Abdias 1:3 - Maktub gə́ To gə Kəmee

³ Ti gə́ i ti rɔi lé ɓa ari rəm ne ya, I gə́ ra ɓee mee bolè mbalje’g, I gə́ loo-sii to dɔ looje gə́ tar, I gə́ ula rɔi pana: See na̰ ɓa a kɔsi kalaŋ kilai naŋg wa lé,

Abdias 1:3 ပူးပေါင်းရင်းမြစ်များ

Gḭ-Néje 36:8

Esawu ra ɓee dɔ mbal gə́ Seir. Esawu lé to Edɔm.

2 Mbaije 14:7

Yeḛ tɔl dəwje gə́ Edɔm as tɔl-dɔg-loo-dɔg (10.000) kəm wəl-loo gə́ ria lə Kad, loo gə́ rɔ ndá yeḛ taa ɓee gə́ Sela tel unda ria lə Jokteel, to ri gə́ ɓaree ne saar teḛ mee ndəa gən tɔ.

2 Sôrta Gḭka Israɛlje 25:11

Amasia wa mée kɔgərɔ ɔr ne no̰ njérɔje ləa. Yeḛ aw wəl-loo gə́ ria Wəl-Kad ndá yeḛ tɔl njérɔje gə́ to Seirje lé as tɔl-dɔg-loo-dɔg (10.000) tɔ.

2 Sôrta Gḭka Israɛlje 25:12

Judaje d’wa deḛ gə́ nai kəmba d’as tɔl-dɔg-loo-dɔg (10.000) ndá d’aw sə dee dɔ sém mbal’g tɔl dee keneŋ tila dee d’ar deḛ lai toso kunda rɔ dee naŋg təd njigi-njigi tɔ.

Maktub gə́ wɔji dɔ Jɔb 20:6

Lée ti-rɔ ləa aw njal teḛ dara Ar dəa aw saar mee mum’g kara

Gosota-Kəmkàrje 16:18

Kesta ɓa ɔr no̰ tuji ləm, Beelé ɓa ar dəw oso ləm tɔ.

Gosota-Kəmkàrje 18:12

Kédé ɓa kar tuji gə́ boo teḛ ɓəi lé Dəw ti rəa mée’g, Nɛ kula dɔ kédé ɓa rɔnduba orè gée ɓəi.

Gosota-Kəmkàrje 29:23

Beelé lə dəw lé aree oso kul, Nɛ yeḛ gə́ ula dəa aw yururu ndá iŋga rɔnduba.

Esai 16:6

Jeḛ j’ooje sor beelé lə Moabje gə́ to beelé gə́ ur dɔ loo ləm, Gə kəsta, gə beelé, gə ti rɔ lə dee, Gə tapa deeje gə́ gə mḭdé-mḭdé ba ləm tɔ.

Jeremi 21:13

Njesigənea̰ pana: Aa ooje, seḭ gə́ síje ɓee-boo Gə́ to kəm wəl-loo’g Dɔ kɔr mbal gə́ ndag-loo’g lé Neḛ n’aw sə sí gə ta. To seḭ gə́ pajena: See na̰ ɓa a ree koma̰ sə sí wa, See na̰ ɓa a kandə kaw mee loo-si sí’g wa.

Jeremi 37:9

Njesigənea̰ pa togə́bè pana: Maji kar meḛ sí ər sí ar sí pajena: Kaldeje d’a sa rɔ dee rɔ sí’g kaw əw bèe lé a paje bèe el. Mbata deḛ d’a kaw el!

Jeremi 48:28

Ubaje ɓee-booje ya̰je Aw síje mbuna mbalje’g, Seḭ gə́ síje Moab lé! Maji kar sí toje asəna gə dərje Gə́ d’ula kəi lə dee kaar bolè mbalje’g.

Jeremi 49:16

Tɔji rɔ lə sí gə ti-rɔ lə sí To dɔɓəŋgərə sí’g ar sí ndəmje ne, Seḭ gə́ síje mbuna mbalje’g ləm, Gə́ síje sém dɔdərlooje’g lé ləm tɔ. Lée seḭ ulaje kəije lə sí tar To gə́ ka̰ niŋgatə̰də bèe kara M’a kɔs sí keneŋ piriŋ kila sí naŋg, Njesigənea̰ ɓa pa bèe.

Jeremi 49:4

See gelee ban ɓa Seḭ ɔsje gaji rɔ sí dɔ kəm wəl-looje’g lə sí wa. Kəm wəl-loo lə sí aw tuji, Seḭ gə́ toje asəna gə ŋgama̰dje gə́ njédumje Gə́ ɔmje meḛ sí dɔ nébaoje’g lə sí pajena: See na̰ ɓa a ree rɔ sə sí wa.

Ejekel 28:16

Gə goo boo tel kəm lar ləi lé néra gə́ kərm-kərm taa ne məəi pəl-pəl ari ra ne kaiya, i Nékunda gə́ dara gə́ njekaḭ bada lé neḛ n’ɔsi dɔ mbal’g lə Ala piriŋ n’ilai n’ari sané pá mbuna kɔr mbalje gə́ taa pər gəgəgə’g lé.

Malasi 1:4

Ɓó lé Edɔmje pana: Jeḛ lé ɓeeje lə sí tuji mba̰ nɛ j’a tel gɔl dee gogo ɓəi. Ndá Njesigənea̰ gə́ njeboo-néje lé pa togə́bè pana: Ɓó lé deḛ tel gɔl kara m’a kunda naŋg rab-rab ya. Ndá d’a ɓar dee dɔ naŋg gə́ némeeyèrje taa loo keneŋ pəl-pəl ləm, gə koso-dəwje gə́ mee Njesigənea̰ ḭ səa pu dɔ dee’g gə no̰ ləm tɔ.