Amɔs 1:13 - Maktub gə́ To gə Kəmee

¹³ Njesigənea̰ ɓa pa togə́bè pana: Gə mbata kaiya ra Amo̰je gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ta̰ meḛ denéje gə́ Galaad gə́ d’aw gə kèm Gə mba kar tad dɔ naŋg lə dee-deḛ ḭ dɔ ne maree’g ɓəi.

Amɔs 1:13 ပူးပေါင်းရင်းမြစ်များ

2 Samel 12:31

Yeḛ ar koso-dəwje gə́ mee ɓee’g teḛ raga ndá yeḛ ɔm kulaje gə́ kədərə kədərə dɔ dee’g ar dee ra kula gə kiaje gə́ ka̰ kinja kagje ləm, gə négɔl dɔ naŋg gə́ təa adə gə́ ra gə larndul ləm, gə tinaje gə́ to larndul ləma, gə kula gə́ wɔji dɔ nuŋga bɔrɔje ləm tɔ. Yeḛ ra togə́bè gə ɓee-booje lə Amo̰je lai ya. Tɔɓəi Dabid gə njérɔje ləa lai tel d’aw Jerusalem gogo tɔ.

2 Mbaije 15:16

Yen ɓa Menahem rɔ ɓee gə́ Tipsa gə deḛ lai gə́ d’isi keneŋ, un kudee Tirsa saar teḛ dɔ naŋg’d ləa, yeḛ tɔl dee mbata deḛ d’ɔr tarəwɓee d’aree el, tɔɓəi yeḛ ta̰ meḛ denéje lai gə́ d’aw gə kèm.

2 Mbaije 24:2

Yen ŋga Njesigənea̰ ula kudu njérɔje gə́ Kalde, gə kudu njérɔje gə́ Siri, gə kudu njérɔje gə́ Moab, gə kudu njérɔje gə́ Amo̰ mba kar dee rɔ gə Jojakim lé, yeḛ ula dee ar dee rɔ gə Judaje mba tuji dee gə goo ta gə́ Njesigənea̰ pa gə ndu kuraje ləa gə́ to njéteggintaje lé.

2 Mbaije 8:12

Ajael dəjee pana: See gelee ban ɓa mbai ləm no̰ ne wa. Ndá Elije tel ilá keneŋ pana: Mbata ma m’gər némajel gə́ i a gə ra gə Israɛlje lé: i a gə kila pər dɔ ɓee-booje’g lə dee gə́ siŋga dee to kɔgərɔ-kɔgərɔ ləm, i a gə tɔl basaje lə dee gə kiambas ləm, i a gə rəd ŋgan deeje gə́ nai gɔ-gɔ naŋg ləma, i a gə ta̰ mee denéje lə dee gə́ d’aw gə kèm lé ləm tɔ.

2 Sôrta Gḭka Israɛlje 20:1

Goo néje’g neelé Moabje gə Amo̰je gə Maonje sə dee na̰’d d’ɔr rɔ d’aw rɔ gə Josapat.

2 Sôrta Gḭka Israɛlje 20:10

Ɓasinè aa oo, Amo̰je gə Moabje gə deḛ gə́ dɔ mbal gə́ Seir to deḛ ɓa loo gə́ Israɛlje d’ḭ Ejiptə lé ndá i ya̰ loo ar dee d’andə mee ɓee’g lə dee el mbata deḛ d’ɔs tel d’un rəw gə́ raŋg lal tuji dee,

Nehemi 2:19

Sanbalat, dəw gə́ Hɔro̰ ləm, gə Tobija, njeboakula ləa gə́ to dəw gə́ Amo̰ ləma, gə Gesem gə́ to Arabə ləm tɔ lé d’oo taree ndá deḛ kogo sí ləm, d’ə̰ji sí bəḭ-bəḭ ləm tɔ pana: See ɗi ɓa aw raje bèe wa. See seḭ ḭje mba kɔsje mbai lé rəw wa.

Pakɔsje 83:7

Deḛ gə́ d’isi mee kəi-kubuje’g lə Edɔmje, gə Ismaelje ləm, Gə Moabje, gə Hagareje ləm,

Esai 5:8

Meeko̰ a koso dɔ deḛ gə́ rɔd kəi ta na̰’d-na̰’d ləm, Gə deḛ gə́ taa loo-ndɔ gə́ kédé-kédé ləm tɔ Saar d’ar mbuna loo gə́ tḛ́ bèe kara nai el Ar dee d’isi ne gə kar dee ba mee ɓee’g.

Jeremi 25:21

M’ar Edɔmje gə Moabje gə Amo̰je d’ai.

Ejekel 21:28

Deḛ d’oo né neelé gə́ nékooje gə́ kari ba, deḛ gə́ manrɔ dee mba̰ lé. Nɛ yeḛ lé yeḛ ar mée olé dɔ néra kori-korije’g lə dee ndá d’a kwa dee kaw sə dee ɓee-ɓər’g ya.

Ejekel 25:1

Njesigənea̰ ulam ta gə rɔtaje nee pana:

Ejekel 35:10

Mbata i pana: Ginkoji dəwje gə raŋg loo joo ləm, ɓeeje gə́ joo ləm tɔ lé d’a to gə́ ka̰ síjeḛ. Lée Njesigənea̰ si lée’g neelé kara jeḛ j’a kar dee to ka̰ síjeḛ ya.

Ojee 14:1

Bo̰ néra Samarije a kɔs ta dee’g Mbata deḛ d’ḭ d’ɔs ta lə Ala lə dee rəw. D’a kwəi yoo-kiambas ləm, D’a twa ŋgan deeje kunda dee naŋg vaga-vaga tɔl dee ləma, Denéje lə dee gə́ d’aw gə kèm lé D’a riba meḛ dee ŋgərərə-ŋgərərə ləm tɔ.

Amɔs 1:3

Njesigənea̰ ɓa pa togə́bè pana: Gə mbata kaiya ra Damasje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ tal Galaadje ras-ras gel kag-lar’g To gə́ d’unda ne kó bèe.

Tel tura Godndu 2:19

seḭ a kawje pər gə́ rɔ Amo̰je’g. Nɛ maji kar sí saŋgje sə dee ta el ləm, a rɔje sə dee el ləm tɔ, mbata m’a kar sí né gə́ to ka̰ sí mee ɓee’g lə ŋgalə Amo̰ el nɛ ŋgalə Lɔt ɓa ma m’ar dee kédé mba̰ ya.