Amɔs 1:12 - Maktub gə́ To gə Kəmee

¹² N’a kula gə pər dɔ Temanje’g Karee roo kəi-mbaije gə́ Bosra dula-dula ya.

Amɔs 1:12 ပူးပေါင်းရင်းမြစ်များ

Gḭ-Néje 36:11

Ri Ŋgalə Elipaj ɓa to nee: Teman, Omar, Sepo, Gaetam gə Kenaj.

Gḭ-Néje 36:33

Bela wəi ndá Jobab, ŋgolə Jera gə́ ḭ Bosra lé o̰ ɓee toree’g.

1 Sôrta Gḭka-Israɛlje 1:44

Bela wəi ndá Jobab, ŋgolə Jera dəw gə́ Bosra ɓa o̰ ɓee toree’g.

Esai 34:5

Kiambas ləm teḛ mee dara’g, Aa ooje, yee a kḭ kur dɔ Edɔmje’g Dɔ koso-dəwje gə́ m’wɔji njaŋg Mba gaŋg rəwta dɔ dee’g tuji dee ne pugudu-pugudu.

Esai 34:6

Kiambas lə Njesigənea̰ lé məs gə ubu wa keneŋ mbəgə-mbəgə, To məs ŋgan badje gə bàl bya̰je ləm, To ubu gə́ wa reŋ bàl badje ləm tɔ, Mbata nékinjaməs lə Njesigənea̰ To mee ɓee-boo gə́ Bosra ləm, Yoo-dəwje to naŋg rib-rib mee ɓee gə́ Edɔm ləm tɔ.

Esai 63:1

See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Jeremi 49:13

Mbata ma man rɔm gə rim. Njesigənea̰ ɓa pa bèe. Bosra a to nékwa dɔ jiim ləm, gə nékila rɔkul-boo dɔ’g ləm, gə né gə́ tuji pugudu ləma, gə nékila ndɔl dɔ’g ləm tɔ, ndá ɓee-booje ləa lai d’a to dɔ nduba ya saar gə no̰.

Jeremi 49:20

Gelee gə́ nee ɓa maji kar sí ooje Né gə́ Njesigənea̰ wɔji Mba ra gə Edɔm ləm, Gə néje gə́ yeḛ wɔji gə mba ra Gə njéɓeeje gə́ Teman ləm tɔ! Tɔgərɔ, d’a ndɔr dee to gə́ ŋgan badje Gə́ siŋga dee godo bèe ləm, Tɔgərɔ, d’a tuji loo-si dee Pugudu-pugudu ləm tɔ.

Jeremi 49:22

Aa ooje, yeḛ ḭ nar bag to gə́ niŋgatə̰də bèe aw gə́ nee, yeḛ naji bagee dɔ Bosra’g ndá mee ndəa’g neelé meḛ bao-rɔje gə́ Edɔm gaŋg mán asəna gə dené gə́ si gə ndóo bèe.

Jeremi 49:7

Ta gə́ wɔji dɔ Edɔmje. Njesigənea̰ gə́ njeboo-néje ɓa pa togə́bè pana: See kəmkàr godo Teman’g wa. See kunda kəmkàr dɔ rɔ’g Godo rɔ njégosonégərje’g ŋga wa. See kəmkàr lə dee sané pá ŋga wa.

Ejekel 25:13

gelee gə́ nee ɓa Mbaidɔmbaije gə́ Njesigənea̰ pa togə́bè pana: N’a kula ji neḛ ndiŋ dɔ ɓee gə́ Edɔm’g ndá n’a tuji ne dəwje gə daje pugudu-pugudu keneŋ ləm, n’a karee to dɔdilaloo un kudee Teman saar teḛ Dedan ləm tɔ, ndá d’a kwəi yoo-kiambas ya.

Abdias 1:1

Némḭdi gə́ Abdias oo lé ɓa nee: Mbaidɔmbaije gə́ Njesigənea̰ pata togə́bè wɔji ne dɔ Edɔm pana: Jeḛ j’oo ta gə́ ḭ rɔ Njesigənea̰’g ləm, D’ula njekaḭkula mbuna ginkoji dəwje gə raŋg’g ləm tɔ Pana: Ubaje naŋg ḭje tar, Ar sí j’aw j’iŋgaje Edɔm gə mba rɔ səa.

Habakuk 3:3

Ala ḭ ɓee gə́ Teman aw ree, Njerɔkunda ḭ dɔ mbal gə́ Paran. Boo-ronduba ləa tur dɔ dara pubug ləm, Rɔnduba ləa taa loo dɔ naŋg nee pəl-pəl ləm tɔ.