Ajee 1:3 - Maktub gə́ To gə Kəmee

³ Gelee gə́ nee ɓa Njesigənea̰ ula dee ne ta nee gə ndu Aje, njetegginta lé pana:

Ajee 1:3 ပူးပေါင်းရင်းမြစ်များ

Esdras 5:1

Njéteggintaje gə́ Ajee gə Jakari, ŋgolə Ido gə́ to njetegginta lé, tegginta gə ri Ala lə Israɛlje d’ar Jibje gə́ d’isi Juda gə Jerusalem tɔ.

Ajee 1:1

Mee ləb gə́ njekɔm’g joo gə́ Darius to ne mbai, mee ndɔ gə́ dɔtar’g lə naḭ gə́ njekɔm’g misa̰ lé ɓa Njesigənea̰ ula Aje, njetegginta ta nee aree un aw ula Jorobabel, ŋgolə Səaltiel, gə́ to njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləm tɔ pana:

Ajee 1:2

Njesigənea̰ gə́ njeboo-néje pa togə́bè pana: Koso-dəwje neelé pana: ndɔ kunda kəi lə Njesigənea̰ lé teḛ el ɓəi.

Ajee 1:4

See ɓasinè lé to kàr kar sí-seḭ sije mee kəije’g lə sí gə́ maji gə́ tɔs kagje gə́ maji kaar dee’g loo gə́ kəi gə́ to gə kəmee lé tuji lé wa.

Jakari 1:1

Mee naḭ gə́ njekɔm’g jinaijoo’g, mee ləb ko̰ɓee’g lə Darius gə́ njekɔm’g joo lé Njesigənea̰ ula Jakari ŋgolə Berekia, ŋgoka Ido, njetegginta lé ta gə rɔtaje neelé pana: