. Ndá Elije tel ilá keneŋ pana: Mbata ma m’gər némajel gə́ i a gə ra gə Israɛlje lé: i a gə kila pər dɔ ɓee-booje’g lə dee gə́ siŋga dee to kɔgərɔ-kɔgərɔ ləm, i a gə tɔl basaje lə dee gə kiambas ləm, i a gə rəd ŋgan deeje gə́ nai gɔ-gɔ naŋg ləma, i a gə ta̰ mee denéje lə dee gə́ d’aw gə kèm lé ləm tɔ.

Maktub gə́ wɔji dɔ Jɔb 19:3

Aa ooje, as gɔl dɔg ŋga seḭ ulaje sul dɔm’g. See rɔ sí kul loo gə́ seḭ uduje mbim gə taje gə́ togə́bè lé el wa.

Maktub gə́ wɔji dɔ Jɔb 5:19

Nékəmndooje gə́ gɔl misa̰ lé yeḛ a kɔri keneŋ Ndá njekɔm’g gɔl siri a tibi mbɔri el tɔ.

Gosota-Kəmkàrje 6:16

Néje misa̰ gə́ Njesigənea̰ Ǝ̰ji dee bəḭ-bəḭ to keneŋ, Néje gə́ siri to né gə́ mina̰ kəmee’g togə́bè: Kəm njébeeleje’d gə́ d’aa ne loo ləm, Ndo̰ dəw gə́ njepa ta gə́ ŋgɔm ləm, Ji dəw gə́ ila məs njegelgodo naŋg ləm, Dɔ ɓəŋgərə dəw gə́ la̰ji tor Kwɔji néra gə́ kori-kori ləm, Gɔl dəw gə́ wɔilɔ pélé-pélé Gə́ dɔ néra gə́ majel’g ləm, Njegaŋgta gə́ pa taŋgɔm gə́ kédé-kédé ləma, Gə yeḛ gə́ to njekɔs gel takɔl Mbuna ŋgako̰ na̰je’g ləm tɔ.

Njekillamber 11:2

Kai nébaoje ləi ar dəwje loo sirije əsé loo jinaijooje’n bèe mbata i gər némeeko̰ gə́ a ree dɔ naŋg neelé el.

Esai 28:27

Dəw gə́ a ndɔr kun dɔ kamnaḭ gə́ to kər-bədərə el ləm, Esé a dəs gə gɔl pusu dɔ kamnaḭ gə́ ria lə kumin el ləm tɔ, Nɛ kər-bədərə gə kamnaḭ gə́ ria lə kumin lé Deḛ kunda gə ŋgon kag ɓa səgə-səgə.

Esai 41:15

Aa ooje, ma m’un sí m’ar sí toje Asəna gə gɔl pusu gə́ wɔji dɔ kó Gə́ to gə́ sigi ləm, adə làm-làm ləma, Ŋgaŋgee to keneŋ ləm tɔ. Seḭ a tɔje dɔ mbalje pɔs-pɔs Təd dee ne njigi-njigi ləm, Seḭ a puguduje dɔdərlooje lé naŋg pugudu-pugudu To gə́ ləm mu bèe ləm tɔ.

Esai 7:16

Nɛ ɓad ɓa gə mba kar ŋgon neelé gər loo mbad né gə́ majel gə mba kɔr kəm né gə́ maji ɓəi ndá ɓee gə́ i ɓəl mbaije gə́ joo keneŋ lé a tel to dɔ nduba.

Esai 7:8

Mbata ko̰ɓee gə́ Aram ɓa to Damas Ar Resin ɓa to mbai dɔ Damas tɔ. Nai as ləb rɔ-misa̰-giree-mi Ndá Eprayimje d’a tel to gə́ koso-dəwje el ŋga.

Esai 8:4

Mbata ɓad ɓa mba kar ŋgon gər loo pana: Bai! əsé ya! lé ɓəi ndá d’a kodo nébaoje gə́ Damas gə nébanrɔje gə́ Samari kaw ne rɔ mbai gə́ Asiri’g.

Amɔs 1:11

Njesigənea̰ ɓa pa togə́bè pana: Gə mbata kaiya ra Edɔmje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’un kiambas tuba ne ŋgako̰ deeje Ɓó d’oo kəmtondoo lə Israɛlje gə́ né el. Mbata oŋg lə dee al dɔ dee sula gə ndɔ dee ndɔ dee ləm, Deḛ d’ar oŋg lə dee ɔs kɔr meḛ dee’g saar gə no̰ ləm tɔ.

Amɔs 1:13

Njesigənea̰ ɓa pa togə́bè pana: Gə mbata kaiya ra Amo̰je gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ta̰ meḛ denéje gə́ Galaad gə́ d’aw gə kèm Gə mba kar tad dɔ naŋg lə dee-deḛ ḭ dɔ ne maree’g ɓəi.

Amɔs 1:6

Njesigənea̰ pa togə́bè pana: Gə mbata kaiya ra Gajaje gə́ aw gə́ kédé-kédé lé ndá N’a tel gə ndu neḛ nda̰ el, Mbata deḛ d’wa koso-dəwje bula Gə́ ɓərje d’ɔm dee ji Edɔmje’g.

Amɔs 1:9

Njesigənea̰ ɓa pa togə́bè pana: Gə mbata kaiya ra Tirje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ɔm koso-dəwje bula ji Edɔmje’d gə́ ɓərje Lal kar meḛ dee olé dɔ manrɔ’g lə ŋgako̰ deeje Gə́ deḛ man ne rɔ dee d’ar dee lé.

Amɔs 2:1

Njesigənea̰ ɓa pa togə́bè pana: Gə mbata kaiya ra Moabje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ roo siŋga mbai gə́ Edɔm Ar buée ndá to gə́ pɔrɔ bèe.

Amɔs 2:4

Njesigənea̰ ɓa pa togə́bè pana: Gə mbata kaiya ra Judaje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ə̰ji godndu Njesigənea̰ bəḭ-bəḭ ləm, Deḛ d’aa dɔ torndiaje kər-kər el ləm tɔ, Mbata magəje gə́ ŋgɔm ɓa ar dee ndəm ya, To magəje gə́ bɔ deeje-je kara ndolè goo dee ya tɔ.

Amɔs 2:6

Njesigənea̰ ɓa pa togə́bè pana: Gə mbata kaiya ra Israɛl gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ndogo njemeekarabasur gə lar ləm, Deḛ ndogo njendoo gə négɔl ləm tɔ.

Jakari 9:1

Ndərta gə́ Njesigənea̰ pa wɔji ne dɔ ɓee gə́ Hadrak ləm, Ta neelé wɔji dɔ ɓee-boo gə́ Damas ləm tɔ. Mbata kəm Njesigənea̰ to dɔ dəwje gə́ raŋg’d To gə́ to dɔ ginkoji Israɛlje’g bèe tɔ ,

Jakari 9:2

Ta neelé wɔji dɔ Amat Gə́ to rəw-nim-ɓee gə́ Damas ləma, Gə dɔ Tir gə Sido̰ Gə́ gosɔkəmkàr lə dee to yaa̰ lé ləm tɔ.