Abdias 1:17 - Maktub gə́ To gə Kəmee

¹⁷ Nɛ kaji a to dɔ mbal gə́ Sio̰’d Gə́ a to gə kəmee ləm, Ginkoji Jakobje lé D’a tel taa nénduba lə dee gogo ya ləm tɔ.

Abdias 1:17 ပူးပေါင်းရင်းမြစ်များ

Pakɔsje 69:35

Maji kar naŋg gə dara gə baa-boo-kadje Gə néje lai gə́ to keneŋ lé d’ɔs gajee!

Esai 1:27

Njé gə́ Sio̰ d’a kaji Gə goo néra dee gə́ danasur ləm, Deḛ gə́ d’a kun meḛ dee keneŋ D’a kaji gə goo néra gə́ gə dɔ najee ləm tɔ.

Esai 4:2

Mee ndəa gən lé barkəm Njesigənea̰ a tel kidi Gə rɔndɔḭ ləm, gə rɔnduba ləm tɔ, Ndá kandə né gə́ mee ɓee’g lé A tel bə̰dərə bə̰ ləm, A tel maji péd-péd ləm tɔ, Mbata lə Israɛlje gə́ teḛ ta yoo’g lé.

Esai 46:13

M’ar néra gə́ gə dɔ najee ləm ree M’aree to mbɔr sí’g dəb ɓó to əw el, Kaji ləm kara a tila gə́ tila el tɔ. M’a kar kaji to mee ɓee gə́ Sio̰’g ləm, M’a kar rɔnduba ləm ɔm dɔ Israɛlje’g ləm tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Esai 65:9

M’a kar ŋgaka Jakob d’ḭ mée’g teḛ ləm, M’a kar deḛ gə́ d’ḭ ginkoji Judaje’g lé D’a kwa mbalje ləm gə́ nénduba lə dee ləm tɔ, Koso-dəwje ləm gə́ m’ɔr dee m’unda dee gə kəmee lé D’a kiŋga ɓee gə́ né ka̰ dee ləm, Kuraje ləm d’a si keneŋ ləm tɔ.

Jeremi 31:23

Njesigənea̰ gə́ njeboo-néje gə́ to Ala lə Israɛlje pa togə́bè pana: Ta gə́ d’a gə pa mee ɓee gə́ Juda gə mee ɓee-booje’g ləa ɓəi, loo gə́ m’a kar njé’g lə dee gə́ d’aw ɓee-ɓər’g lé tel ree ɓée lé ɓa nee: Maji kar Njesigənea̰ tɔr ndia dɔi’g I gə́ loo-sii to loo-gaŋg-rəwta Gə goo rəbee ləm, I gə́ to dɔ mbal gə́ to gə kəmee ləm tɔ!

Jeremi 44:14

Mbuna ges Judaje gə́ nai gə́ ree d’isi mee ɓee gə́ Ejiptə, deḛ d’wɔji meḛ dee’g mba tel kaw mee ɓee gə́ Juda, gə́ mal tel kaw si keneŋ ra dee lé dəw kára kara a teḛ ta’g kaḭ kaw el. Mbata d’a tel kaw keneŋ gogo el ŋga, banelə njé gə́ na̰je gə́ d’aji lé ba ɓa d’a kaw ya.

Jeremi 44:28

Deḛ gə́ jebəre ba bèe gə́ d’a teḛ ta kiambas’g lé d’a kḭ mee ɓee gə́ Ejiptə tel kaw mee ɓee gə́ Juda gogo. Nɛ ges Judaje lai gə́ d’aw d’isi mee ɓee gə́ Ejiptə lé d’a koo see ta ləm əsé ka̰ dee-deḛ ɓa a kaw lée’g béréré wa.

Jeremi 46:28

I kura ləm Jakob, maji kari ɓəl el. Njesigənea̰ ɓa pa bèe, Mbata m’a nai səi. M’a tuji ginkoji dəwje gə raŋg lai Gə́ m’sani mbuna dee’g lé pugudu, Nɛ i ndá m’a tujii pugudu el, M’a kar bo̰ nérai ɔs tai’g Nɛ gə goo rəbee ya Ɓó m’as kya̰’i lal kwɔjii kəmkàr el.

Ejekel 36:12

N’a kar koso-dəwje lə neḛ gə́ Israɛl ree njaa mee ɓee’g neelé ndá d’a taa ɓee lé karee to né ka̰ dee-deḛ, ɓee lé a to gə́ nénduba lə dee ləm, i a kar dee d’isi lal ŋganje el ŋga ləm tɔ.

Ejekel 7:16

Njékaḭ taa ne rɔ deeje, deḛ d’isi dɔ mbalje’g asəna gə dərndaje gə́ d’isi kəm wəl-looje’g bèe. Deḛ lai no̰ tuma̰ ŋgururu-ŋgururu, ar nana kara no̰ mbata néra kori-kori ləa-ləa.

Loo gə́ killa rea kəm Daniel’g 7:18

Nɛ njémeendaje lə Njekurdɔloo ɓa d’a taa ɓeeko̰ ləm, ɓeeko̰ lé a to ka̰ dee-deḛ ya saar-saar gə́ kédé-kédé gə no̰ ləm tɔ.

Joɛl 3:5

Yen ŋga nana ɓa gə́ a ɓar ri Njesigənea̰ ndá a kaji, Kaji lé a to dɔ mbal gə́ Sio̰.

Amɔs 9:8

Aa ooje, Mbaidɔmbaije gə́ Njesigənea̰ lé Kəmee to dɔ ɓeeko̰ gə́ ta wa dəa’g. N’a gə tujee pugudu Karee godo dɔ naŋg nee péd-péd ya, Nɛ lé bèe kara n’a tuji gel-bɔje lə Jakob bura el, Njesigənea̰ ɓa pa bèe.

Jakari 8:12

Mbata kandə néje gə́ deḛ dubu lé A teḛkɔr ləm, Nduú a kul bo̰-bo̰ gə ka̰dee ləm, Naŋg a kar dee nésɔ dee ləma, Dara a kar dee mán-tàl ləm tɔ, Bèe ɓa n’a kar ges koso-dəwje gə́ nai neelé D’al rɔ dee wɔji dɔ néje’g neelé lai ya.

Jakari 8:3

Njesigənea̰ pa togə́bè pana: Neḛ n’tel n’ree Sio̰, Neḛ ndigi si dan njé gə́ Jerusalem’g. D’a ɓar Jerusalem lé ɓee-boo gə́ njekila koji ləm, Mbal lə Njesigənea̰ gə́ njeboo-néje lé D’a ɓaree mbal gə́ to gə kəmee ləm tɔ.

Loo gə́ killa rea kəm Ja̰’g 21:27

Né gə́ rara gə́ to né gə́ mina̰ əsé ram-dəw gə́ ula rəa dan néndɔlje’g əsé dan néŋgɔmje’g lé d’a kandə mee ɓee’g neelé el. Deḛ gə́ ri dee to mee maktub kəmə’g lə Ŋgonbad lé ɓa d’a kandə keneŋ ya.