Abdias 1:5 - Maktub gə́ To gə Kəmee

⁵ Ɓó lé njéɓogoje əsé gayim-ɓogoje ree kəi ləi loondul’g ndá D’a tujii pugudu! Nɛ see d’a kodo néje karee as dee ɓa el wa. Ɓó lé njétḭja nduúje ree rɔi’g ndá See yee gə́ ka̰ ɓuru ba ya ɓa d’a kya̰ el wa.

Abdias 1:5 ပူးပေါင်းရင်းမြစ်များ

2 Samel 1:19

Ai seḭ Israɛlje, njésiŋgamoŋje lə sí ya to naŋg dɔdərloo’g tereŋ kən! Ŋga bao-rɔje yḛ̀ d’ɔm dee naŋg to gə́ ban wa.

Esai 14:12

Ǝi, i lé ya ḭ dara oso wa I gə́ to kérèmé gə́ ndɔḭ wər-wər ləm, Gə ŋgolə duji-lookàr ləm tɔ! I lé d’undai d’ilai naŋg, I gə́ kédé to njedum dɔ ginkoji dəwje gə raŋg’g lé ya wa!

Esai 17:6

Ges kandə kag a nai ya To gə́ loo gə́ dəw yə ne kag-koiyo bèe Ar kandə koiyoje nai joo əsé munda sémee’g tar ləm, Nai sɔ əsé mi dɔ barkəmeeje gə́ d’andə’g lé ləm tɔ. Njesigənea̰ gə́ njeboo-néje ɓa pa bèe.

Esai 24:13

Mbata mee ɓee’g gə mbuna ginkoji dəwje gə raŋg’g lé To asəna gə loo gə́ deḛ yə ne kag-koiyo bèe ləm, Asəna gə loo gə́ d’wa ne ɓuru ɗɔréje Gə d’inja ne kandə nduú bèe ləm tɔ.

Jeremi 49:9

Ɓó lé njétḭja kul-nduúje ree rɔi’g ndá See d’a kya̰ njé gə́ ka̰ kwa ɓuru el wa. Ɓó lé njéɓogoje ree loondul’g ndá D’a tuji néje lai gə́ to gə́ meḛ dee ndigi tɔ.

Jeremi 50:23

Deḛ guree rug-rug ləm, D’iree njigi-njigi ləm tɔ! Babilɔn lé tuji pugudu Mbuna ginkoji dəwje gə raŋg’g!

Jeremi 6:9

Njesigənea̰ gə́ njeboo-néje ɓa pa togə́bè pana: D’a tḭja ges Israɛlje gə́ nai lé To gə́ tḭja ne kandə nduúje bèe. Maji kari ula jii mam dee ne To gə́ njetḭja nduú, Mam ne barkəm nduúje bèe.

Nɔ̰-ndôo gə́ wɔji dɔ Jerusalem 1:1

Ɗi togə́bè wa. Ɓee-boo gə́ kédé dəwje taa loo keneŋ pəl-pəl lé Tel to dɔ nduba wa. Yee tel to asəna gə njekəisiŋga bèe! Kédé yee ur dɔ ɓeeje lə ginkoji dəwje gə raŋg lai ləm, Ria ɓar yaa̰ mbuna ɓeeko̰je’g lai ləm tɔ Nɛ yee tel to asəna gə njera kula kari ba ŋga!

Abdias 1:9

Ǝi Teman, njérɔje ləi lé ɓəl a kunda dee badə gaŋg dee Mbata deḛ lai gə́ dɔ mbal’g lə Edɔm lé D’a kwəi yoo-məs ya mburug-mburug.

Misee 7:1

Meeko̰ oso dɔm’g! Mbata ma m’to m’asəna gə dəw Gə́ aw mba kinja kandə kag naḭkuli bèe ləm, M’to m’asəna gə njekaw ɓuru tor kandə nduú’g bèe ləm tɔ: Néɓuru gə́ ka̰ sɔ lé godo ləm, Kandə kodé gə́ doŋgɔr gə́ məəm ndigi lé godo ləm tɔ.

Soponi 2:15

Aa ooje, yee ɓa gə́ ɓee-boo gə́ dəwje gə́ keneŋ d’isi dan rɔlel’g Nda ne meḛ dee kaḭ dɔ rɔ dee’g Ra né meḛ dee’g pana: Neḛ ya ɓó né gə́ raŋg godo, to neḛ ya! Ɗi togə́bè wa. Yee tuji pugudu ŋga. Yee tel to loo-to daje gə́ wala! Deḛ lai gə́ dəs mbɔree’g lé D’a kur kɔl piu jeŋ ne ji dee.

Tel tura Godndu 24:21

Loo gə́ seḭ a tḭjaje nduú lə sí ndá seḭ a telje tḭjaje ɗɔréje gə́ nai godé’g el: d’a to mbata lə dəw-dɔ-ɓeeje ləm, gə mbata lə ŋganalje ləma, gə njékəisiŋgaje ləm tɔ.

Loo gə́ killa rea kəm Ja̰’g 18:10

D’a kunda rɔ dee ŋgərəŋ mbata d’a ɓəl néurti gə́ rəa lé ndá d’a pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Babilɔn, ɓee-boo gə́ njesiŋgamoŋ lé nja! Mee kàree gə́ kára ba ya nétuji gə́ wɔji dɔi teḛ dɔi’g ya.